ROIRÊLTUHAI 19:3 - PATHIAN LEKHABU IRTHIANG C.L. Bible (BSI)

³ A pasal chu a thoia, chonghoia inthêma hruaikîr nôk tumin siahlo inkhat le sakuartung inhni leh ile a va fea. Nupangin a pa ina a hruai lûta, nupang pa chu a sân a lôma.

ROIRÊLTUHAI 19:3 ပူးပေါင်းရင်းမြစ်များ

IRPHUTNA 34:3

Khanchu, a milung kha Jakoba nâinu Dinaii ringot an sâp tâka, kha dôngmatenu kha a sân an dita, chonghoi ta takin a chongpuia.

IRPHUTNA 50:21

Khasikin chi no roi, nangni le nin nâihai murdi nangni infâ mai ki ti,” a tia. Hianga chong lungngam sakin a ompuihaia.

JEREMIA 3:1

Rengpa’n a ti, “Mi’n a dôngma leh teihai sianlân, a dôngma khan mâkin pasal dang nei sianlân, kha nupang kha hruai kîr nôk thei ni no ni. A ram pumpui a iporinchetir zoi hrang a ni. Khan Israel nang chu indit tamtak ni neia, atûn keima kuang hong kîr ni nuama!

HOSEA 2:14

Khasikin, irngai ta, inthêm ki ta, ramchâra hruai ki ta, irngai om ang takin ama kha chongpui ki ti.

HOSEA 2:16

Khan, Rengpa thu suak khan hiang hin a ti: Kha nikhuaa khan hiang hin ni a ti, ki pasal ni ti a ta, Baal ni ti ta no ni.

LEVI DÂN 19:17

Tukhom khôkmâk lungrîl irput no ro, irhong pharin thu insîr suakin nin kâr thu infeltir ro, khanchu thilsual ni itho loi hrang a ni.

LEVI DÂN 20:10

A Israel chanpui dôngma uirepuitu chu a nupang leh khan that hrang an ni.

NAMBAR 22:22

Khanchu a fe sika khan, Pathian ning a zuan mur pea, Rengpa vântirtôn chu zuang khap hrangin lampuia a lei ngîra. A sakuartung chunga chuang a nia, a sinthotuhai inhni a kuang an om saa,

MATHAIA 1:19

A pasal hrang Josefa chu mi fel tak a nia, mualinphoitir nuam maka, inrûkin mâk a tuma.

JOHANA 8:11

Ama khan, “Rengpa, om mahai,” a tia. Jisua’n a kuang, “Keima khomin thiamno nang inchangtir no ning; fe’n lân, atûn ata chu sual nôk ta no roh,” a tia.

GALATIA 6:1

Urênghaio, mi tu mo khatin sual a tho lai takin tong ta unglân, nangni irtha mihaiin nin indik hrang a ni; khannisianlân, irngaiintôm takin ni tho hrang a ni. Nangni khom thêmnaa nin lût sa loina hrangin irdîn dêkin om roi.

ROIRÊLTUHAI 15:1

Inhnunga chu bu ât laiin Samsona’n kêlte chôiin a dôngma chu a va pana, “Ki dôngma chontana va lût ki ti,” a tia. Khannisian, a tarpu’n lei phal ta maka.

ROIRÊLTUHAI 19:2

A lâksîrnu’n a mâksana, a pa in tiang, Judai rama Bethlehem khuaa khan a kîra, tha minli vêl a va oma.

ROIRÊLTUHAI 19:26

Nupang chu zînga a pasal tungna ina khan a va fea, mikot bula khan a’rtet raka, khovâr mân chu kha khan a om tâka.

ROIRÊLTUHAI 19:4

Khan, a nupang pa a tarpu khan a kuanga om hrangin a chela, sûn thum chu an fâka, an inah, kha khan a riaka.