ROIRÊLTUHAI 19:1 - PATHIAN LEKHABU IRTHIANG C.L. Bible (BSI)

¹ Kha laia Israel rama rêng an nei no lai khan Levia irchi mi inkhat Efraima tâng ram mongna tiang a oma, Judai ram Bethlehem khuaa mi lâksîr a neia.

ROIRÊLTUHAI 19:1 ပူးပေါင်းရင်းမြစ်များ

IRPHUTNA 22:24

Meithâinu irhming Reumi nu khomin Teba hai, Gahama hai, Tahasa hai, Maaka hai, a ineihai a ni.

IRPHUTNA 25:6

nu dang leh a nâihai chu a dam laiin lômmanin thil a semhai; Isaka mithmua nâi danghai chu sim tianga rama om hrangin a tîrhai ta.

IRPHUTNA 35:19

Khaangin Rakili chu lampuia Efrat lama an phûma (Efrat chu Bethlehem khua a ni.)

2 SAMUELA 16:22

Khanchu rêng in chunga khan Absaloma ta hrang puan in an sunga, Israel mihai murdi mithmua Absaloma kha a pa lâksîrnu zâlpui hrangin a lût tâka.

2 SAMUELA 19:5

Joaba kha rêng ina a va fea, rêng kuang khan, “Ni hringna hai, ni nâipasal hai le ni nâinuhai hringna le ni dôngma le ni lâksîrnuhai hringna inzôktu ni mihai kha a vuan hin hmâimôk ni irlâktirhai a ni.

2 SAMUELA 20:3

Davida khan Jerusalema a rêng in kha a tungin chu, a lâksîr sômkhat, in a innghâktirhai kha a hruaihaia, a khumpaihaia, an innang murdi a lâk pehaia. Khannisian anni kha chu zâlpuihai ta ma. Khaang khan an thi ni dênin ikhumin meithâiin an om tâka.

2 SAMUELA 3:7

Sûn khat chu Isbosetha khan Abnera kuang, “I lo hrangin mo ka pa Saula lâksîrnu Rizpii, Aii nâinu kha ni izâlpui?,” a tia.

2 SAMUELA 5:13

Davida khan Hebrona irthokin Jerusalema a’rthon hnunga khan, dôngma le lâksîr a nei belsaa, nâipasal le nâinupanghai a nei intam ual tâka.

1 RÊNGHAI 11:3

Solomona’n rêng nâi irzasari dôngma’n a neia, lâksîr irzathum a neihai sa, a dôngmahaiin an ihruai insual tâk a ni.

1 RÊNGHAI 4:8

Hihai hi an hruaituhai irhming le an omna bial irhminghai chu a ni; Efraima tâng ram Benhura.

2 THURCHI SUINA 11:21

Rehoboama hin dôngma sômhleiriat le lâksîr sômruk a neia, nâipasal sômthum kiriat le nâinupang sômruk kiriat a neia. A dôngma le a lâksîrhai laia Maaki hi an dit tak a nia,

ESTHERI 2:14

Zân tiang rêng makunga an hruaia, zînga rêng dôngmahai omnaa thainuzel Saazgasa kuta an sia ngai. Rengin a nuama, ar hminga a koi no’n chu rêng makunga fe nôk ta ngai mah.

DANIELA 5:3

Khanchu rângachaka siam bêl le bûrhai, Jerusalema Pathian biak in ata lâksuak kha an hong chôia. Rêng le a milianhai, a dôngmahai le a lâksîrhai khan uain inna’n an hmang tâka.

MALAKIA 2:15

Khan hringna chi kha a nei sikin, ama khan inkhata a isiam loi ma ni? Itho sika inkhata siam mo a ini? Pathian chi kha a izong a ni. Khasika khan nin irtha khan irdîn unglân mi tukhom a thoibop dôngma kha porinche takin lo no ri sehai.

MATHAIA 2:6

“Nang, Bethlehem, Judai rama om, Judai ram khopui laia hin chîn ual hliak mak che, Ni sûng ata optu a zuang isuak hrang a ni, ki mi Israelhai hruaitu hrang chu iti hi,” tiin an sâma.

JOSUA 24:30

Gaas tâng hmâr tiang, Efraimhai ram, tâng rama ama ram Timat-sera-ah khan an phûma.

JOSUA 24:33

Arona nâipa, Eleazara khom a thia, Efraima mihai tâng rama om, a nâipa Finehasa an ipêk ram Gibea khuaa an phûma.

ROIRÊLTUHAI 12:8

Jeftha zoia Bethlehem khuaa mi Ibzana’n Israelhai chu a hruaihaia.

ROIRÊLTUHAI 17:1

Efraima tâng rama mi inkhat a oma, ar hming chu Mika a ni,

ROIRÊLTUHAI 17:6

Kha lai khan Israel rama rêng la nei mahai, mâni chitin sa an ti angin an om mai a ni.

ROIRÊLTUHAI 17:7

Judai rama Bethlehem khuaa ruatharte inkhat Levia irchia mi hi a oma,

ROIRÊLTUHAI 17:8

Kha mi kha omna hrang zongin Judai rama Bethlehem khua chu a suaksana, Efraima tâng rama a honga, Mika in chu a hong tunga.

ROIRÊLTUHAI 18:1

Kha lai khan Israel rama rêng la nei mahaia. Israel laia ram lua hrang an irsem lai khan Dana irchihai chu ram lua hrang chang sa mahaia, ram lua hrang an zong irvêl mai a ni.

ROIRÊLTUHAI 18:13

An fe zêla, Efraima tâng ram, Mika in chu an hong tunga.

ROIRÊLTUHAI 19:16

Kha lai taka khan, khohloia tar inkhat a loia fe hi a honga; ama chu Efraima tâng ram mi a nia, Gibea khuaa om mai ngai a ni; Gibea mihai chu Benjamina irchihai an ni.

ROIRÊLTUHAI 19:2

A lâksîrnu’n a mâksana, a pa in tiang, Judai rama Bethlehem khuaa khan a kîra, tha minli vêl a va oma.

ROIRÊLTUHAI 21:25

Kha lai khan Israel rama rêng om mahai, sa an iti ang angin mi tin an om ngai a ni.

ROIRÊLTUHAI 3:27

Ehuda chu Efraima tâng ram a hong tungin chu bekul a tuma, Israelhai chu tâng ram rengata a kuang an zu fea, ama’n a hruaihaia.