ROIRÊLTUHAI 18:8 - PATHIAN LEKHABU IRTHIANG C.L. Bible (BSI)

⁸ Mi ringa chu Zora le Estaol khuaa mihai kuang an kîr nôka, kha khuaa mihaiin an kuang, “Imo nin hril hrang nin neia?” an tia.

ROIRÊLTUHAI 18:8 ပူးပေါင်းရင်းမြစ်များ

JOSUA 15:33

Tâng kôla phâi rama khua omhai: Estaol, Zora, Asna,

ROIRÊLTUHAI 13:2

Khan, Zora khuaa Dana irchi, mi pasal inkhat, Manoa a oma, a dôngma chu a chinga, nâi rêng rêng nei mahai.

ROIRÊLTUHAI 16:31

A urênghai le a pa insûnghai chu an zuanga, a ruak chu an kêlsuaa, a pa Manoa thân Zora le Estaol kâra khan an phûm tâka. Kum sôm inhni Israelhai chunga roi a irêl a ni.

ROIRÊLTUHAI 18:11

Khanchu, Dana irchihai, hriamhrei chôi mi irzaruk chu Zora le Estaol khua ata an irthoka, an suaka.

ROIRÊLTUHAI 18:2

Khasikin, Dana irchihaiin an irchihai lai ata mi pasal sa ringa an inthanga, Zora le Estaol khua ata ramsa zonga envêl hrangin an tîra. Efraima tâng ram an hong tungin Mika ina an fea, an riak tâka.

ROIRÊLTUHAI 18:7

Khanchu, mi pasal ringahai chu an fea, Lais khua an va tunga. Sidon mihai ang takin kha khuaa mihai chu hoi takin an om ti an hmua. Mi nunirnêm om mai mai, tûte’n inbuaihai loi, itinrênga irfakhop an ni. Sidon khua ata chu hlatak a nia, mi dang tu leh khom irkopna rêng rêng nei mahai.

ROIRÊLTUHAI 18:9

Anni’n, “Thoi roi, Lais khua chu hong doi ei ti, a ram kin hong hmua, ram satak a ni. Hi hin om mai mai no roi, irhnot unglân, hong lâk ei ti.