ROIRÊLTUHAI 18:30 - PATHIAN LEKHABU IRTHIANG C.L. Bible (BSI)

³⁰ Dana irchihaiin thing millim sumrua inluan chu an biak tâka. Mosia nâi Gersoma nâipa Jothama chu ochaia an hmanga; kha mi irchihai chu suaka intâng ten khan Dana hai ochaia an changa; Mika millim siamhai chu a om mai tâka.

ROIRÊLTUHAI 18:30 ပူးပေါင်းရင်းမြစ်များ

2 RÊNGHAI 15:29

Pekahia inlal zoro hin Assuria rêng Tiglat Pilesera hin Ijon khua, Abela Bethmaka, Janoa, Kades le Hazor khua hai lâkin, Gilead ram, Galili ram le Naftalia ramhai a lâk saa, mipuihai chu Suria rama a thonhaia.

2 RÊNGHAI 17:18

Israel mihai chunga Rengpa ninginmur, a hmu loina hmuna a’rzûlhaia, Judahai vai an iom tâk a ni.

2 RÊNGHAI 17:20

Rengpa’n Israel murdi chu a ihnôlhai a ni ta, deng an theihaia, râl ichiom tak takhai kuta a pêkhaia, a hmu phâk loina hrang hmuna a tîrhai ta a ni.

2 RÊNGHAI 17:22

Jeroboama hnung an zuia, thilsual a itho dôr, anni khomin an thoa.

2 RÊNGHAI 17:23

A siahlo deipuhai hmanga a ihril angin a hmuphâk loina rama a inhnotpai sabak a ni ta. Khanchu, Israel mihai chu Assuria rama atûn ten hin sala an intâng a ni ta.

FESUAKNA 2:22

Nâipasal a neia, a’rhming khom Gersoma a tia. Mi rama rot ki ni sikin, a iti a ni.

FESUAKNA 20:4

Nangma hrang millim khom siam no ro, chung tianga irvâna om mo, irnênga om mo, irnêng hnuaia om mo, ir-angpui ite ni isiam hrang ni mah.

LEVI DÂN 26:1

“Ite ni ual loi, millim sinhai, lung millimhai, chubai mûk hrangin nin isiam hrang ni ma, kei hi Rengpa nin Pathian ki ni.

DÂN INHNINA 27:15

‘Kut theithiam suak Rengpa ikhôkmâk lung, thing, thîr inrûka biak mani chu khosâl tongin om ri se,’ ti an ti. Mipui murdi’n, ‘Amen’ tiin hong sâm an ti.

DÂN INHNINA 31:16

Rengpa khan Mosia kuang, ‘Irngai ta, ni pi le puhai kuang zâl lat hrang ni ni ta; hi mihai hin ni thi tika chu ni uiresan an ta, thu ki irthungpuihai kha tho’nchâi an ta, ni rotsan an ta; an va lêngna hranga lei om nam danghai pathian kha ni biaksan an ti.

DÂN INHNINA 31:29

Ki thi hnunga chu a sân siat zoi nin ta, ki thu nangni irchutir kha zôm nuam no chin ni. Inhnung tena len vâng chu Rengpa ikhap kha tho si sit nin ta, a ninginmurtir nin ta, irhmangna nin ti,’ a tia.

ROIRÊLTUHAI 13:1

Israelhai chu Rengpa mit hmua thilsual an tho nôk tâka, kum sômminli sûng chu Filistia hnuaia Rengpa’n an omtirhaia.

ROIRÊLTUHAI 17:3

Sumru tangka sângkhat le irzakhat chu a nu a pêk nôka, a nu’n, “Ki khomâksâm kha ki nâipa chunga a chum loina hrangin keima ngeiin hi sumru tangka hi Rengpa ta hrangin ki inhlan a ni. Thing millim inluanna’n le millim siamna’n ni ihmang hrang a ni. Khasikin, sumru tangka chu nang pêk inkhîr nôk ki ti,” a tia.

ROIRÊLTUHAI 17:5

Mika’n Pathian in a sina, Efod leh millim a siama, a nâipa inkhat chu ochai hrangin an kunga.