ROIRÊLTUHAI 18:17 - PATHIAN LEKHABU IRTHIANG C.L. Bible (BSI)

¹⁷ Mi ringa ram envêltuhai chu kha ina khan an lûta; khan ochai chu mi irzaruk irdoina tukfam irbelhai laia mikot bula khan a ngîra.

ROIRÊLTUHAI 18:17 ပူးပေါင်းရင်းမြစ်များ

IRPHUTNA 31:19

Khan, Labana chu a belra mul ep hrangin a lei fe pata; khan Rakili’n a pa millim an rûk pea.

IRPHUTNA 31:30

Khan ni pa irngaiin a fe nuam zap khom unglân, itho sika mo ki pathiantehai nin ni inrûk pe?” a tia.

FESUAKNA 32:20

Sehrâtchal irlim an isin kha a lâka, an zôia a suk indi chita, tui leh a’rzêla, Israel mihai kha an intirhai ta.

ISAIA 41:29

An rêngin ite hmang zât om mahai, Ite tho thei khom nei mahaia, an millim sorhai hi ite an ini loi a ni.

ISAIA 46:7

An dârsuama an chuanga, an ir-iampuia, An omna hrang hmuna an va siahaia, an isia lam takin a omchian ngai. Irthîn thei ni maka, an chongpuihai khomin sâm thei mahaia, chardong irlahai khom sian sanhai thei mahaia.

EZEKIELA 21:21

Babulon rêng chu lampui irsenna lai, lampui inhnihai irchunna taka khan, a fena lampui inhriatna’n dôi hmangin tâ a sâna, hnung tiang mân tiang thalhai chu a pêla, millim chu chong ar dona, irbôlna sa mithin chu a en vong vonga.

HOSEA 3:4

Israel, irchihai kha nikho tamtak inlaltak le milian le lungphun ser le ochai songkol mani, millimhai mani nei loiin an iom hrang a ni.

MIKA 5:13

Nangma ata ni millim siam chophai le ni lungphunhai kha inboipai ki ta; ni kut suak thil kha biak ta no chi ni.

ROIRÊLTUHAI 18:14

Lais le a vêla ram hong envêltuhai mi ringa khan an rualhai kuang, “Hi in inkhat sûnga hin thing millim sumrua inluanhai a om ti nin inhriat mo? Millim danghai le Efod khom a om, itin mo tho inlân sa ni?” an tia.

ROIRÊLTUHAI 18:16

Mikot kôla khan hriamhrei chôiin Dan irchihai chu mi irzaruk an ngîra.

ROIRÊLTUHAI 18:18

Mi ringahaiin Mika ina thilser omhai chu an lâk laiin, ochaiin, “Imo nin itho?” a tia.

ROIRÊLTUHAI 18:2

Khasikin, Dana irchihaiin an irchihai lai ata mi pasal sa ringa an inthanga, Zora le Estaol khua ata ramsa zonga envêl hrangin an tîra. Efraima tâng ram an hong tungin Mika ina an fea, an riak tâka.

ROIRÊLTUHAI 6:31

Khannisian Joasa’n khaanga tîtuhai kha a sâma, “Baal hi nin thop mo, san hrang nin itum ma ni? Baal thop murdi chu nangtûk zîng renga hin thatpai an ini hrang a ni. Pathian a ni tak takin chu a maichâm an insiat lai khan ama le ama a irhrung hrang a ni kha te,” a tia.

1 SAMUELA 19:13

Kha hnung chu Mikali khan millim kha a lâka, zâlhmuna khan an zâla, khanchu a lu tiang khan kêl mul a siaa, puan leh ar khûa.

1 SAMUELA 4:11

Pathian Thuthung Bôm kha an lâk pehaia; Elia nâipasalhai ruai Hofnia le Finehasa hai kha an that saa.