ROIRÊLTUHAI 16:30 - PATHIAN LEKHABU IRTHIANG C.L. Bible (BSI)

³⁰ “Filistia mihai hi lei that hlukhai rong,” a tia, chopui chu ar nakhrât thei dôrin a nama, in chu a chim rup tâka, an hruaituhai le a sûnga om murdi chu a del thathaia. A dam laia a ithathai nêkin atûna a ithathai hi an tam ual.

ROIRÊLTUHAI 16:30 ပူးပေါင်းရင်းမြစ်များ

IRPHUTNA 3:15

Khan, nang le nupang hi nangni irdoitir ki ta, ni’rchihai le a’rchihai khom la’rdoitir ki ti: kha khan ni lu zêmirnôitir a ta, nangin a ke ârtui lei inchuk pe ni ti,” a tia.

JOBA 20:5

mi sual râifân chu sôt ngai maka, Pathian inhre loi mi lômna chu mit khapkâr vai hrang ang a ni.

JOBA 31:3

Mi sualhai hranga siatna le thiltho insualhai hranga vânduaina a ini loi hrang mo?

INPÂKNA HLAHAI 62:3

Nangnihai murdi’n, thatpai hrangin, Lung bang rô inbei ang le, irpal inrîl vâng vâng bei angin, I dôr ten mo mi inkhat hi nin ibei hrang?

THUHRILTU 9:12

Khan, mihriamin zoro chu itika mo a hong tung hrang ti inhre viat mah. Ngahai chu lêna khum le, vahai chu chânga khit angin, mihriamhai khom zoro saloiin irningloiin a khumhai ngai.

MATHAIA 16:25

Tukhomin mâni hringna sûnghual tumtu’n chu inchân an ta, tukhom keima sika a hringna inchân murdi’n chu hmu an ti.

TÎRTÔNHAI SINTHO 20:24

Pathian lungkhamna Thurchi Sa insîr hrang sintum Rengpa Jisua Krista’n a ni ipêk zoina hrangin chu ki hringna khom hi ite’n bê ma ung.

TÎRTÔNHAI SINTHO 21:13

Paula khan, “Imo nin itina, nin chap nin chapa, bei nin ni indongtira nin dôptir nin itum mo? Rengpa Jisua irhming sika khan Jerusalema khan khit vai mo ki’rhuama, thi khom ki irhuam kêng,” a tia.

FILIPI 2:17

Nin iamna sin thôna le irbôlnaa khan inhlana om hrang ni khom inlân lôm ki ti, nangni khom nangni lômpui sa ki ti.

FILIPI 2:30

Nangnihaiin changpuina nin ni ipêk thei ban kha, ama’n ni pêk a tuma, a sân irnak song tak takin Krista sinthôna sika, a lei thipui vâng vâng a ni.

FILIPI 2:8

Khanchu, mihriam anga zuang omin, a’rngaiintôma, thipui rakin thu a zôma, krosa a thina ngei chu.

KOLOSA 2:15

Kha Krosa khan Krista’n irtha roirêltuhai le irchamneinahai, sinthotheinahai ata suak paiin, khahai an hnêna kha mi tin hmu hrangin a siam ta.

1 THESALONIKA 5:2

Rengpa Nikhua chu zâna inru angin a itung hrang ti nangni ngeiin fel takin nin inhriat.

ROIRÊLTUHAI 14:19

Rengpa Irtha chu a chunga irningloi rengin a zuang chum thuta, Askelon khuaa a zu fea, mi sômthum a zu thata, an neinun chu a lâkpai pehaia, a irôro inhriattuhai kha irsakna puanhai chu a pêkhaia. Ningmur takin a pa in tiang a kîr nôk tâk.

ROIRÊLTUHAI 15:15

Sakuartung irkamru thar tak hi a hmua, a lâka, mi sângkhat vêl a van zui thathaia.

ROIRÊLTUHAI 15:8

Khanchu, an chunga a tho tâka, mi tamtak a thata, Etam lungpui khura a lûta, a om mai tâka.

ROIRÊLTUHAI 16:29

Khan, Samsona’n, kha a irhnêlna chopui inhni chu a bân chang tiang le vei tiang an kuaa. sirsanin a hmanga.

ROIRÊLTUHAI 16:31

A urênghai le a pa insûnghai chu an zuanga, a ruak chu an kêlsuaa, a pa Manoa thân Zora le Estaol kâra khan an phûm tâka. Kum sôm inhni Israelhai chunga roi a irêl a ni.