ROIRÊLTUHAI 16:25 - PATHIAN LEKHABU IRTHIANG C.L. Bible (BSI)

²⁵ An lôm tak taka, “Samsona kh a hong hruai u ta, nuiza siamna’n lei hmang rei,” an tia. Intângna in ata Samsona chu an hong hruai suaka, nuiza siamna’n an hmang tâka, chopui le chopui inhni kâra an inngîrtira.

ROIRÊLTUHAI 16:25 ပူးပေါင်းရင်းမြစ်များ

2 SAMUELA 13:28

Absaloma’n a zuituhai kha chong a bêhaia, “Amnona’n uain a ina an rui kha lei en chak unglân, that hrangin thu nangni ki pêkin chu, that roi, chi no roi. A mophurna chu keima’n pêl ki ti. Hâitakin om unglân, lungôkinchain om no roi duah,” a tia.

1 RÊNGHAI 20:12

Khan Benhada le a rual rêng danghai le an puan ina zu an in laiin, kha thu kha an inhriata, a sipaihai chu khopui doi ta hrangin thu a pêkhaia, an irsiam ta.

ESTHERI 1:10

Sûn sari nia chu, uain sikin rêng lungrîl a hong lôm tâka, khanchu, thainuzel sarihai Mehumana, Biztha, Harbona, Bigthana, Abagtha, Zethara, Karkasa ama siahlo bîkhai chu a koihaia.

ESTHERI 3:15

Susa khopuia khom thupêk kha rêngin an puangtira; bial dang danga khom lekha chu an intânpuia. Reng le Hamana chu zu an in mai lai takin Susa khuaa mi chu an char a dong zit tâka.

INPÂKNA HLAHAI 69:12

Kul mikota toihai khan ki chungchâng thu an insîra; zû’nrui hmanghai hla ki ni tâk hi.

INPÂKNA HLAHAI 69:26

Ni izêm kha chu deng an intheia, Ni sabêhaia milung dûk chu an insîr ngaia.

ISAIA 22:13

khannisian innuipumin nin râi a fâna, sehrât le belra thatin bu khalâi nin doa, zu buala nin oma, “Fâkin in ei ti, nangtûk chu thi hrang ei ni,” nin tia.

MATHAIA 27:29

Khanchu, ilhling lukhum an phana, an inkhumtira, a kut chang tiang khianghrol an inchôitira; a makunga khûksadelin, “Judahai Reng, hring sôt roh!” tiin an innuisana.

HEBRAI toc2 HEBRAI 11:36

Senkhat chu nuiza siamna’n an hmanga, an zêma, senkhat nôk chu kolbun le intângna ina an khum.

ROIRÊLTUHAI 16:24

Samsona an hmu’n chu an pathian an inpâka, “Ei pathianin ei râlpa le ei ram insiatpu, mi tamtak ni thatpupa chu ei kuta a ni pêk tâk hi te,” an tia.

ROIRÊLTUHAI 16:26

Samsona’n a kaipu nâipang kuang, “Hi in doina chopui hi ni hong inthemtir ta, lei irhnêl rong ba,” a tia.

ROIRÊLTUHAI 18:20

Ochai chu a sân a râi a fâna; khanchu, thil serhai chu ama’n a chôia, an laia khan a fe sa tâka.

ROIRÊLTUHAI 19:6

Khanchu, an toi khôma, an ruaiin an fâkin an in tâka. A tarpu’n, “A vuan zân chu riak nôk phot roi, nin lungrîl chu râifân takin om roi,” a tia.

ROIRÊLTUHAI 19:9

Khan ama chu a lâksîr le a siahlo leh ile fe hrangin an irthokin chu a tarpu’n, “Irngai ta, khohloi a ini tâk kêng, la châm nôk hi roi. Misa a tâk hrang reng a ni tâka, hi hin riak unglân, bu le anh la hei fa nôk hi rei. Nangtûk zînga thoi nin ta, in tiang fe nin ti,” a tia.

ROIRÊLTUHAI 9:27

Khanchu, loihaia an fea, grep rahai an irhmala, kût an hmanga, an pathian ina an lûta, an fâkin an ina, Abimeleka chu khua an sâla.