ROIRÊLTUHAI 16:12 - PATHIAN LEKHABU IRTHIANG C.L. Bible (BSI)

¹² Delili’n hruihrual thar la hmang viat ngai loi chu a lâka, a khitphiara, “Samsona, Filistia mihaiin nang hong doi hrang an ni ta,” a tia. Lei inruangtuhai chu chontan sûngrila an oma, an hong suaka. Khan, a khitna hruihrual chu patmal ang takin an potsat chit tâka.

ROIRÊLTUHAI 16:12 ပူးပေါင်းရင်းမြစ်များ

TÎRTÔNHAI SINTHO 21:33

Sipai hruaitu inlaltak khan a hong nâia, Paula kha a chela, thîrhrui inhni’n an khittira, tu mo a ini, imo a itho ar dona.

ROIRÊLTUHAI 15:14

Lehi hmun an hong tungin chu Filistia-haiin an lei dona, an khêk mur mura; Rengpa irtha’n a hong man thuta, an khitna hruihrual thar chu pat ang takin an potsat chit tâka.

ROIRÊLTUHAI 16:11

Ama’n, “Hruihrual thar, la hmang viat ngai loi leh hin ni khithai sian, hrât no ninga, mi danghai ang mai ni ta ki ti,” a tia.

ROIRÊLTUHAI 16:13

Delili’n Samsona kuang, “Ni ni la huang maia, dikloi thu ni ni la ihril nôk a ni hi. Itin tak mo nang khit inlân ni ihrât theiloi hrang?” a tia. Samsona’n, “Ki sam phiar sari hi puana không sa’n lân a kilna leh kil khakin lân, hrât ta no ning, mi danghai angin ni ta ki ti,” a tia.