ROIRÊLTUHAI 15:11 - PATHIAN LEKHABU IRTHIANG C.L. Bible (BSI)

¹¹ Judai ram mi sângthum Etam rôl khura khan an zu fea, Samsona kuang, “Filistia-hai hi kin chunga thuneituhai an nih ti inhre mak che mo? Kin chunga ni tho lam hi itina mani tâk?” an tia. Ama khan, “An ni ilong angin an chunga ki itho a ni kha,” a lei tia.

ROIRÊLTUHAI 15:11 ပူးပေါင်းရင်းမြစ်များ

1 THURCHI SUINA 4:3

Kaleba le Efrati nâilutîr chu Hura a ni, Bethlehem khua indingtirtu a ni. Hura’n nâipasal inthum Etama, Penuela le Ezera a neia. Etama’n nâipasal inthum Jereel, Isma, Idbasa hai a neia, nâinupang inkhat Hazelelponi a nei.

LEVI DÂN 26:25

Nin laia râl hong tîr ki ta, thuthung nin itho’nsiatna phuba nangni hong la an ti. Nin khopui kul sûnghaia nin irbîk khomin hri inlêngtir ki ta, râlhaiin hong la dên an ti.

DÂN INHNINA 28:13

A vuana thu nangni ki ihril hi, a thupêkhai hi ngûk taka nin zôma, pathian danghai irzûlin a vuana thu nangni ki ihril hi chang tiang mani, vei tiang mani nin pêtsan noa, an sin nin tho ual no’n chu Rengpa nin Pathian khan nam tin luah nangni siam a ta, an ikaihruai vai ni no chin nia, a’rhnuai uala ni loiin a chung uala hong ni mai nin ti.

DÂN INHNINA 28:43

Nin laia nam dang omhai kha inlal tîr tîr an ta, nangni dongtum rêk chu hong tôm sit sit a ti.

ROIRÊLTUHAI 13:1

Israelhai chu Rengpa mit hmua thilsual an tho nôk tâka, kum sômminli sûng chu Filistia hnuaia Rengpa’n an omtirhaia.

ROIRÊLTUHAI 14:4

Khannisianlân, a nu le pa’n, kha kha Rengpa itho a nih ti inhre mahaia; Filistia mihai chunga zoro inchum a zong a ni, kha lai khan Filistian mihaiin Israel mihai chunga roi an rêl a ni.

ROIRÊLTUHAI 15:10

Judai ram mihaiin, “Itho sika mo ni doi hranga nin ihong hi?” an tia. Anni’n, “Samsona khitphiara, a ni ilong lam angin long hrangin kin ihong irsiam a ni,” an tia.

ROIRÊLTUHAI 15:12

Anni’n, “Filistia mihai kuta pêk hrangin nang khit hrang kin ni,” an tia. Samsona’n, “Nangni’n ki chunga kut insumloi hrangin chong irkhâm phot roi,” a tia.