ROIRÊLTUHAI 14:19 - PATHIAN LEKHABU IRTHIANG C.L. Bible (BSI)

¹⁹ Rengpa Irtha chu a chunga irningloi rengin a zuang chum thuta, Askelon khuaa a zu fea, mi sômthum a zu thata, an neinun chu a lâkpai pehaia, a irôro inhriattuhai kha irsakna puanhai chu a pêkhaia. Ningmur takin a pa in tiang a kîr nôk tâk.

ROIRÊLTUHAI 14:19 ပူးပေါင်းရင်းမြစ်များ

ROIRÊLTUHAI 1:18

Gaza, Askelon, Ekron hai le a kôl vêla khuahai chu Juda irchihaiin an lâka.

ROIRÊLTUHAI 13:25

Rengpa irtha’n Zora le Estaol kâra Mahane-dan hmuna khan Samsona chu a hong pôl irphut tâka.

ROIRÊLTUHAI 14:18

Khataka khuaa ruathartehaiin a sûn sari nî, misa tâk mân a kuang an honga, “Khuai hlutui nêka thum imo om? Kâmkeibaknei nêka hrât ual i mani?” an tia. Samsona’n, “Ki sehrât irla hi irnêng inpholtir no unglân chu, ki irôro hi inhre viat no chin ni,” a tia.

ROIRÊLTUHAI 14:6

Irningloiin Rengpa irtha chu a chunga a zuang chum thuta, ite khom chôi maka, kêlte ang takin an pot indi chita, khannisianlân, a sintho kha a nu le a pa chu inhrilhai viat mah.

ROIRÊLTUHAI 15:14

Lehi hmun an hong tungin chu Filistia-haiin an lei dona, an khêk mur mura; Rengpa irtha’n a hong man thuta, an khitna hruihrual thar chu pat ang takin an potsat chit tâka.

ROIRÊLTUHAI 3:10

Rengpa Irtha chu a chunga a oma, Israelhai hruaitu a hong ni tâk. Irdoi hrangin a fe suaka, Rengpa’n Mesopotamia rêng Kusan-risathaima chu an hnêtira, a kut ata Israelhai chu a sansuakhai tâka.

1 SAMUELA 11:6

Kha thurchihai kha an hriat infel tena chu, Saula chunga khan Pathian irtha a satêrengin a zuang chuma, a ning a sate’n an mur pe tâka.

1 SAMUELA 6:17

Filistia mihaiin rângachak le pangpo millim ringa Rengpa kuang an siat irbôlna hranga an inhlan kha; an khopui ringahai, Asdod, Gaza, Askelon, Gath le Ekron-hai le hmunkhat ang a ni.

1 SAMUELA 6:4

Mipuihai khan, “Ama kuang kin siat irbôlna inhlan hrangin imo kin itho hrang?,” an tia. Anni khan, “Filistia rêng om dôrin pangpo millim ringa le châichek millim ringa; rângachakin siam unglân; nangni le nin rênghai chunga hri lêng kha hmunkhat a ni.