ROIRÊLTUHAI 11:36 - PATHIAN LEKHABU IRTHIANG C.L. Bible (BSI)

³⁶ Ama’n, “Ka pa Rengpa kuanga chong ni inkung tâkin chu ni thu angin tho ro; Rengpa’n ni râlhai Amon-hai chunga phuba a lâk tâk kha te,” a tia.

ROIRÊLTUHAI 11:36 ပူးပေါင်းရင်းမြစ်များ

2 SAMUELA 18:19

Khanchu Zadoka nâipa Ahimaaza khan, “Va intân ki ta, Rengpa’n a râl phuba a ilâk pe dân kha rêng hi la va hril hi rong dua,” a tia.

2 SAMUELA 18:31

Kha hnung chu Kus mi kha a hong tunga, rêng kuang khan, “Rengpa ka pu, ni ta hrang thurchi sa ki hong intung a ni,” a tia.

2 SAMUELA 19:30

Mefiboseta khan rêng kuang, “Ziba khan dong ving ri se. Rengpa kha ama ina inzôk riama a hong tung nôk hi, ki ta hrangin chu a iruk a ni,” a tia.

NAMBAR 30:2

pasalin Rengpa kuang thilpêk hranga chonginkungna neiin mani, aninole thil senkhat irser hranga chonginkungna neiin mani a lei oma nî’n chu, a chonginkung kha inchâi loiin a inkung ngêt hrang a ni.

TÎRTÔNHAI SINTHO 20:24

Pathian lungkhamna Thurchi Sa insîr hrang sintum Rengpa Jisua Krista’n a ni ipêk zoina hrangin chu ki hringna khom hi ite’n bê ma ung.

TÎRTÔNHAI SINTHO 21:13

Paula khan, “Imo nin itina, nin chap nin chapa, bei nin ni indongtira nin dôptir nin itum mo? Rengpa Jisua irhming sika khan Jerusalema khan khit vai mo ki’rhuama, thi khom ki irhuam kêng,” a tia.

ROM KHUAA MIHAI KUANGA TÎRTÔN PAULA LEKHATHON 16:4

khahai khan ki hringna inzôkna hrangin thi khom an irhuam a ni. Keima vai ni loiin Jentail koiindang murdi khom an chunga an ilôm a ni.

FILIPI 2:30

Nangnihaiin changpuina nin ni ipêk thei ban kha, ama’n ni pêk a tuma, a sân irnak song tak takin Krista sinthôna sika, a lei thipui vâng vâng a ni.

JOSUA 12:2

Amor mi Hesbon rêng Sihona le Basan rêng Oga an inhnea. Sihona ramin Gilead ram chimrip a ihuap a ni; Arnon dung irhôr irkua Aroer khua le Arnon vadung kôla khua rengata Jabok vadung a dêna, kha kha Amon mihai leh an ramrina a ni.