ROIRÊLTUHAI 11:29 - PATHIAN LEKHABU IRTHIANG C.L. Bible (BSI)

²⁹ Rengpa Irtha chu Jeftha chunga a hong tunga, Gilead le Manasea ram chu ar fanga, Gilead bial Mizpa khuaa khan a hong kîr nôka. Amon-hai rama khan a fe tâka.

ROIRÊLTUHAI 11:29 ပူးပေါင်းရင်းမြစ်များ

IRPHUTNA 31:49

Mizpa khom an ti sa. Labana’n, “Irsena ei om hnungin, Rengpa’n ni enkol ri se.

1 THURCHI SUINA 12:18

An laia hruaitu inkhat Amasaia chu Pathian irthain an thuama, hiang hin chong an kung tâka: “Ni mihai kin ni, Davida, Jesaia nâipa, nangma mi kin ni. Irtharngamna ni kuang om sianlân, nang a san hrangtuhai kuanga khom om sianlân, Pathianin nang changpui ri se,” a tia. Davida’n a lei lômhaia, a sipai hruaitua a siahai ta.

NAMBAR 11:25

Khanchu Rengpa kha sûm laia a zuanga, a chongpuia, Mosia kuang irtha a lei ipêk senkhathai kha lâkin hruaitu sômsarihai kha a pêkhaia. Khanchu irtha kha an chunga a chum le zel khan, deipuhai angin thu an hrila, khannisian kha kha chu tho thei mai ta mahaia.

ROIRÊLTUHAI 10:17

Khan Amon-hai chu an irbukkhôma, Gilead hmuna riakbuk an khuara, Israelhai khom an irbukkhôma, Gilead biala Mizpa khuaa riakbuk an khuar saa.

ROIRÊLTUHAI 11:11

Khanchu, Jeftha’n Gilead upahai chu a zuia, mihaiin an hruaitua le a lutaka an siam tâka, Jeftha’n a thil phut chu Mizpa khuaa khan Rengpa makunga an inpuanga.

ROIRÊLTUHAI 11:28

Khannisianlân, Amon rêngin Jeftha chong kha irngai pe nuam ual mah.

ROIRÊLTUHAI 11:30

Jeftha chu Rengpa makunga chong an kunga, “Amon mihai hi ni nin hnêtir photin chu,

ROIRÊLTUHAI 13:25

Rengpa irtha’n Zora le Estaol kâra Mahane-dan hmuna khan Samsona chu a hong pôl irphut tâka.

ROIRÊLTUHAI 3:10

Rengpa Irtha chu a chunga a oma, Israelhai hruaitu a hong ni tâk. Irdoi hrangin a fe suaka, Rengpa’n Mesopotamia rêng Kusan-risathaima chu an hnêtira, a kut ata Israelhai chu a sansuakhai tâka.

ROIRÊLTUHAI 6:34

Rengpa irtha chu Gideona chunga a oma, Abiezera mihai koi khômna’n bekul a tuma.

1 SAMUELA 10:10

Khanchu tâng kha an hong tung tena chu, deipuhai khan an irtongpuia, Rengpa irtha a zuang chum pea, an thuhrilna khan a kop sa tâka.

1 SAMUELA 11:6

Kha thurchihai kha an hriat infel tena chu, Saula chunga khan Pathian irtha a satêrengin a zuang chuma, a ning a sate’n an mur pe tâka.

1 SAMUELA 12:11

Khan Rengpa’n Jerubaala hai, Bendana hai, Jeptha hai le keima a hnungkhôn taka a ni zuang tîra. Kin rêngin nin râlhai ata kha nangni kin saninzôka, lungirngam takin nin om tâka.