ROIRÊLTUHAI 11:26 - PATHIAN LEKHABU IRTHIANG C.L. Bible (BSI)

²⁶ Kum irzathum zel Israelhai hin Hesbon khopui le Aroer khopui hi, an kôl vêl khuahai leh ile, Arnon vadung kôl khopui murdi leh hin an hong lua tâka, kha sûnga khan chu lâkpai pe hrang rêng ni itum ngailoi.

ROIRÊLTUHAI 11:26 ပူးပေါင်းရင်းမြစ်များ

JEREMIA 48:19

Nangni Aroer khuaa omhai, lam sîra ngîr unglân nghâk roi; laizâm hong thohai kha chongpuihai unglân, a kuang i zât thil mo a tung inhre suak roi.

TÎRTÔNHAI SINTHO 13:19

Kum irza minli sômringa sûnga khan Kanaan rama nam sari ar hmangtira, an ram khom a mihai a pêk ta.

DÂN INHNINA 2:24

Moab ram kin khêl hnungin Rengpa khan, ‘Thoiin lân, Arnon dung hi irkân roi, Amor rêng Sihona, Hesbon kho rêng kha, a ramhai leh nin kuta ki pêk tâka; doi unglân, a ram kha irchupui roi.

DÂN INHNINA 2:36

Arnon dung irhôr tâng chunga khua Aroer ata a tuidunga khopui omhai kha Gilead dênin kin ilâk theiloi zel om ma, Rengpa kin Pathianin a ni pêk zit a ni.

DÂN INHNINA 3:2

Rengpa khan, ‘Ngîk no ro, a mihai le a ram hi, ama le ile nang ki pêk ta. Amor rêng Sihona, Hesbon kho rêng ni isoisak ang dên khan soisak ro’ a ni tia.

DÂN INHNINA 3:6

Hesbon rêng Sihona kin soisak ang dên khan an khuahai kha kin insiat zita, nupang pasal, nâipanghai ten khom kin that zit a ni.

JOSUA 11:18

Josua le hi rêng murdihai hi zoro sôttak an irdoi a ni.

JOSUA 12:2

Amor mi Hesbon rêng Sihona le Basan rêng Oga an inhnea. Sihona ramin Gilead ram chimrip a ihuap a ni; Arnon dung irhôr irkua Aroer khua le Arnon vadung kôla khua rengata Jabok vadung a dêna, kha kha Amon mihai leh an ramrina a ni.

JOSUA 12:5

A ramin Hermon tânghai, Seleka hai le Basan ram murdi, Gezer le Maaka ramri ten a huapa; Gilead ram chimrip le Hesbon rêng Sihona ramri dênin a huap sa.

JOSUA 13:10

Amor mi, Hesbon khua rêng Sihona ram murdi Amonhai ramri dênin a huama.

JOSUA 13:16

An ramri chu Arnon irhôr sîra om Aroer khuaa irthokin irhôr lai taka khopui le Medeba tâng inzôlhai,

JOSUA 13:17

Hesbon khua le a kôlvêl khuaa tâng zôla omhai, Dibon hai, Mamoth-baal hai, Beth-Baalmeon hai,

JOSUA 23:1

Rengpa’n Israelhai chu an râlhai ata zoro sôttak sûnghualin an omtirhai hnungin Josua chu a kum a tamin a tar tâka.

ROIRÊLTUHAI 10:8

Amon mihaiin kum sômkhat kiriat sûng chu Jordan nisua tianga Amor mihai ram Gilead-a Israel omhai chu dengtheia lunginzîng takin an siahaia.

ROIRÊLTUHAI 3:11

An ram chu kum sômminli sûng irngeina a oma, Kenaza nâipa Othniela chu a thi tâka.

ROIRÊLTUHAI 3:30

Kha nî khan Israelhaiin Moab mihai chu an inhnê ta. Ram chu kum sômriat irngeina a lêng ta.

ROIRÊLTUHAI 5:31

O, Rengpa ni râlhai khaang khan thihai sian, Ni rualhai rêk chu, misa suak angin vâr phut ri sehai tiin. Kum sômminli sûng chu an rama irngeina a lênga.

ROIRÊLTUHAI 8:28

Khanchu, Midian mihai chu Israelhaiin an inhnêhaia, ite châng thei ta mahai. Gideona dam sûng chu ram kha kum sômminli irngeina a lêng.

ROIRÊLTUHAI 9:22

Abimeleka’n Israelhai chunga kum thum rêng a changa.