ROIRÊLTUHAI 11:10 - PATHIAN LEKHABU IRTHIANG C.L. Bible (BSI)

¹⁰ Gilead upahaiin, “Ni nuamlam angin tho kin ti, Rengpa chu kin thu inhrepu a ni,” an tia.

ROIRÊLTUHAI 11:10 ပူးပေါင်းရင်းမြစ်များ

IRPHUTNA 16:5

Khanchu Saraii khan Abrama kuang, “Ki thil tuang hi nangin a mô pêl ro: ki suaknu chu nangma ompui hrang ki tia, an râi ti a’rhriatin chu a ni theimâka; Rengpa’n nang le keima kâr hi ngaitua ta ri se,” a tia.

IRPHUTNA 21:23

Khasikin atûn hi hmuna hin Pathian irhming sâmin, kei le ki nâipa le ki tupa, hnuaisia loia lung ki lei inkham tâk ang khan keima le ni omna ram lungkhamna indong hrangin ki kuang hin chong nin kung pe ro ba!” tiin a hrila.

IRPHUTNA 31:50

Ki nâinuhai hi, deng ni intheitirhaia, dôngma dang ni neiin chu, tûte om loina hmuna, en ro, Pathian chu nang le kei nin hriatpuitu a ni,” a ti saa.

IRPHUTNA 31:53

Abrahama Pathian, Nahora Pathian, an pa Pathianin ei kâra thu chu ngaitua ri se,” a ti nôka. Khan Jakoba’n a pa Isaka Pathian irhmingin khomâk a’rsâma.

FESUAKNA 20:7

“Rengpa ni Pathian irhming sâmin minlak tho no ro, minlaka a’rhming sâmtu chu Rengpa’n dengintheitir loiin om no ni.

JEREMIA 29:23

Kha kha an ihlo hrang chu a ni. Sual irkhêlhai an tho’n chu, an tualbômhai dôngma an uirepuihaiin chu, Rengpa irhmingin thudik loi an hril sikin, kha kha Rengpa nuam loi lam a nia; an sintho kha an hriata, annihai hnôla thu inhretu a ni. Rengpa’n a iti a ni,” tiin.

JEREMIA 42:5

Khanchu anni’n ki kuang, “Rengpa ni Pathianin kin tah hranga thu nang a inhril angin kin tho no’n chu, Rengpa chu thu inhriattu dik, iamom mi ni ri se.

MIKA 1:2

Nangni nam murdihaio, nin rêngin inhre unglân; O irnêng le a sûnga om murdihaio, irngai roi: Rengpa pathian, Rengpa kha a biak in irthiang ata nangni doiin nin chungthu inhretu ni ri se.

ZAKARIA 5:4

Khanchu sipaihai Rengpa’n, ‘Hi khosâlna hi tîrsuak ki ta, inruhai ina le khomâkirsâma minlak thotuhai ina lût a ta, khanchu an inhaia khan om maiin, inramhai chit a ti,’ a ti” a tia.

MALAKIA 3:5

Khan, roirêl hrangin nangni ki zuang inâi hrang a nia; Dôitheihai, uirehai, milaka khomâksâmtuhai chunga le meithâi le fara le irhlofâkhai hlo insiatpaia ngainêptuhai le nam dang lei paithâktuhai le ni chi loituhai chunga khan thu’nhretu sakhi satak ni ki ti, Sipaihai Rengpa’n a ti.

ROM KHUAA MIHAI KUANGA TÎRTÔN PAULA LEKHATHON 1:9

Ki chongchainahai khan nangni kin hriat mai ngai a ni, a dik taka a Nâipa Thurchi Sa insîrin ki lungrîl murdi’n a sin ki tho ngai, Pathian kha nin hriatpuitu a ni.

2 KORINTH 11:31

Rengpa Jisua Pa le Pathianin milak ki itho loizia an hriat. Ama kha kumtuangin inpâkin om ri se.

DÂN INHNINA 1:16

“Anni kha hiang hin ki hrilhaia: Nin mihai laia thubuai om murdi chu ngûk takin irngai unglân, nangni mi vai kâra thu a ni mani, nin laia nam dang om sahai le nin kâr thu mani dik takin, thiarthâk nei loiin rêl ngai roi.

ROIRÊLTUHAI 11:9

Jeftha’n, “Amon-hai doi hrangin ni hruai kîra, Rengpa’n a nin hnêtirin chu nin hruaitua chang ki ti,” a tia.

1 SAMUELA 12:5

Khan Samuela’n, “Rengpa le a inthang rêng hi a vuan hin ite ki tho’nchâina nei ma ung ti nin mithmua an hriatpuitu chu an ni,” a tia. Khanchu anni’n, “A ni, Rengpa chu an hriattu chu a ni,” an tia.

1 SAMUELA 24:12

Rengpa’n nangma le ei chungchâng chu rêl ri se, Rengpa khan ki chunga ni thil tho hin kuttum nan tuangtir ri se. Khannisian keima’n chu ni chunga kut zel tha viat no ning.