ROIRÊLTUHAI 10:16 - PATHIAN LEKHABU IRTHIANG C.L. Bible (BSI)

¹⁶ Khanchu, an kôla pathian dang irlimhai chu an paia, Rengpa chu chubai an mûk tâka; Israelhai inriang zia a hmu’n chu a sân lung an khamhaia.

ROIRÊLTUHAI 10:16 ပူးပေါင်းရင်းမြစ်များ

IRPHUTNA 6:6

Kha tena chu irnênga om hrang mihriam a lei isiam tâk hi a sate’n a’rsîra, lungrîl natna’n a neipui tâka.

2 RÊNGHAI 13:23

Khannisianlân, Rengpa’n lung a thunghaia, insiat chit an ini hrang a nuam no sikin, Abrahama, Isaka le Jakoba hai kuanga a thuthung chu a’rngaiinnatin, irnghil thei maka, atûn ten hin a la irngaisâng a ni.

2 THURCHI SUINA 15:8

Reng Asa’n deipu Azaria, Obeda nâipa thu an hriatin chu a’rsongpuia, Judai le Benjamina rama millim om murdi chu a paihai vinga, a pa’n tâng ram khua a ilâk murdi an boipai vinga. Tempil tuala Rengpa maichâm khom a sin insa nôka.

2 THURCHI SUINA 33:15

Tempil ata nam dang pathian irlim le millim inluan, ama isiahai chu a thonpaia. Tempil mual le Jerusalem khua nam dang pathian biakna maichâm om khom kha a lâka, a paia.

2 THURCHI SUINA 7:14

ki’rhming irputin ki mihai thuhnuairôl taka ki kuang an hong chongchaia, an ni hong pana, an sualna ata an irleta irvân ata len hria ki ta, an sualnahai ngaidamhai ki ta, an ramhai khom indingpuihai ki ti.

INPÂKNA HLAHAI 73:21

Ki milung hi a beiindonga, Ki lungrîla khom isun angin ki oma:

ISAIA 63:9

An chardongna tinrêng a tuangpuihaia, vântîrtôn ni loiin, ama ngêtin a sanhai ta, lungthungin, an renhai hrai sikin a’rtanhai ta.

JEREMIA 31:20

Efraima chu ki nâipa indit tak, ki inhlu ngôi ngôi a ini loi ma ni? Hnôl ki tum khomin ki milunga a om maia, ama chu kin hriat maia lung ki inkham sabak a ni.

HOSEA 11:8

O Efraima itin mo nang ki inthapai thei hrang? O Israel, itin mo nang ki intha thei hrang? Itin mo Adama angin nang ki isiam thei hrang? Itin mo Zeboim angin nang ki inomtir thei hrang? Ki sûnga ki milung a’rleta! ki lungkhamnahai kha a sêm irvâm lik tâka?

HOSEA 14:8

Efraima khan millimhai le irnâina imo a inei ta hrang? kei hi a chongchaina sâmtu ki nia, a indingtir hrangtu khom ki ni. Kei meisâr thing hring mur ang ki nia, Ni ra sahai kha keima ata a ni.

MIKA 7:18

Nang anga pualoina ngaidamtu le irchon dongtum la omsun, tho’nsualna lôipaitu Pathian tu mo om? A ninginmurna kha vong mai ma, lungkhamnaa a lôm tak tak ngai sikin.

LUKA 15:20

“Khanchu a thoia, a pa kuang a fe tâka. Hla taka a la om laiin a pa khan a lei hmua, lung an kham tak taka, a van tâna, a poma, a tum pôt pôta.

LUKA 19:41

Khan, a hong nâi uala khopui a hong hmu’n chu a chap tâka.

JOHANA 11:34

“Khôn mo nin inzâl,” a tia. Anni khan, “Rengpa, hongin lân, en roh,” an tia.

EFESI 4:32

Lungirkham irhlômin, ir-en irhlôm unglân, Pathianin Kristaa nangni a ingaidam angin irngaidam irhlôm roi.

DÂN INHNINA 32:36

Rengpa khan a mihai san a ta, a siahlohai dongtum siatzia hai, mi ngar khom ngar loi khom a thi ban tômzia a hmuin inren nôk a ti.

HEBRAI toc2 HEBRAI 3:10

Khasikin, kha irchihai chunga khan ki ning an mura, ‘An lungrîlin a hruai pêta, Ki lampuihai khom inhre ta mahai,’ ki tia.

HEBRAI toc2 HEBRAI 4:15

Ochai Inlaltak ei hrât nonahai le inhre phâkpui theiloi mi nei mak mea, eini anga lam tinrênga thêmna tong tâk, khannisian, sual chu sual loi kêng ei ini.

JOSUA 24:23

Josua’n, “Khaang khan a ni’n chu, nam dang pathian illim nin idônhai kha pai zit roi duah: Israelhai Pathian Rengpa vai hi pom roi,” a tia.

ROIRÊLTUHAI 2:18

Rengpa’n hruaituhai a pêkhaia, Rengpa’n kha hruaituhai kha a ompuihai ngai, an dam sûng chu an râlhai kut ata a saninzôk ngai; anni dengintheitirtu le opbetuhai sika an inrûm chu Rengpa’n an ren nôkhai ngai.

1 SAMUELA 12:10

Khanchu Rengpa kha an koia, ‘Rengpa chu kin irheisana, Baal hai, Astarot hai kin lei biak tâk sikin kin lei itho’nsual tâk a ni; khannisian kin râlhai kut ata hi chu ni sansuak ro, nangma vai nang bê ta kin ti,’ an tia.

1 SAMUELA 7:3

Khante Samuela khan Israel mihai kuang khan, “Nin lungrîl taka Rengpa tiang nin irnghat tak takin chu, ram dang pathianhai le Asterothi pathiannuhai millim kha nin lai ata pai ving roi. Nin lungrîl kha Rengpa ta hrangin sinsiam unglân, ama sin vai tho roi; khanchu Filistia-hai kut ata hi nangni a isansuak hrang a ni,” a tia.

1 SAMUELA 7:4

Khanchu Israel mihai khan an Baal millimhai le Asterothi millimhai kha an pai vinga, Rengpa sin vai an tho tâka.