ROIRÊLTUHAI 10:15 - PATHIAN LEKHABU IRTHIANG C.L. Bible (BSI)

¹⁵ Israelhaiin Rengpa kuanga, “Kin sual a ni, nangin sa ni iti lam ang takin kin chunga tho ro; hi mihai ata hi ni saninzôk phot ro ba,” an tia.

ROIRÊLTUHAI 10:15 ပူးပေါင်းရင်းမြစ်များ

2 SAMUELA 10:12

Hrâttak le hâitakin om unglân, ei mihai le ei khopuihai sanin pasal satakin doi ei ti duah; Rengpa khan a sa a iti lam takin tho ni ri se,” a tia.

2 SAMUELA 12:13

Davida khan Nathana kuang, “Rengpa chunga thil ki tho insual tâk a ni,” a tia. Nathana’n, “Rengpa khomin nang an za ta, thi no chi ni.

2 SAMUELA 15:26

Khannisian ki chunga lômna zel a nei noa ni’n chu hiang hi ki nia, a sa a iti lam takin ki chunga hin tho ri se,” a tia.

2 SAMUELA 24:10

Khannisian mihriam a hong tep zoi tena chu Davida lungrîl kha a na pe oka. Davida khan Rengpa kuang, “Ki thil thoa hin a satêrengin ki lei insual tâk a ni. Nikhomsianlân atûn hin o Rengpa, mi sual pualoina hi nin za hrangin nang ki ingên a ni. Invêt chângin ki lei châng tâk a ni,” a tia.

2 SAMUELA 24:14

Davida khan Gada kuang, “Ki milung kêng a zîng khak! I khom ni sian, mihriamhai kuttum ni tho chu nuam ma unga; Rengpa kuta irpe ki ta, a lunginkhamna a liana,” a tia.

JOBA 33:27

“Thil dik tho loiin thil dik loi ki lei tho ta hi te, Khannisian, ki irphu angin chu la tuang ma ung,” ti’n vântâng laia hla sak a ti.

THUVÂRHAI 28:13

An siatna irthuphai chu tuanintung ngai mahai. Ip loia inpuanga irlettuhai chu Pathian lungkhamna dong an ti.

ISAIA 26:16

Rengpa hi an chardong zoro’n nang an pana, anni chu ni hrema, khannisian anni’n nang an koi mai ngaia.

JONA 2:4

Khan, ‘Ni mithmu ata pai suak ki nia; Khannisianlân, ni biak in irthiang tiang irhei nôk ki ta,’ ki tia.

JONA 3:9

Kin irhmang loina hrangin, Pathian kha kîrin, lungrîl irheitirin, a ninginmurna irkhêltak ata kha zuang irheikîr no nih ti tu’n mo an hriat?” tiin.

JOSUA 9:25

Atûn hin nin kuta om kin nia, sa nin iti lam ang takin ni ti ta roi,” an tia.

1 SAMUELA 12:10

Khanchu Rengpa kha an koia, ‘Rengpa chu kin irheisana, Baal hai, Astarot hai kin lei biak tâk sikin kin lei itho’nsual tâk a ni; khannisian kin râlhai kut ata hi chu ni sansuak ro, nangma vai nang bê ta kin ti,’ an tia.

1 SAMUELA 3:18

Khanchu Samuela khan itinrêng a hril pe ving tâka; ite ip nei viat loiin. Elia khan, “Ama chu Rengpa a nia, a sa a iti lam takin tho ri se,” a tia.

1 SAMUELA 7:6

Khanchu Mizpa-a khan an irbûm tâka, tui an chôia, Rengpa kuang thilinhlanhai an bunthuana, kha nî khan chu a sûn nitungin bu an ngheia. “Rengpa chunga khan kin lei isual tâk a ni,” an tia. (Mizpa-a khan a ni Samuela’n Israelhai roi a irêl pehai.)