ROIRÊLTUHAI 10:14 - PATHIAN LEKHABU IRTHIANG C.L. Bible (BSI)

¹⁴ Nin inuam tak pathian danghai kuanga khan fe ta roi; nangni sansuak hrangin ngên unglân, lunginzîng nin tuang lai khomin nangni sansuak ri se,” a tia.

ROIRÊLTUHAI 10:14 ပူးပေါင်းရင်းမြစ်များ

2 RÊNGHAI 3:13

Elisa’n Israel rêng kuang khan, “Itin mo nangni ki isan hrang nin nu le pahaiin an lei irdonhai ngai deipuhai var donhai unglân sa no ni mo,” a lei ti pehaia. Jehorama’n, “Ama Rengpa kêng hi a ini eini rêng inthumhai Moab rêng kuta ni siatu chu,” a tia.

ISAIA 10:3

Ram hlatak ata siatna a hong tung zoro, thuan nôkna nikhuaa khan itin mo nin itho ta hrang? Tu kuang mo changpuina nin la izong hrang, khôn mo nin irchon nin isia ta hrang?

ISAIA 46:7

An dârsuama an chuanga, an ir-iampuia, An omna hrang hmuna an va siahaia, an isia lam takin a omchian ngai. Irthîn thei ni maka, an chongpuihai khomin sâm thei mahaia, chardong irlahai khom sian sanhai thei mahaia.

ISAIA 57:13

Kamang takin ni khêk tena ni ilâk hluk millimhai khan nang don ri sehai, phâivua’n sêm a ta, sêm inzuanhai zoi a ti. Keima nir bêltuhaiin chu ram hi roiinpuiin lua an ti, ki tâng irthiang khom chang sa an ti.

JEREMIA 2:28

Nin isiam pathianhai kha khôn mo an om? Intakna nin phâk zoroa, an thei ngânin teh nangni san ri sehai. O Juda, ni khopui nei dôr chu pathianhai khom ni inei a ni ta hi te.

EZEKIELA 20:39

Nangni Israel insûng mihaio, Rengpa pathianin hiang hin a ti: “Mâni millim chu pan zêl unglân, chubai mûk roi, ki chong irngai nuam ngai mak chêi! ki’rhming irthiang hi nin thilinhlan le nin millimhai khan porinchetir ta no roi.