ROIRÊLTUHAI 1:15 - PATHIAN LEKHABU IRTHIANG C.L. Bible (BSI)

¹⁵ Nupang khan, “Thilpêk ni pe ro, sim tiang ramchâra ni nin omtir tâk lolo’n chu tui hnâr neihai ni pe’n lân,” a tia. Kaleba’n khoichung leh khoihnuai tuihnâr omna chu a pêk tâka.

ROIRÊLTUHAI 1:15 ပူးပေါင်းရင်းမြစ်များ

1 PETERA toc2 1 PETERA 3:9

Sual kha sualin thuan no unglân, khuasâlna khom khuasâlna’n thuan loiin satvurhai roi; satvurna dong hrang kêngin Pathianin nangni a ikoi.

HEBRAI toc2 HEBRAI 6:7

Irnêng, a chunga rotui tâk ngai lei donga, a neitu ta hranga chîmu fâk rua insuak tâk chu Pathianin sat a vur ngai.

2 KORINTH 9:5

Khasikin, inrenna thilpêk nin lei intak kha nin lei irsiam diam theina hrangin, hi urênghai hi ki matona nangni lei zuang sir bak hrangin ngên an nang niin kin hriata. Khanchu, ki zuang tung tena chu lei irfûk diam ta nin ta, nin nei sika ni loiin, nin nuam sika nin ipêk a nih ti inlang a ti.

1 SAMUELA 25:27

Khan irngaihoi takin ka pu, ni ta hranga thilpêk ki hong ichôi hi ni pom pe’n lân, ka pu ruathartehai hi pêk ni ri sehai.

1 SAMUELA 25:18

Abigaili khan irhnot takin bai tiam irzahni le uain kok hni le kêlbelra ringa ir-em inhmin sai le bu inzêi her sôm her sari le, grep inhroi inchâr irzakhat le theipui bai hlûm irzahni a lâka, sakuartung an pêltira.

IRPHUTNA 33:11

Pathianin a nin renna sika ki inei a ni sikin, lungkham takin ki thilpêk chu ni pom pe ro,” a tia. Khaangin an thêm an thêma, a pom pe tâka.

JOSUA 15:19

Khan ama’n, “Nin renin lân, ram ni ni ipêk hi ramchâr a nia, tui omna ni pe sa ro,” a tia. Khanchu, tui hnâr nei khoichung le tuihnâr nei khoihnuai chu a pêk tâka.

ROIRÊLTUHAI 1:14

An irnei nî khan a pa kuanga ram ngên hrangin Othniela’n a nora. A sakuartung chung rengata a chuma, Kaleba’n, “Imo ni inuam?” a tia.

ROIRÊLTUHAI 1:16

Mosia tarpu tianga irchi, Ken mihai chu Juda irchihai leh tûmzôl khua an ti Jeriko rengata Arad khua sim tiang Judai ramchâra an fea, khataka omhai laia khan an omsuam tâka.