NEHEMIA 9:35 - PATHIAN LEKHABU IRTHIANG C.L. Bible (BSI)

³⁵ An chunga ni isa pehai hrai hi, an ram khom ram liantak le satak ni ipêk khan ni sintho loiin, an sintho indik loihai mâk nuam loiin.

NEHEMIA 9:35 ပူးပေါင်းရင်းမြစ်များ

NEHEMIA 9:25

Kul nei khopuihai, ram satak tak an lâka, thil sa tinrênga bitin an luaa, tuikuang tuk saihai, grep irhuanhai, oliv irhuanhai le theikung dang tamtak an neia: khanchu an fâkin, an khopa, an hong mara, ni satna sikin hoi takin an oma.

NEHEMIA 9:34

kin rênghai, kin milianhai, kin ochaihai, kin pi le puhai khomin ni dân zôm mahaia, ni thupêk le ni thu inhriattir, anni irchutirna khom pom nuam mahai.

ISAIA 63:7

Rengpa khonzazia dân hi hong hril nôk ki ti. Keima hranga a sin tho murdihai hi, Israel in sûng mihai hranga a isa lam hi lungkhamna ni vur mai ngai sikin, Ama inpâkin hla sak ki ti.

JEREMIA 5:19

Jeremia, i lo hranga hihai hi ki itho mo a inih tiin nang an irdonin chu, hnung an ni songsana, ram dang pathianhai an ram sûng ngêta an itho ang khan an ram ni loia khan ram dang mihai sin an itho hrang a ni,” tiin anni chu hrilhai roh.

EZEKIELA 5:6

Ki thurêlhai chunga a nuara, ki dânhai chu a hnôla, a vêla nam dang omhai nêkin a sate’n thilsual an thoa. Ki thurêlhai chu an paia, ki dân siamhai ang khomin om ual mahai.

DÂN INHNINA 28:47

satvurna tinrêngin nangni vur a ta, raifân le lôm taka Rengpa nin Pathian sin kha nin itho hrang a ni.

DÂN INHNINA 28:48

Phîngchâm le tuiinhrâlin, korongboi le itinrêng irsamin Rengpa itîr, nin râlhai sin tho nin ta, nin sôlneng hnungin nin ringa thîr ringkol nangni inkoltir an ti.

DÂN INHNINA 31:21

Thil irkhêltak takin a dehai hnunga khom hi hla hi an nâihai khomin lan sîr thei mai an ta, an sualzia inhriattir a ti. Atûn ata hi, pêk ki inkung rama ki hruai intung mâka khom hin an lungrîl irput dân kha kin hriat mai kha te,’ a tia.