NEHEMIA 9:29 - PATHIAN LEKHABU IRTHIANG C.L. Bible (BSI)

²⁹ ni dâna ni hruai lûthai theina hrangin nir chutirhaia; khannisian lârirpâk takin sin an thoa, ni thupêkhai pom loiin ni roirêlna sêlin thilsual an thoa, an zôma hringpui nêkin an tukullianin irngai nuam mahai.

NEHEMIA 9:29 ပူးပေါင်းရင်းမြစ်များ

2 RÊNGHAI 17:13

Rengpa’n Israelhai le Judahai hril hrangin a tirtôn le deipuhai a tîr ngaia, “Nin omdân intirom hi masan unglân, nin irchibulhai laia ki dân pêkna lekhabua chuang ki siahlo deipuhai ihril; ki thupêk le ki inkunghai zôm unglân, tiin.

2 RÊNGHAI 17:14

Khannisian, zôm nuam viat mahaia, an puhai angin tukullian an songa, an Pathian Rengpa chu iam nuam viat loiin an oma.

2 THURCHI SUINA 24:19

Rengpa’n anni chu hruai kîr hrangin deipuhai a tîra; khannisian mihaiin an thu irngai pe mahaia.

2 THURCHI SUINA 33:10

Rengpa’n Manasea le a mihai kuang thu a hrila, irngai pe nuam mahaia; khasikin Assuria sipai hruaitu chu Rengpa’n Judai ram an doitira.

2 THURCHI SUINA 36:15

Tempil le a mihai chu a san nuamhai sikin, mipuihai irchutir hrangin an irchihai Pathian khan deipuhai a tîrhai maia.

NEHEMIA 13:15

Kha laia khan Judai rama irngam nia uain tui sinhai, bumût hong pêl hai, grep, theipui le puakrikhai inpêltir hranga sakuartunga an isiam lai ki hmua, annihai kha irngam nî sûn Jerusalema an hong tungpuia, khan fâk hrang zuar mihai khan a dik loizia kin hriattira.

NEHEMIA 9:10

Faroa le a siahlohai murdi le a ram sûnga mi murdi laia irsinsiana le thilirkhêl nir langtira; lârirpâk takin an chunga sin an tho ti nin hriata, atûn ten hin irhming nin neitirhai tâka.

NEHEMIA 9:16

Khannisianlân anni le kin pi le puhaiin lârirpâk takin sin an thoa, an tukul a liana, ni thupêkhai pom loiin,

NEHEMIA 9:26

Khannisian an irhmôla, nang an tehel pea, ni dânhai mâksanin, nangma tianga hong nôk hranga hriltu deipuhai an thata, ningmurom thilhai an thoa.

NEHEMIA 9:30

Khannisian kum tamtak anni chu ni donhaia, irtha tianga deipuhai hmangin nir chutirhaia; khannisian an mikuar sêt angin an oma; khasikin kha rama mihai kuta khan ni pêk ta.

FESUAKNA 10:3

Khanchu Mosia le Arona kha Faroa kuang an va lûta, a kuang khan, “Hebrai Pathian Rengpa’n hiang hin a ti, ki makunga nangma ni binga irhnuai nuam loiin i dôr mo ni iom hrang? ki sin an tho theina hrangin ki mihai infetirhai roh.

JEREMIA 17:23

An irchibulhai khan ki thu le’rngai mahaia, an lei irngaisak loi a ni. An tukul an inliantira; ki thupêk zômin mo, keima kuang irchu nuam mahai.

JEREMIA 19:15

Itinrêng thothei Rengpa Israelhai Pathianin a iti a ni, “Hi khopui le a kôlvêla khuahai chunga dûk tuangna insum ki ta, ki ti kha a itung hrang a ni ta, nin tukul nin inliantira, ki itihai nin irngai no sikin,” tiin.

JEREMIA 42:19

Khanchu ki lan sîr nôka, “Rengpa’n nangni Judai rama mâksana la omhai, Aigupta rama fe loi hrangin nangni a inhril a ni. Khasikin atûn nangni ki iti a ni.

JEREMIA 43:2

Khanchu Hosaia nâipa Azaria le Karea nâipa Johanana le mi irsong danghai khan an ni tia, “Milak ni itho a ni. Rengpa ei Pathianin Aigupta rama fe loi hrangin le khatak khan om loi hranga nin hril hrangin nang tîr mah.

JEREMIA 44:10

A vuan sûn ten hin nin la irhnuai nuam loi hi. Ni chôiirsâng nuam mak chêia, nangni le nin irchibulhai dân ki ipêk murdi zôm mak chêia.

JEREMIA 7:26

Aniachu, tukhomin irngaiin uksak nuam ngai mahaia. Kha nêkin nin tukul nin inliantir ual ngai, nin irchibulhai nêkin tehel nin ihrât ual a ni.

EZEKIELA 20:11

Mihaiin an zôma an hring theina hrangin, ki thupêkhai chu kin hrila, ki dân chu ki’rchutira.

DANIELA 5:20

Khannisian a lungrîl irsongin, a milung a ngara, mualinphoiin a oma, a roiinpuina chu a lâkpai pea;

HOSEA 6:5

Khasikin, deipuhai hmangin anni kha nôia; ki bâia thuhaiin anni kha ki ithat a ni. Ni chunga roirêlnahai kha vâr fe suak zut zut ang a ni.

LEVI DÂN 18:5

Ki dânhai hi zôm unglân, tho hrang ki itihai hi tho roi; kha kha mihriam ta hrangin hringna hrang a ni;” Rengpa ki ni.

MATHAIA 19:17

Jisua’n, “Itho mo sin sa ni ni irdon? A sa chu inkhat vai kêng a iom. I khom nisian, hringnaa lût ni nuamin chu thupêkhai zôm roh,” tiin a sâma.

LUKA 10:28

Jisua khan, “Ni sâm indik e, khaang khan tho’n lân, hring ni ti,” a tia.

ROM KHUAA MIHAI KUANGA TÎRTÔN PAULA LEKHATHON 10:5

Mosia’n chu dân zôm sika thiamchang chungchâng thu, hiang hin a’rziak: “Dân zômtu chu hring a ti,” tiin.

GALATIA 3:12

Dânin chu, “Thupêk zôm zittu chu hring a ta a ti maia, iamna insîr sa mah.

DÂN INHNINA 31:21

Thil irkhêltak takin a dehai hnunga khom hi hla hi an nâihai khomin lan sîr thei mai an ta, an sualzia inhriattir a ti. Atûn ata hi, pêk ki inkung rama ki hruai intung mâka khom hin an lungrîl irput dân kha kin hriat mai kha te,’ a tia.

DÂN INHNINA 31:27

Nin ihnangzia le nin tukullianzia kin hriat, kei ki la dam lai ngêta khom Rengpa chunga nin nuara, ki thi tena len vâng chu i ang takin mo nin iom hrang.

DÂN INHNINA 4:26

Jordan dung kâia nin va inei hrang ram ata kha thi zoi zit nin ti.

ROIRÊLTUHAI 6:10

Rengpa nin Pathian chu ki ni. Amor mihai rama om nin nia, an pathianhai chu biak no roi ki iti kha, ki chong zôm nuam mak chêi,’ a ti e,” a tia.