NEHEMIA 9:25 - PATHIAN LEKHABU IRTHIANG C.L. Bible (BSI)

²⁵ Kul nei khopuihai, ram satak tak an lâka, thil sa tinrênga bitin an luaa, tuikuang tuk saihai, grep irhuanhai, oliv irhuanhai le theikung dang tamtak an neia: khanchu an fâkin, an khopa, an hong mara, ni satna sikin hoi takin an oma.

NEHEMIA 9:25 ပူးပေါင်းရင်းမြစ်များ

1 RÊNGHAI 14:9

Nang chu ni matona mihai nêkin ni sual uala; ki itheimâk tak, pathian danghai, millimhai siamin ni ni mâksana.

1 RÊNGHAI 8:66

Sûn riat nî tena chu Solomona’n mipuihai chu a tîrhai nôk ta, Rengpa khan a siahlo Davida le ar chihai chu sat a vur sikin raifân takin an chîn theia, Solomona chu an inpâk ok a ni.

NEHEMIA 9:35

An chunga ni isa pehai hrai hi, an ram khom ram liantak le satak ni ipêk khan ni sintho loiin, an sintho indik loihai mâk nuam loiin.

INPÂKNA HLAHAI 105:44

Khan, nam tin ramhai chu a pêk tâka. Anni khan mi danghai sinsôl ra an lua tâka,

INPÂKNA HLAHAI 65:11

Kum chu ni satna nin khumtira, Ni fena lampuihai kha thil sa’n a zung ngai.

THUVÂRHAI 30:9

khano’nchu ki nei hraiin nang ki phil itinin. A ninole kin riang hrai khomin mi ta kin rûkin ki Pathian mualphoi ki sak itinin.

ISAIA 6:10

Hi mihai lungrîl hi inchotir pehaiin lân, an beng sêt sianlân, an mit inthim pehai sian. Anino’nchu, an mitin hmu an ta, an mikuarin inhrena an ti, an lungrîla inhre mai an ta, irletin indam nina an ti, a tia.

ISAIA 63:7

Rengpa khonzazia dân hi hong hril nôk ki ti. Keima hranga a sin tho murdihai hi, Israel in sûng mihai hranga a isa lam hi lungkhamna ni vur mai ngai sikin, Ama inpâkin hla sak ki ti.

JEREMIA 2:7

Ram sataka a ra fâka, a satnahai hmanginhoi hrangin, ki ihruai intunghai a ni. Khan ki ram kha chanlamboiin an siama, anni ki ipêkhai ram kha an iporinchetir a ni.

JEREMIA 31:14

Ochaihai chu bu tui tak leh vâihai ki ta, ki mihai chu ki satna khan khop sa an tih ti hi Rengpa thu suak a ni.

JEREMIA 32:23

Khannisian hi rama hin honga an lua tena chu, ni thupêkhai zômin mo, ni irchutirnahai ite an izôm loi a ni. Khasika khan an chunga hi vânduaina tin hi ni insum a ni ta.

EZEKIELA 20:6

Kha nî khan, Aigupta ram ata, ki ram zong suak, khuaihlutui le dûttui luangna ram, ram murdi laia ram sataka hruai inlût hrangin chong kin kunga.

DANIELA 11:24

Irngei zoro laiin ram bial hoina laia hor siam nôk a ta, a pa le a puhai tho ngailoi la tho a ti; mihai laia râllâk le râllâk thilhaia sum kha sem a ta, a ni kuldet chunga khan, khit thunghai chu la khithai an ta,

HOSEA 13:6

An fâk hrang tena chu an khopa, an ikhop kha an milungin a lâlirpâk puia, khanchu a ni irnghil tâk a ni.

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

ROM KHUAA MIHAI KUANGA TÎRTÔN PAULA LEKHATHON 2:4

A ninole, nangni irlettir a nuam sikin Pathian chu khonzâna neiin nangni a nghâk ngai tih inhre loiin satna a nei intamzia le a tuangdiarzia le a entheizia chu a ingainêp ma ni?

DÂN INHNINA 3:5

Hi khuahai hin kul bang irsâng tak tak, inkhâr le a kalna satak tak a om zita, an kôlvêl khuahai khom kin lâk zit a ni.

DÂN INHNINA 32:13

Tâng rama an chuang suaktira, rama thil mônghai kha an fâka, lung hmuna khom an oliv a ra mer mura.

DÂN INHNINA 32:14

Dûttui an nei intama, an sehrâthai le kêlhai khan an belrahai lak an thâi, Basan ram belra le kêlchal ang, bu tui tak le grep tui uain ni ina.

DÂN INHNINA 32:15

Israelhai kha an hong irchonga, a sân an hong irhniang tâka, an mar tel tul tâka, Siamtu, an Pathian kha an rotsana, saninhringtu, an lungpui kha an ngainêpa.