NEHEMIA 9:16 - PATHIAN LEKHABU IRTHIANG C.L. Bible (BSI)

¹⁶ Khannisianlân anni le kin pi le puhaiin lârirpâk takin sin an thoa, an tukul a liana, ni thupêkhai pom loiin,

NEHEMIA 9:16 ပူးပေါင်းရင်းမြစ်များ

2 RÊNGHAI 17:14

Khannisian, zôm nuam viat mahaia, an puhai angin tukullian an songa, an Pathian Rengpa chu iam nuam viat loiin an oma.

2 THURCHI SUINA 29:6

Kin pahai chu Rengpa kin Pathian ata iamom loiin, a inuam loi lamtak an thoa. Tehel an zong pea, a omna in chu mâksanin an hnôla.

2 THURCHI SUINA 30:8

Anni angin nin tukulinlian ta no roi, Rengpa thu chu zôm ta roi. Nin Pathian Rengpa Irthiangtir sai Jerusalem tempila hin hong ta unglân; hitak hin ama chubai hong mûk roi. Khanchu a ningmurna hek a ti.

2 THURCHI SUINA 36:13

Zedekia chu Nebukadnezara ata tehel a zonga, Pathian irhmingin iam omna thu an kungpuia, rêngin a siam tâka. Tukullian a songa, irlet nuam maka, Israelhai Pathian Rengpa tiang irhei nuam maka.

NEHEMIA 9:10

Faroa le a siahlohai murdi le a ram sûnga mi murdi laia irsinsiana le thilirkhêl nir langtira; lârirpâk takin an chunga sin an tho ti nin hriata, atûn ten hin irhming nin neitirhai tâka.

NEHEMIA 9:29

ni dâna ni hruai lûthai theina hrangin nir chutirhaia; khannisian lârirpâk takin sin an thoa, ni thupêkhai pom loiin ni roirêlna sêlin thilsual an thoa, an zôma hringpui nêkin an tukullianin irngai nuam mahai.

INPÂKNA HLAHAI 106:6

Kin irchibulhai angin thil kin tho’nsual tâka; Thilsual kin sina, sual takin kin om tâka.

INPÂKNA HLAHAI 81:8

O, ki mihaio, irngai unglân, nangni kin hriattir: O Israelhaio, ki thu irngai nuam unglân chu o!

FESUAKNA 15:26

“Rengpa ni Pathian hnuk irhâi kha ngûk takin irngaiin lân, a mit hmua a sa a iti murdi ni sina, ni pomin chu Aigupta mihai chunga hri ki inlêngtir ang khan ni chunga inlêngtir no ning. Keima hi Rengpa nang an damtirtu ki ni,” a tia.

FESUAKNA 32:9

Hi mihai tukullian lam hi kin hriat infel a ni ta.

THUVÂRHAI 29:1

Mi’n an hril intam dôr a tukullian chu voikhat rengin lan rîl a ta, thoi nôk thei viat ta no ni.

ISAIA 48:18

Ki thupêkhai inhre mai ngai unglân chu o! Tuipui kang ngai loi angin satvurna zuang luang a ta, Tuiirsokhaiin muang a hong itôn ngai angin, hlochukna khom ni ta hrangin zuang tung a ti.

ISAIA 48:4

Nin tukul a liana, nin ring chu thîr anga ngar a ni. Nin michal laka thîr irbun anga ngar a ni.

ISAIA 63:10

Khannisian ama kuang ata an tehel pe nôka, a’rtha irthiang lungrîl chu an natir pea, an râlin a om pehaia, a idoihai nôk a ni ta.

JEREMIA 19:15

Itinrêng thothei Rengpa Israelhai Pathianin a iti a ni, “Hi khopui le a kôlvêla khuahai chunga dûk tuangna insum ki ta, ki ti kha a itung hrang a ni ta, nin tukul nin inliantira, ki itihai nin irngai no sikin,” tiin.

JEREMIA 2:31

Israel mihai, ki thu’nsîr nin mikuar lei sung sabak roi. Nangni hrangin ramchâr angin, ramzîng ichiom tak ki lei ini ma ni? Khaang khan a ni’n te, itho mo nin inuamtak nin thoa keima kuang hong kîr tum ta loia nin iom?

JEREMIA 7:26

Aniachu, tukhomin irngaiin uksak nuam ngai mahaia. Kha nêkin nin tukul nin inliantir ual ngai, nin irchibulhai nêkin tehel nin ihrât ual a ni.

EZEKIELA 5:6

Ki thurêlhai chunga a nuara, ki dânhai chu a hnôla, a vêla nam dang omhai nêkin a sate’n thilsual an thoa. Ki thurêlhai chu an paia, ki dân siamhai ang khomin om ual mahai.

TÎRTÔNHAI SINTHO 7:51

“Mi pualoihai, sertanloi mi ang, milung le beng ngarhaio; Irtha Irthiang nin doi maia, nin puhai ang dênin nangni khomin nin tho ngaia.

ROM KHUAA MIHAI KUANGA TÎRTÔN PAULA LEKHATHON 2:5

Ni tukullian le ni milung ngar sikin Pathian ningmurna nikhua, dik taka Pathianin roi a rêlna nikhua tika mani hremna bukkhôm chian ni ni.

DÂN INHNINA 31:27

Nin ihnangzia le nin tukullianzia kin hriat, kei ki la dam lai ngêta khom Rengpa chunga nin nuara, ki thi tena len vâng chu i ang takin mo nin iom hrang.

DÂN INHNINA 32:15

Israelhai kha an hong irchonga, a sân an hong irhniang tâka, an mar tel tul tâka, Siamtu, an Pathian kha an rotsana, saninhringtu, an lungpui kha an ngainêpa.

DÂN INHNINA 5:29

Khaang lungrîl kha irput maihai sianlân chu, i dôra sa hrang mo a ini! Ni chi an ta, ki thupêkhai zôm an ta, an nâihai ten khom kumkhua’n irhniang an ti:

DÂN INHNINA 9:13

Rengpa’n, “Hi mihai tukullianzia hi kin hriat kha te.

DÂN INHNINA 9:27

Ni siahlo Abrahama, Isaka, Jakoba hai inhre maiin lân, hi mihai tukullianzia hi irngai zâmin lân, an sualna le pualoina hi khôkmâk no roh.

DÂN INHNINA 9:6

Khasikin, Rengpa nin Pathianin ram satak hi, nin sa sika nangni a ipêk ni mah ti hi inhre mai roi, mi tukullian tak nin ni.

HEBRAI toc2 HEBRAI 3:13

Khaang khan, nin laia tûte sual huangna sika milung ngar nin om loina hrangin Pathian Thubu’n, “A vuan sûn” ti a ni hmang pe sûng ka chu a ni tin irthor irhlôm mai roi.

HEBRAI toc2 HEBRAI 3:15

Ama hi Pathian Thubu’n a ti; “A vuan sûn Pathian hê nin inhriatin chu, Nin irchibulhaiin ama doia an irhel ang khan, Nin milung inngar no roi,” ti hi.