NEHEMIA 9:15 - PATHIAN LEKHABU IRTHIANG C.L. Bible (BSI)

¹⁵ an phîngchâm khopna hrangin irvân ata bai ni pêka, an tui inhrâl channa hrangin lungpui sûng ata tui ni sunsuaka, pêk ni inuamna ram chu ni pêka.

NEHEMIA 9:15 ပူးပေါင်းရင်းမြစ်များ

IRPHUTNA 14:22

Khan, Abrama’n Sodom khuaa rêng kuang khan, “Pat malkhat khom, kekok insuina hruite khom, ni inei ite la no ning, itinrêng irvân neitu Pathian inchungtak makunga ki kut ki iphar a ni ta, anino’nchu, ‘Abrama chu keima irchongtir kêng ni itih hrang mo ni ma’

NEHEMIA 9:20

Annihai irchutir hrangin irtha diktak ni pêkhaia, Mana hai le nin fâhaia, dangchârhai tui ni pêka.

INPÂKNA HLAHAI 114:8

Ama khan lungpui chu dîl an changtira, Lungthîr chu tuihnâr an changtira.

FESUAKNA 16:4

Rengpa khan Mosia kuang, “Irngai ro, nin ta hrangin bai irvân ata zuang inthatir ki ta, khanchu mipuiin a sûn tina an fâk hrang vai va hrût ngai ri sehai, ki dân an zôm le zôm loi ki fiahai theina hrangin.

FESUAKNA 17:3

Khannisianlân mipuihai kha an tui an hrâl pehai hrai sikin Mosia chunga khan an la nuar pe maia, “Itho hrang sika mo nin nâihai le kin sahai leh hin tui inhrâla ni that hrangin Aigupta ram ata ni ni hong ihruai?” an tia.

FESUAKNA 17:6

Irngai ro, Horeb lungpui chunga son ni maton tiang lei ngîr ki ta; lungpui kha hong vîk ni ta, khanchu mipuihai in hrangin tui zuang luang zel a ti,” a tia. Khaang takin Mosia khan Israel hruaituhai mit hmua khan a thoa.

FESUAKNA 6:8

Abrahama, Isaka le Jakoba ki lei ipêkhaina ram hi nangni’n hong lua nin ta, nin irchon ni ta a ti: Kei Rengpa ki nih tiin hril ta nin tih a tia.

ISAIA 48:21

Ramchârna hmuna a hruai khomin a tuiinhrâl loiin, lungpui sûng ata an hrangin tui a luang suaka, Lungpui rîl ata tuiphûl a hong suaka.

JEREMIA 32:23

Khannisian hi rama hin honga an lua tena chu, ni thupêkhai zômin mo, ni irchutirnahai ite an izôm loi a ni. Khasika khan an chunga hi vânduaina tin hi ni insum a ni ta.

EZEKIELA 20:15

Ramchâra khan ki pêk hrang ram, khuaihlutui lei dûttui luangna ram, ram murdi laia ram sataka khan hruai inlût no ning tiin chonginkungna ki lei siam tâk.

NAMBAR 14:30

Kha rama om hrangin chong nangni kin kunga, khannisian Kaleba le Josua ti bana chu tûte lût no chin ni.

DÂN INHNINA 1:21

en u ta, Rengpa nin Pathianin ram kha nangni a ipêk diam tâk a ni; lût unglân, Rengpa nin pi le puhai Pathianin a lei ihril tâk angin hong lua roi; chi no unglân, zâmirzal sa no roi,’ ki tia.

DÂN INHNINA 1:8

Hi ram hi a ni, nin irchibul Abrahama, Isaka, Jakoba hai le an irchihai kuang pêk ki inkung ram, irfang unglân, van hnê roi duah” a tia.

DÂN INHNINA 8:3

Deng nangni an theitira, nangni an châmtira, a kâra nin inhriat ngai loi, nin pi le puhai khomin an inhriat ngai loi, bu’n nangni a vâia; mihriam hi bu ringotin a ihring hrang ni maka, Rengpa bâi ata thu tinrêng suakhai kha a itûng hrang a nih ti nin irchu nuam sika a ni.