NEHEMIA 5:13 - PATHIAN LEKHABU IRTHIANG C.L. Bible (BSI)

¹³ Ki puanbom chu kin thika, “Hi chonginkung anga tho loihai chu Pathianin a in ata le a sin thôna ata hiang hin inthikpai ri se; inthikpaia omin, a korongin om ri se,” ki tia. Khan a hong irbukhai murdi’n, “Amen,” an tia, Rengpa an inpâka. Khan mipuihaiin kha chonginkung ang tak khan an tho tâka.

NEHEMIA 5:13 ပူးပေါင်းရင်းမြစ်များ

2 RÊNGHAI 23:3

Ngîrna hranga an isiama khan rêng kha a ngîra, Rengpa hnungzuia a thupêk zôma, a thu’nkung le a thudikhai zôm hrangin Rengpa kuang thu an inkunga. Lungrîl pêk tak le diktakin thuthungna thu lekhabua chuanghai pom ngit hrangin an inkunga. Mipui murdihai khomin kha thuthung kha pom ngit hrangin an inkunga.

1 THURCHI SUINA 16:36

Rengpa Israelhai Pathian chu inpâk unglân, Kumkhua, kumkhontuangin inpâk roi, Mi murdihaiin “Amen,” an lei tia, Rengpa chu an inpâka.

NEHEMIA 8:6

Khanchu Ezra’n Rengpa Pathian roiinpui tak chu an pâka. mipui tam dôrin an bân an phara, “Amen, Amen,” tiin an chôiirsânga; khanchu an kûna, an hmâi hnuai intônin Rengpa chu chubai an mûka.

INPÂKNA HLAHAI 119:106

Ni roirêl fel takhai chu zôm hrangin, Chong det tak kin kunga.

INPÂKNA HLAHAI 50:14

Pathian kuang lômthu insîr irbôlna kha inhlanin lân; Ni thu’nkung khom Anchungtaka kuang intung roh.

INPÂKNA HLAHAI 76:11

Thu inkung unglân, Rengpa nin Pathian ata sua roi: A kôla mi murdi chu chi hrangpu kha lômmanhai hong chôi pe ri sehai.

THUVÂRHAI 28:4

Dân ngaisak loihaiin chu mi siahai an inzôk ngaia; dân zômhai rêkin chu an indôp ngai.

THUHRILTU 5:5

Chonginkungna neia sua loi nêkin chu, inkungna nei loi lolo hi ni ta hrangin a sa ual.

NAMBAR 5:22

Khomâksâm intungtirtu’n, hi tui hi ni rîla thun a ta, ni phîng invûngtir a ta, ni mal inchîntir a ti,” ti a ta. Khanchu nupang khan, “Amen, Amen,” a lei iti hrang a ni.

MATHAIA 10:14

Khan, kho khua khom nangni an pom noa, nin chong an irngai no’n chu marak unglân, nin ke bop kha nûlpai roi.

TÎRTÔNHAI SINTHO 13:51

An idemhai inlangna hrangin tîrtônhai khan an ke zapha ata vâiphin an hui thâka, Ikoniom khuaa an fe tâka.

TÎRTÔNHAI SINTHO 18:6

Khannisianlân, Judahaiin an doia, an insîrinsiatin chu Paula’n a puan an thika, “Nin thi khomin nangni mophurna a ni ta, kei chu ki’rthiang ta. Atûn chu Jentailhai tiang irhei ta ki ti,” a tia.

1 KORINTH 14:16

Pathian kuanga irtha vaiin lômthu nin sîrin te, inkhôma hong chang mi narânhai khan nin chong kha inhriat no nihaia, nin lômthu insîra khan itin mo “Amen” an iti thei hrang?

1 SAMUELA 15:28

Samuela’n a kuang, “A vuana irthokin Rengpa’n Israel ram hi ni kut ata a lâkpai tâka, nangma nêka sa ual mi ni kôlvêla om a ipêk tâk a ni.