Kha zoiin chu Davida khopui nisua tianga kul bang pên tiang khan Manasea’n in a zom irsânga, Gihon tui omna irhôr hmâr tianga Nga mikot kôla ‘Ofel’ an itihna dênin a sina. Judai rama kul nei khua tina sipai pâl khat, hruaitu inkhatin a siahaia.
Khan, mi dang, ochaihai, Levihai, mikot hrungtuhai, hlasaktuhai, Nethinim hai le Pathian dân zôm tuma kha rama mihai lak ata irkiang murdihai, an dôngma le an nâihai, a sia le sa inhriat thei dôrhaiin,
Khan, mi murdi an rênga inrualin tui mikot hmâi tiang hmun irzatna lai taka an irbûma; khanchu lekha irziaktu Ezra chu Rengpa’n Israelhai zôm hranga a thupêk, Mosia dân bu chu hong chôi hrangin an tia.
Khanchu mipuihai kha an fea an va lâka, mihaiin an in sûnga, an mikota, Pathian mikota, Tui mikot hmun lianna takhaia, Efraima mikot hmun irzatna haia, irngam hmun an sina.
Khan khataka mi chu tui mikot hmâi hmun irzatna taka nupang le pasal le an hriat theihai laia zîng ata sûn sôt a tepa, mi murdi’n kha dân bu thua khan an mikuar an sung chita.
Reng in an inronga, khua inlaltak chu a ram zoi ta. A mualhai le a irhrungna ngai in irsânghai chu rama sakuartunghai lêngna a chang zoi ta sikin ramsâ lêng ta an ti.