NEHEMIA 2:20 - PATHIAN LEKHABU IRTHIANG C.L. Bible (BSI)

²⁰ Khanchu hiang hin ki sâmhaia, “Irvân Pathianin ni’rnghil maka; khasikin keini a siahlohai hi thoi kin ta, indingtir nôk kin ti; nangnihaiin chu Jerusalema hin dongtum mani, irchamneina mani, hnungmân mani ite nei thei no chin ni,” ki tia.

NEHEMIA 2:20 ပူးပေါင်းရင်းမြစ်များ

2 THURCHI SUINA 26:5

Pathian thu tianga kaihruaitu Zekaria dam sûng chu Rengpa thu a poma, Pathianin a irhniangtira.

EZRA 4:3

Khannisianlân Zerubabela le Jesua le Israelhai in sûnga ulianhai leh a danghaiin an kuang, “Kin Pathian in sinna hin, nin kopna hrang ite lampui om mah; Persia rêng Kura’n thu a ni ipêk ang hin keinihai vaiin kêng Rengpa Israelhai Pathian in chu kin isin pe hrang,” an tia.

NEHEMIA 1:4

Khan hiang hi a nia, kha thu kha kin hriatin chu ki toiraka, ki chapa, sûn iza vêl mani chu a sân ki ngûipuia; bu ki ngheia, irvân Pathian makunga ki chongchaia,

NEHEMIA 2:4

Khanchu rêng khan, “Imo ni izong?” a tia. Khanchu irvân Pathian kuang ki chongchai tâka.

ESTHERI 4:11

“A ram sûnga mi tukhom pasal khom nupang khom, koi loia rêng in sûnga lûta, rêng va hmu chu, a sinthotuhai ngei khom, that hrang ti mi murdi’n an inhriat, rêngin a rângachak khianghrol an lek pehai vaiin a ina lût thei a ni. Sûn sômthum reng ni koi ta mah,” tiin Mordekaia chu an inhriattira.

INPÂKNA HLAHAI 102:17

Invâihai chongchaina chu a uksaka, An chongchaina kha hmusit ngai mah.

INPÂKNA HLAHAI 122:6

Jerusalem irtharngamna hrang chu ngên roi: “Nang inhluhai chu hoi pehai a ti.

INPÂKNA HLAHAI 20:5

Ni saninhringnaa khan raifânin zâi ei ta, Ei Pathian irhmingin ei puan zârhai hi la zâr ei ti. Rengpa khan ni zongna murdi kha hlo nang inchuktir pe ri se.

INPÂKNA HLAHAI 35:27

Ki felna chunga lômhai chu râifâna khêkin lôm takin omhai sianlân: A ni, “A siahlo vânneina chunga lôm ngai Rengpa chu chôiindômin om ri se.

INPÂKNA HLAHAI 51:18

Ni nuamlam takin Zion chunga thil sa tho’n lân; Jerusalem kulhai chu inding nôk roh.

FESUAKNA 28:29

“Hmun Irthianga khan Arona a hong lûtin rôpbela Israel namhai irhming chuangna chu a hong isong hrang a ni; ama kha keima Rengpa ki mihai nin hriat suaktirtu nih a ti.

THUHRILTU 7:18

Hi ni ichel khak hi a sa a ni, khataka irthok khan ni kut khom la kîr no ro; Pathian chituhaiin nang la hong suaksan ving an ta.

ISAIA 56:5

Ki Tempil, ki in sûng ngêta hin, ama inhriat maina siam pe ki ta, nâinupang le pasal neituhai laia irhming sa infelhai ki ti. A’rhming dâi ngai ta no ni.

LEVI DÂN 2:2

Ochai khan baidi kha hap a ta, sahriak tômte le berohai leh khan maichâma a ihâlirvôm hrang a ni, kha kha a rênga hâlirvôm a nih ti entîrna hrang a ni; hâlirvôm thilinhlan a nia, Rengpa nuamlam tak a ni.

LEVI DÂN 24:7

Bero’n zen, idôr ten mani bai sia irtângna khan sehai ro, kha khan bai kha Rengpa kuang fâk hrang thilinhlana ni entir a ti.

ZAKARIA 6:14

Renglukhum chu Rengpa tempila, Helema hai, Tobija hai, Jedaia hai, Zefania nâipa Josia hai inhriat maina hrang ni a ti.

NAMBAR 10:10

Nin khonhoi nihai, nin Ferkân Kût zoro hai, nin tha thar lôm nihai le nin pum hâlirvôm le irngeina thilinhlan nin inhlan zoro tikhaia khom bekul chu nin itum hrang a ni. Khanchu keima’n nangni san ki ti; kei hi Rengpa nin Pathian chu ki ni.

TÎRTÔNHAI SINTHO 10:31

“Korneli! ni chongchaina le ni thilpêkhai Pathianin an hriat mai kêng.

TÎRTÔNHAI SINTHO 10:4

Kornelia khan ama kha a en chiana, a chia, “Rengpa, i mani?” a tia. Vântîrtôn khan, “Ni chongchaina le ni thil pêkhai kha Pathianin an hriat chian a ni.

TÎRTÔNHAI SINTHO 8:21

Ni lungrîl irput lam Pathian mit hmua dik maka, hi thila hin kopna le dongtum nei mak che.