NEHEMIA 13:25 - PATHIAN LEKHABU IRTHIANG C.L. Bible (BSI)

²⁵ Khan annihai kha ki halhaia, khomâk ki sâmhaia, senkhathai chu ki vîkhaia, an samhai kin potpai pehaia, an nâinuhai chu an nâihai pasal an inneitirhai loi hrangin, an nâipasalhai khomin dôngma nei ta loi hrangin Pathian irhmingin khomâk ki’rsâmtirhaia.

NEHEMIA 13:25 ပူးပေါင်းရင်းမြစ်များ

2 RÊNGHAI 2:24

A hong irheiin chu a hmuhaia, Rengpa irhmingin khomâk a sâmhaia. Rampui ata savompui inhni an hong suaka, nâipang sômminli inhni an sê thathai zela.

EZRA 10:5

Khanchu Ezra kha a thoia, ochai irchi u ualhai le Levi irchi le Israel mi murdihai chu, khaanga tho hrangin khomâk a’rsâmtirhaia. Khomâk an irsâm tâka.

EZRA 7:26

Khan mi tukhom ni Pathian dân le rêng dân zôm loihai chu thi thei rakin, ram ata inhnotsuakin mani; an bungrua lâkpai pehaiin mani, intângna ina omin mani, an chunga roirêlna om zôi hrang a ni,” a tia.

NEHEMIA 13:11

Khanchu roirêltuhai ki halhaia, “Itina mo Pathian ina khan a la irsam thei?” ki tia. Khanchu ki koibukhaia, an omna khan kin omtirhai nôka.

NEHEMIA 13:17

Khanchu Juda mi lianhai kha ki halhaia, “Irngam nî porinchetira thil saloi nin itho hi imo a omzia?

NEHEMIA 13:24

an nâihai chu Asdod chongin an chonga, anni chong ti loiin chu Juda chong an irnghil ta.

NEHEMIA 5:13

Ki puanbom chu kin thika, “Hi chonginkung anga tho loihai chu Pathianin a in ata le a sin thôna ata hiang hin inthikpai ri se; inthikpaia omin, a korongin om ri se,” ki tia. Khan a hong irbukhai murdi’n, “Amen,” an tia, Rengpa an inpâka. Khan mipuihaiin kha chonginkung ang tak khan an tho tâka.

NEHEMIA 5:6

Kha ang thu hai khan an khêk irhâi kin hriatin, ki ning an mura.

INPÂKNA HLAHAI 119:53

Mi siat ni dân mâktuhai sikin, Lunghoiloina lian takin a ni de tâka.

INPÂKNA HLAHAI 15:4

Mi sualtak chu a hmusitin a om ngaia; Rengpa chituhai rêk chu a chôiindôm ngai. Mâni ta hranga siat hrang khom khomâksâma inkung tâk chu indanglam ngai loia,

FESUAKNA 34:16

Nin nâipasalhaiin kha nam dang nupanghai kha dôngma’n lahai duai an ta, ki ta hrangin iamom loina om hrang le an pathianhai chubai nin mûkpui theina lampuia nangni an ihruai thei hrang a ni.

THUVÂRHAI 28:4

Dân ngaisak loihaiin chu mi siahai an inzôk ngaia; dân zômhai rêkin chu an indôp ngai.

ISAIA 50:6

Vîk hrangin ki hnung zâng ki doa, ki hnerkamulhai khom an phôia, an nin chilthuana; khannisian inzakin ki hmâi thup ma ung.

DÂN INHNINA 6:13

Rengpa nin Pathian kha chi unglân, ama vai chubai mûk unglân, ama irhming vai sâmin khomâkirsâm ngai roi.

DÂN INHNINA 7:3

Irneipol no roi, nin nâihai dôngma pasala irneitirhai no roi.

JOSUA 23:12

Nin irheisana, nin laia nam dang la omhai leh nin irpôlkhôma, nin irneipolin chu,