NEHEMIA 13:14 - PATHIAN LEKHABU IRTHIANG C.L. Bible (BSI)

¹⁴ O kin Pathian, hi thua hin nin hre mai ro, ki Pathian in le sin thôna hrangin ki sintho insahai chu ni pai pe no roh.

NEHEMIA 13:14 ပူးပေါင်းရင်းမြစ်များ

2 RÊNGHAI 20:3

O Rengpa ni mithmua hin dik takin ki om ngaia, lungrîl irthiang irputin thil sa ki tho ngaia, irngaihoi takin inhre mai ro, a tia, a chap ngûi ngûia.

1 THURCHI SUINA 29:3

Hi khêla khom keima sum rengata sumru le rângachak ki pêka, Pathian tempil hrang hi ki’rvei sikin.

2 THURCHI SUINA 24:16

Israel mihai kuang Pathian ta hrang le tempil ta hrangin sin a tho insa sikin, Davida khopuia rênghai thâna an phûma.

EZRA 7:20

Khan, ni Pathian in hranga hmang hrangin, a nangna a omin chu rêng sum ina kha hmang zel roh.

EZRA 7:24

khan ochaihai, Levi irchihai, hla saktuhai, mikot hrungtuhai, Nethinim hai, ni Pathian ina sinthotuhai hi inhminhai ro, thil man omhai, irnêng manhai khom chôi ta loi hrangin nang kin hriattir.

EZRA 7:27

Jerusalema Rengpa in en inhoitir hrang rêng chu, hianga lungrîl invongtirtu le rêng le roirêltu rêng milian inlârtakhai kôla ki chunga lungkhamna insuatirtu Rengpa, kin pi le puhai Pathian chu inpâkin om ri se.

NEHEMIA 13:22

Khanchu Levihai chu irsinsiama, irngam nia irthiangtirna kul mikothai hrung hrangin thu ki pêka. O ki Pathian hi thua hin nin hre mai ro, ni lungkhamna zârin ni la hôiin lân.

NEHEMIA 13:31

A zoro ang taka thil inhlan hrang le, chîmu vâng masa inhlan hranghai le, o ki Pathian a satna lam takin nin hre mai roh.

NEHEMIA 5:19

O ki Pathian, hi mihai hranga ki sintho murdi hi, ki sa theina hrangin inhre mai roh.

ISAIA 38:3

“O Rengpa ni makunga diktakin ki om ngaia, lungrîl irthiang irputin ni mithmua thil sa ki tho ngaia, khasikin lungkham takin nin hre maiin lân,” tiin a chapa.

HEBRAI toc2 HEBRAI 6:10

Pathian chu felloi ni mah. Ama ta hranga sin nin ithohai, lungthungna nin inlanghai, nin Kristian chanpuihai nin lei ichangpui le atûn ten khom nin la ichangpui maihai kha irnghil viat no ni.

THUPHUANG 3:5

An hnêtu ka chu khaang khan puan chekhai insiltir ni an ta, hringna lekhabua irthokin an irhming kha pai viat no ning. Ka Pa le vântîrtônhai makunga ki ta an ni tiin inpuang inlang ki ti.