NEHEMIA 12:44 - PATHIAN LEKHABU IRTHIANG C.L. Bible (BSI)

⁴⁴ Kha nikhua khan chu tholômhai, ngaihoi thilinhlanhai, neinun vâng masa tak hai, sôma inkhat siana hmuna tentana hruaitu, dân ang taka an inkung, ochai le Levihai dongtum, khua tina a le’rchûtir hranga inkung an nia; Judahai chu sinthotu ochaihai le Levihai sikin an lôma,

NEHEMIA 12:44 ပူးပေါင်းရင်းမြစ်များ

1 THURCHI SUINA 23:28

Hi sinhai hi an itho hrang chu a ni. Arona irchia ochaihai Pathian biakna changpui le tempil kholâia tentan sûnga bêlbûr irthiang vong infâi,

1 THURCHI SUINA 26:20

Levi irchi, mi senkhat chu tempil tholôm kok le thilpêk bukkhômna tentan enkoltu an ni.

1 THURCHI SUINA 9:26

Hi hruaitu minli, irchamneituhai hi Levi irchia mi an ni. Tempila tentan dang dang le a sûnga thil irhmang thei loi hrang tena hi, an mophurna a ni.

NEHEMIA 10:36

dân bua irziak angin kin nâilutîr le kin sa laia a suak masa tak, kin sehrât le kêlbelrahai laia a suak masa tak, kin Pathian ina sinthotu ochaihai kuanga Pathian ina hruai hrang hai.

THUVÂRHAI 8:34

Mi tukhom ki mikot bula oma, ki dâi mikot bula oma, ki dâi mikot bul nghâka, ki thu irngai chu a râlvân a sa e.

ISAIA 40:31

Rengpa nghâktuhai rêk chu, hrât inthar nôk an ta, Irmupui angin mitha leh vuang kâi an ta, Intân an ta, sôl no nihai, fe an ta, sôl inhre viat no nihai.

NAMBAR 3:10

Arona le a nâipasalhai chu ochai sintho hrangin tihai ni ta, nam dang a hong irrolhai chu that ni an ti,” a tia.

ROM KHUAA MIHAI KUANGA TÎRTÔN PAULA LEKHATHON 12:7

sinthôna tiang a ni’n chu, sathnem irngai takin sinin lân, irchutirna tiang a ni’n chu irchutirin lân;

DÂN INHNINA 18:8

Ochai danghai idong ang fâk hrang kha a idong zit hrang a ni, ama in sûng mihaiin thilinhlan hong ithon rêk chu dôn sa thei a ti.