NEHEMIA 12:43 - PATHIAN LEKHABU IRTHIANG C.L. Bible (BSI)

⁴³ Kha nî khan irbôlna a sate’n an inhlana, an râi a fân ta taka; Pathianin raifân theina a pêkhaia; nupang le nâipanghai khom an lôma; khanchu Jerusalem lômna chu ram hlatak ata an inhriata.

NEHEMIA 12:43 ပူးပေါင်းရင်းမြစ်များ

2 THURCHI SUINA 20:13

Judai rama mi murdi chu an dôngma le an nâihai leh tempil mikota an ngîra.

2 THURCHI SUINA 20:27

Rengpa’n an râlhai an hnêtirhai tâk sikin Jehosafata le a rualhai chu lôm takin Jerusalema an fe tâka.

2 THURCHI SUINA 7:10

Zîng nôk tha sarina sûn sômhni sûn thum nî chu Solomona’n mipuihai chu an chîntirhaia; Rengpa’n Israelhai chu sat a vura, Davida hai, Solomona hai sat a vurhai sikin mipuihai chu an lôm tak taka.

EZRA 3:13

Khanchu mihai khan an lôm sik le an chap sika an ikhêk kha theitha loiin; mipuihai chu inring ualin an khêka, an irhâi chu hlatak ata inhriat thei a ni.

NEHEMIA 12:27

Jerusalem kul an inhlana khan, têngrep hai, perkhuang hai, belem hai le hlasaka lômthu hrila lôm taka inhlanna inkhôm hmang hranga Jerusalema hong hrangin Levihai chu an zong suakhaia.

NEHEMIA 12:42

Maaseia, Semaia, Eleazara, Jehohanana, Malkija, Elama, Ezera hai khom. Khan, hla saktuhaiin an hruaitu Jezrahia haiin inring takin an saka.

JOBA 34:29

Ama lei dâihrek sianlân, Tu mo thiam lan changtir thei hrang? A hmêl a thup khomin tu mo hmu thei hrang? Nam le mimal ta hrang khomin hmunkhat a ni.

INPÂKNA HLAHAI 27:6

Atûn chu a ni doitu, ni hual vêltuhai chung tiang ki lu hi chôiirsângin om a ti; Khanchu, a puan ina khan râifânna irbôlnahai inhlan ki ta; Zâi ki ti, a ni, Rengpa inpâkin zai ki ti.

INPÂKNA HLAHAI 28:7

Rengpa chu ki hrâtna le ki phô a nia; Ki milung hin ama kha a iama, Khanchu changpuiin ki oma; Khasikin ki lungrîl hi a lôm tak taka; Ki hla khan ama kin pâka.

INPÂKNA HLAHAI 9:2

Nangmaa khan lômin ki râiinfân ki ti: O, nang Anchungtak, nir hming inpâkin zâi ki ti.

INPÂKNA HLAHAI 92:4

Rengpa, nang chu ni sintho’n a nin lômtira: Ni kut sinthohai sikin raifânin zâi ki ti.

ISAIA 61:3

Zion khua beidonghai inthâi hrang le an beidongnahai ata inhartirhai hrangin, porche taka om inhartirhai nôkna hrangin, a lei ngûi tâkhai inpâkna hla insaktirhai nôk hrangin tîr ki ni. Rengpa’n ama chôiindôm hranga a iphun thing inditom taka an nih ti thu hril hranga ki ni.

JEREMIA 31:13

Dôngmate chu raifânin lâm a ta, ruatharte le tarhai khom lôm an ta, an chardongna lômna inchangtir pehai ki ta, an beidongna irtharngam sakhai ki ti.

JEREMIA 33:11

raifânna le lômna khêk irhâihai le irneina hruaithe lômna irhâihai chu lan hre nôk nin ti. Mipuihai chu lômthu hrilna irbôlnahai ki biakbuka hong chôia, hi hla hi an sak lan hria nin ti. ‘Sipaihai Rengpa kuang lômthu hril roi, ama chu a saa, a lungkhamna chu kumkhontuangin a om hrang a ni sikin,’ ti hi. Hi ram hi matona tuanintung taka a iom ang khan siam nôk ki ti, kei Rengpa hin ki iti a ni,” a tia.

NAMBAR 10:10

Nin khonhoi nihai, nin Ferkân Kût zoro hai, nin tha thar lôm nihai le nin pum hâlirvôm le irngeina thilinhlan nin inhlan zoro tikhaia khom bekul chu nin itum hrang a ni. Khanchu keima’n nangni san ki ti; kei hi Rengpa nin Pathian chu ki ni.

MATHAIA 21:15

Ochai inlalhai le Dân irchutirtuhaiin sinirkhêl a isinhai le Tempila, ‘Davida Nâipa kuang Hosana,’ tia nâipang khêkhai kha an hmu’n chu a sân an ning an mura, “Hihai thu’nsîr hi nin hriat mo?” an tia.

MATHAIA 21:9

Mipui Jisua maton tianga fehai le a hnung tianga zuihai khan, “Davida Nâipa kuang, Hosana! Rengpa irhminga hong chu inpâkin om ri se. An chung taka khin Hosana!” tiin an khêka.

JOHANA 16:22

Khaang khan nangni khom atûn hin nin char a donga, khannisianlân, nangni hmu nôk ki ti, nin lungrîl lôm a ti, nin lômna kha tûte’n nangni lâkpai pe no nihai.

EFESI 5:19

Inpâkna hla hai, Pathian hla hai le irtha tianga hla hai leh khan irdon irhlôm ngai unglân, nin milung takin Rengpa inpâkna hla sakin inpâk roi.

JAKOBA toc2 JAKOBA 5:13

Nin laia vânduaina tong an om mo? Chongchai ri se. Râifân mo an om? Inpâkna hla sak ri se.

1 SAMUELA 4:5

Rengpa Thuthung Bômin an riakbuk a zuang tungin chu, Israel murdihai kha inring takin an khêk dur dura, irnêng an tor chita.