NEHEMIA 12:27 - PATHIAN LEKHABU IRTHIANG C.L. Bible (BSI)

²⁷ Jerusalem kul an inhlana khan, têngrep hai, perkhuang hai, belem hai le hlasaka lômthu hrila lôm taka inhlanna inkhôm hmang hranga Jerusalema hong hrangin Levihai chu an zong suakhaia.

NEHEMIA 12:27 ပူးပေါင်းရင်းမြစ်များ

2 SAMUELA 6:12

Reng Davida khan Pathian Thuthung Bôm sika khan Obed-edoma in sûngkua le loi murdi Rengpa’n sat a vur ti an hriat tâka. Khanchu Davida khan Pathian Thuthung Bôm kha Obed-edoma in ata Jerusalema chôi hrangin a zu lâk tâka.

1 RÊNGHAI 8:63

Reng Solomona’n Rengpa ta hrangin sehrâtchal sînghni le sânghni (22,000) an hlana, kêlbelra nuaikhat sînghni (1,20,000) an hlana. Khanchu rêng le Israel mipuihai khan tempil chu an inhong ta.

1 THURCHI SUINA 13:8

Khan Davida le Israel mihaiin hla sakin, theihle, belem, perkhuang, bekulhai inringin Pathian makunga an lâm sup supa.

1 THURCHI SUINA 15:12

an kuanga khan, “Levi irchia hruaitu nin nia, irthiang infâi unglân, nin Levi chanpuihai khom irthiang infâihai roi. Rengpa Israelhai Pathian Thuthung chu a siana hmuna ki isinna dênin nin irzôn intung hrang a ni.

1 THURCHI SUINA 15:16

Levi irchihai chu zaipôl hai, perkhuang suka têngrep intôka tîr hrangin an ulianhai chu Davida’n a hrilhaia.

1 THURCHI SUINA 15:28

Israel mi murdihai chu raifân takin an khêka, bekulhai, kêl irkîhai tumin, têngrep hai sukin, perkhuanghai inper pumin Thuthung Bôm chu Jerusalema an chôikâi tâka.

1 THURCHI SUINA 15:4

Arona irchi le Levihai chu a koihaia,

1 THURCHI SUINA 16:42

Inpâkna hla an saka lei irfûktir hrang bekul, têngrep le irhâihoi danghai tum tianga hruaitu Hemana le Jeduthuna hai hi an ni. Jeduthuna irchipuihai chu inkhâr enkoltu an ni.

1 THURCHI SUINA 16:5

Asafa chu an hruaitu tak a nia; Zekaria hi a hnuai renga mi a ni; Jeiela, Semiramota, Jehiela, Matithia, Eliaba, Benaia, Obed-edoma, Jeiela hai chu perkhuang le belem tum hranga an ni, Asafa chu têngrep inring taka suk hrang a ni.

1 THURCHI SUINA 23:5

Mi sângminlihai chu sipai sintho hrangin a tia; mi sângminli danghai chu rêngin a ipêk thil tum inring thei hai, tum puma Rengpa inpâkna hla sak hrangin a tia.

1 THURCHI SUINA 26:31

Hebron irchi hruaitu tak chu Jeria a ni. Davida rêng kum sômminlinaa Hebron irchihai thurchi kha an suia. Hi irchia mi sipai hrâttak tak Gilead bial Jazer khuaa an oma.

2 THURCHI SUINA 29:25

Reng deipu Gada le deipu Nathana hmanga Davida kuang Rengpa iti angin Levi irchihai chu perkhuang, serânda le têngrep chôiin tempila khan an siaa.

2 THURCHI SUINA 29:30

Reng le hruaituhaiin Davida le deipu Asafa hla phua, Rengpa inpâkna hla kha, Levi irchihai an insaktirhaia. Khûksadela Pathian chubai mûkin an rêngin râifan takin an om tâka.

2 THURCHI SUINA 5:13

Hiang hi a nia, bekul tumhai le hla saktuhaiin Rengpa inpâkna le lômthu hrilna an itumhai chu hmunkhata inhriat thei a ni; bekul le têngrep le thil dang irhâi an hon suaa, “Ama lak a satak a nia, a khonzâna lak kumtuanga om hrang a nia,” tia Rengpa an hon pâkin chu, Rengpa in chu sûmpuiin a sip zit tâka.

2 THURCHI SUINA 7:6

Ochaihai chu an omna hrang hmun indanga khan an ngîra, Levi irchihai chu Davida ipêk thil tum inring theihai leh Rengpa inpâkna hla, Kumtuanga lung ni thungtu a nih ti hla, Davida’n sak hranga a iti ang ngêtin an sak tâka, ochaihai khomin mipui ngîrhai makunga bekul an tuma.

EZRA 6:16

Khanchu, Israel irchihai, ochaihai, Levia irchihai le sala intâng hong zôkhaiin, kha Pathian kha lôm takin inhlanna an hmang tâka.

NEHEMIA 11:20

A ban Israelhai, ochaihai, le Levihai chu Judai ram khua tina mâni ram chita an oma.

NEHEMIA 12:43

Kha nî khan irbôlna a sate’n an inhlana, an râi a fân ta taka; Pathianin raifân theina a pêkhaia; nupang le nâipanghai khom an lôma; khanchu Jerusalem lômna chu ram hlatak ata an inhriata.

NEHEMIA 8:17

Sala zôk irbukhaiin ngam hmun an sina, kha hmuna khan an oma; Nuna nâipa Jesua zoro rengata, kha nî sûn dênin Israel irchihai khan khaang khan tho ual ngai mahaia. Khanchu lômna liantak a hong ni pehaia.

INPÂKNA HLAHAI 149:3

Ama irhming chu lâm pumin inpâk sianlân; Khuang le perkhuanghaiin ama inpâkin zâi ri sehai.

INPÂKNA HLAHAI 30:1

O Rengpa, nang chôiindôm ki ti: nangin ni nin dom irsâng tâka; A ni doituhai ni inriam kha ni phal no sikin.

DÂN INHNINA 16:11

Rengpa makunga khan nin nâihai, nin siahlo hai, nupang pasalin nin khuaa Levia irchi hai, nam danghai, fara hai le meithâi hai nin laia om sahai leh khan raifân takin Rengpa nin Pathianin a’rhming omna hranga a inthangnaa khan hruai inthê roi.

DÂN INHNINA 20:5

Mipui hruaituhai khan mihai kuanga, ‘In thar sin inhlan loi mo nin om? A in tiang kîr ri se, irdoinaa thina pal a ti, a in sin kha mi dangin inhlanpaina an ti.

FILIPI 4:4

Rengpaa khan lôm mai roi, ti nôk ki ti, lôm roi!

THUPHUANG 5:8

Lekhabu irzuat kha a lâk le chu, thilhring minli le upa sômhniminlihai kha, serânda le rângachak berbu mirimhoia sip chôi sengin, Belrate makunga khan an inboka; kha mirimhoi kha Pathian mihai chongchaina a ni.