NEHEMIA 10:37 - PATHIAN LEKHABU IRTHIANG C.L. Bible (BSI)

³⁷ Kin Pathian in tentana ochaihai le kin bai fâk hrang masa tak, kin ngaihoi thilinhlan hrang chi tinrêng rahai le, uain le sahriak chôi hrang hai; kin loia mi sôma inkhat Levi hai pêk hranghai dân kin siama, Levi haiin kin kho sûnga loi tho ngai khua murdia sôma inkhat an lâk ngaia.

NEHEMIA 10:37 ပူးပေါင်းရင်းမြစ်များ

LEVI DÂN 23:17

Sûngkua tinin mâni hmun senga chol kop loi bai nin iur hrang a ni. Rengpa makunga thâr hrang tang hni nin hong ichôi hrang a ni, bai tang khat chu her hnia rik, baiphit thar sa zât nin isiam masa tak a ini hrang a ni.

NAMBAR 18:21

Rengpa’n, “Israel mihaiin sôma inkhat an ipêk murdi chu Levi mihai ki pêka, hi hi irtongna Biakbuk an sinthôna irthûla ki ipêkhai chu a ni.

NEHEMIA 13:9

Thu ki pêka, tentanhai an irthiala; khanchu Pathian ina bêlbûrhai chu baithep thil inhlan le mirimhoihai leh ki lâk lût nôka.

NEHEMIA 13:5

Maton tianga Levihai, hlasaktu hai, mikot hrungtuhai dongtum, baidi thilinhlan, mirimhoi, bêlbûr bu, sôma inkhat, uain le sahriak le ochaihai hranga ngaihoi thilinhlan an isiana ngai tentan lian tak kha Tobia hrangin a sinsiam pea.

DÂN INHNINA 26:2

Rengpa nin Pathianin ram nangni a pêka, nin thil thar masa tak senkhat mani sia nin ta, Rengpa nin Pathian irhming omna hranga a hmun inthangnaa khan chôi ngai roi.

DÂN INHNINA 18:4

Nin bu thar masa le nin uain ep masahai le nin oliv hriak in-ôt suak masa takhai kha ochai nin ipêk hrang a ni; nin belra mul ep masa tak khom pe ngai roi.

MALAKIA 3:10

Ki ina fâk hrang a om theina hrangin sôma inkhat murdi kha tholôm bôma hong chôi roi, irvân tukverhai kha nangni kin hong pe’n satvurna dong sêng loi dôrin nangni ki vur mo, vur ma ung, ni hong fia ngân u ta, Sipaihai Rengpa’n a ti.

MALAKIA 3:8

Mihriamin Pathian ta kha a inrûk pe hrang ma ni? Khannisian nangni’n chu nin ni inrûk pe ngai? Nangni rêkin chu, Ia hin mo kin inrûk pe? nin tia, Sôma inkhat le thilinhlanhaia hin.

2 THURCHI SUINA 31:6

Judai ram khopuia om murdihaiin an sâ sôma inkhathai, an Pathian Rengpa kuang thil tamtak an ipêkhai chu an hong chôi ngaia.

ROM KHUAA MIHAI KUANGA TÎRTÔN PAULA LEKHATHON 11:16

Bai tiam masa tak kha Pathian kuang inhlan irthiang a ni’n teh, a pumpuiin irthiangtir a ni. Khan, thing khom a’rzung a’rthiangin chu a ônhai khom a irthiang a ni.

DÂN INHNINA 14:22

Nin loimâna chîmu tharhai kha sôma inkhata, kum tin sepai hen roi.

NEHEMIA 13:10

Khan Levihai le, hla saktuhai chu an dongtum an pêkhai no sikin, a ni loi lam tiang an rot tah ti kin hriata.

NEHEMIA 13:12

Khanchu Juda nâihai murdi’n bu, sôma inkhat, uainhai, sahriak hai, tholôm bukkhômna khan an hong chôia.

FESUAKNA 13:2

“Israelhai laia nâilutîr pasal murdi sul sûng ata suak murdi mihriam mo, sa chal mo, ki kuang nin inhlan hrang a ni,” ki ta a ni sikin.

FESUAKNA 13:12

Sul ata suak masatak pasal le nin sahai a chal maton takhai kha chu, Rengpa hrangin nin isia indanghai zêl hrang a ni: pasal murdi chu Rengpa ta hrang ni a ti.

NAMBAR 18:15

Rengpa ta hrang nâilutîr mani, ra irzir maton tak mani, an ipêkhai kai chu mihriam khom ni ta ni a ta; khannisian nâilutîr chu irtan ni ta, sâ Pathian dâna irthiang loi a tê suak maton tak chu irtan sa ni a ti.

NAMBAR 18:18

An hmê chu ni ta ni a ta, ngaihoia thilinhlan a rôp le a mal chang tianga chu ni ta a ini ang hin.