NAMBAR 6:2 - PATHIAN LEKHABU IRTHIANG C.L. Bible (BSI)

² Israel irchihai kuang, hiang hin hril ro, an kuang, pasalin mani, nupangin mani, Nazarit ni hranga a bîk taka chonginkungna neiin Rengpa kuang a’rpêka ni’n chu,

NAMBAR 6:2 ပူးပေါင်းရင်းမြစ်များ

ROIRÊLTUHAI 13:5

Nâi ni vong, nâipasal ni inei hrang hi, a lu voiinkol loi hrang a ni. Pathian ta hrangin a suak ata Nazarit mi ni a ti. Ama’n Filistia mihai kut ata Israelhai sansuakna sin tho phut a ti,” a tia.

ROM KHUAA MIHAI KUANGA TÎRTÔN PAULA LEKHATHON 1:1

Paula, Jisua Krista suak, tirtôn hranga koi, Pathian Thurchi Sa hril hranga indangtu khan;

HEBRAI toc2 HEBRAI 7:27

Ama kha ochai inlal danghai angin ni maka; ochai inlal danghai chu a nitin an sualna sikin irbôlna an inhlan baka, kha hnung kêng mihai hrang an la inhlan pe ngai. Khannisianlân, Jisua chu ama ta hrangin nang mah sikin, voikhatin ama ar hlan laia khan irbôlna inkhatin a irzoitir zit a ni.

GALATIA 1:15

Khannisianlân Pathian lungkhamna’n ka nu pum sûng ata a ni lei inkunga, a ni ikoi tâk a ni.

2 KORINTH 6:16

Pathian tempil le millimhai khomin imo irzomna an inei? Eini chu Pathian hring tempil kêng ei ni. Pathianin, “Ki mihai kuang in sin ki ta, an kuang om ki ti; Keima an Pathian ni ki ti,” a iti ang khan.

LUKA 1:15

Rengpa mithmuin mi lian ni a ta, uain le zu rêng rêng khom in no ni. A nu phîng sûng ata Irtha Irthiangin sip a ti;

THUVÂRHAI 18:1

Mi, mâni ringota om nuam chu mâni hrang vaia sa an hriat ngaia; mi murdi’n thudik an iti kha pom ngai ma.

1 SAMUELA 1:28

Khasika khan keima khomin Rengpa kuang ki inhlan a ni, a dam sûng chu Rengpa ta hranga ser irthiang ni ta ri se,” a tia. Khanchu kha hmuna khan Rengpa chubai an mûk ta.

ROIRÊLTUHAI 16:17

Khanchu a lungrîl murdi a hril zit tâka, “Ki suak rengata Pathian ta hranga Nazarit mi ki nia, ki sam hi ziatinkol la ni ngai ma, ki lu hi voiinkol ni sianlân ki hrâtna hi boi a ta, mi dang ang takin ki ihrât loi hrang a ni,” a tia.

LEVI DÂN 27:2

“Israel mihai kha hril ro: mi’n Rengpa kuang mihriam kha pêk inkung sianlân, kha mihriam irphutôk inkung kha Rengpa dongtum ni a ti.

LEVI DÂN 20:26

Ki ta bîk hrangin nin irthiang hrang a ni, ki ta nin nina hrangin nam dang lai ata nangni ki inthang suak a ni.

FESUAKNA 33:16

Kin kuang ni hong sa no’n chu, ni mihai le ki chunga hin ni milung a chuk a nih ti itin mo kin inhriat thei hrang? Ni ompuina khan irnêng chunga mi danghai laia danglamna tak a ni inneitir hrang a ni,” a tia.

TÎRTÔNHAI SINTHO 18:18

Paula chu nikho sôt tak a la châma, kha zoi hnunga chu urênghai kha satakin an thâhaia, Suria ram tiang panin irkuangin a fe suak tâka, a kuang Priskili le Akuila khom an fe sa. Paula’n chonginkung a lei nei sikin, Kenkriai khuaa a sam a lei ep baka.

NAMBAR 6:1

Khanchu Rengpa’n Mosia a chongpuia,

ROIRÊLTUHAI 13:4

Khasikin, irdîn takin omin lân, uain mani zû mani in viat no ro, Sa irthiangloi khom fa viat no roh.

JEREMIA 35:6

Anni khan an ni sâma, “Uain in ngai ma ung, kin irchibul Jonadaba, Rekaba nâipa khan keini le kin nâihaiin uain in viat loi hrangin a ni ihril a ni.

NAMBAR 30:3

Khan nupang khom a pa ina a la om laiin Rengpa kuang thilpêk hranga chonginkungna neiin mani, aninole thil senkhat irser hranga chonginkungna neiin a lei oma ni’n chu,

ROIRÊLTUHAI 13:14

grep kung rengata thil ite a ifâk hrang ni ma, uain mani zû mani in viat no ri se. Ki ihril murdi kha zôm sianlân, thil irthiangloi khom fa no ri se,” a tia.