NAMBAR 15:9 - PATHIAN LEKHABU IRTHIANG C.L. Bible (BSI)

⁹ baidi thilinhlanna hrangin baidi her thum le oliv hriak khilât sei inhni irzêl sai,

NAMBAR 15:9 ပူးပေါင်းရင်းမြစ်များ

NAMBAR 28:14

Uain thilinhlan chu hiang hi ni a ti, sehrâtchal leh khan khilât sei inhni ni a ta, belrachal leh khan khilât sei inkhat le a chimrip ni a ta, khan belrate leh khan khilât sei inkhat seng ni a ti. Hi hi kumtuanga a tha tina nikhua masa taka pum hâlirvôm thilinhlan dân hrang chu a ni.

NAMBAR 28:12

Khanchu sehrâtchal tin leh khan, baidi thilinhlan hrangin bai indi tak, hriak leh irzêl her thum; khan belrachal tin leh khan baidi her hni sengin;

LEVI DÂN 14:10

Sûn riat ni’n chu belrate, a chal inhni le a nupang inkhat, kum khat vêla irchang, hmêlveiloi le baidi her thum, sahriak koploi oliv hriak litar hmun thuma hmunkhat hong chôi a ta,

LEVI DÂN 6:14

“Hiang hi bu le bâl thilinhlan tho hrang dân chu a ni: Arona irchi ochaiin bu le bâl thilinhlan kha maichâma, Rengpa makunga an inhlan hrang a ni.

JOELA 2:14

Rengpa nin Pathian kuang baidi inhlan le in hranga inhlanhai khom khan, kîrin, lungrîl irhei kîrin, satvurna mâksanin om no nih ti tu’n mo an hriat?

JOELA 1:9

Baidi inhlanhai, in hranga inhlanhai kha Rengpa in ata inboi a nia; ochai, Rengpa sinthotuhai kha an char a donga.

EZEKIELA 46:15

Khanchu belrate, baidi le sahriakhai hi kumkhontuangin Rengpa kuang a zîng tin inhlan ni mai ta a ti,” a tia.

EZEKIELA 46:11

Khanchu kûtnahaia le zoro bîk nei kûtnahaia khan bu thilinhlan chu sehrâtchal inkhata khan epha inkhata, belrachal tuai inkhata epha inkhat, belrate pe thei a ta, epha khata hriak litar inthum zêl a ini hrang a ni.

EZEKIELA 46:7

Khanchu sehrâtchal tuai leh khan epha khat pe sa a ti. Belratehai leh khan a nuam dôr pe a ta, khanchu epha khata sahriak inkhat seng pe sa a ti.

EZEKIELA 46:5

Khanchu bu thilinhlan belrachal le pêk hranga khan epha khat ni a ta, khanchu belratehai le bu thilinhlan pêk hranga om chu a nuam dôr ni a ta, khanchu epha khat sahriak inkhat seng chôi sa ni a ti.

EZEKIELA 42:13

Khanchu mihriam khan ki kuang, “Hi in inhnihai hi in irthiang a ni, khahai sûnga khan Rengpa nâitu ochaiin thilinhlan irthiang takhai chu an fâk ngaia, a tentanhai kha a’rthiang sikin, ochaihai khomin khataka khan thilinhlan irthiang takhai chu an sia ngai, bu thil inhlanhai, sual irbôlnahai, sual ngaidamnahai chu.

NEHEMIA 10:33

Bu siana hrang hai, baidi thil inhlan mai hrang hai le, hâlirvôm thilinhlan mai hrang hai, irngam ni hranga le, tha thara hrang, hunbi nei kûta hrang, thil irthiang hai, Israel mihai hranga irngeina siamna hranga sual irbôlna hrang le kin Pathian in tianga a nang murdi thôna hrang hai.

1 THURCHI SUINA 21:23

Aruana khan, “Ka pu la ta ro, a sa ni iti lam tak ni ta ri se. Maichâma thilinhlan hrang sehrâtchal khom a om, a hâlna hrang thing khom a om ving ta; baidi thilinhlan hrang bai khom nang ki pêk sa, itinrêng tum ving ki ti,” a tia.

NAMBAR 29:6

Hihai hi tha khatna sûn maton taka pum hâlirvôm thilinhlan le baidi thilinhlan le a nitina pum hâlirvôm thilinhlan le baidi thilinhlan le uain thilinhlan ti bana chu nin inhlan hrang chu a ni. Hi fâk chi thilinhlanhai hi Rengpa ta hranga mirimhoi chu a ni.

LEVI DÂN 7:37

Khanchu, hâlirvôm thilinhlan hai, bu le bâl thilinhlan hai, sual irbôlna thilinhlan hai, tho’nsual man thilinhlan hai, ochai namindet thilinhlanhai le irpôlkhôm thilinhlanhai chu khaanga inhlan hen hrang chu a ni.

NAMBAR 15:8

Khan, sehrâtchal chu pum hâlirvôm thilinhlanna hrangin mani, chonginkung inkungna thilinhlanna hrangin mani, irngeina thilinhlanna hrangin mani, inhlan a ni tika,

NAMBAR 15:10

uain khilât sei inhni chu inhlan a ini sa hrang a ni. Hi thilinhlanhai hi Rengpa ta hranga mirimhoi chu a ni.

1 SAMUELA 1:24

Irhnu nêk a bâng tena chu baidi her sômkhat le uain ûm khat chôiin le sehrâtchal tuai inthum mi kaiin Hani khan a nâipa chu Silo khuaa Rengpa ina khan a fepui tâka; a nâi chu a la nâiinpang ok a ni.