NAMBAR 15:3 - PATHIAN LEKHABU IRTHIANG C.L. Bible (BSI)

³ Rengpa kuang sehrâtchal mani, belrachal mani, kêl mani, pum hâlirvôm thilinhlana hrangin mani, mâni nuam thua thilinhlanna hrangin mani, chonginkung inkungna hranga irbôlna hrangin mani, nin Ferkân Kût zoro nia thilinhlanna hrangin mani, Rengpa kuang hong chôi a ta, kha kha Rengpa ta hranga mirimhoi chu ni a ti.

NAMBAR 15:3 ပူးပေါင်းရင်းမြစ်များ

FESUAKNA 29:18

A rêngin thilinhlan belra chu ni inhlan hrang a ni, hi thilinhlan mirimhoi hin ki milung a inchuktir ngai a ni.

IRPHUTNA 8:21

Khan Rengpa’n, kha rimhoi kha an hriata, Rengpa’n a lungrîlin, “Irnêng chung hi chu mihriam sikin khuasâl ta no ninga, mihriam lungrîl ngaituana hi an chînte ata an sual sikin, atûna ki isoisak ang hin chu thilhring murdihai khom hi soisakhai ta no ning.

NAMBAR 28:27

Pum hâlirvôm thilinhlan Rengpa ta hranga thil mirimhoi chu hiang hin inhlan roi. Sehrâtchal tuai inhni, belrachal inkhat, belrate kum khat mi sari a chal, an rêngin demnaboi an ini hrang a ni.

FILIPI 4:18

Nin thilpêk murdi ki lei donga, ki nei intam ta. Epafrodita kuta nin thil hong thonhai kha ki lei hmua, ki’rhniang tâk e. Kha kha mirimhoi thilinhlan, pominruk, Pathian nuamlam a ni.

LEVI DÂN 27:2

“Israel mihai kha hril ro: mi’n Rengpa kuang mihriam kha pêk inkung sianlân, kha mihriam irphutôk inkung kha Rengpa dongtum ni a ti.

EFESI 5:2

Krista’n lung a ni thunga, Pathian lôm lam thilpêk le thilinhlan mirimhoi ni hrangin ei ta hrangin a irpêk ang khan lungthungna nei seng roi.

MATHAIA 3:17

Irngai ta, irvân ata hnuk irhâiin, “Hi hi ki nâipa, lungthung tak chu a ni, a chunga ki lôm tak tak,” a tia.

DÂN INHNINA 12:17

Nin ina khan sôma inkhat, nin bu, uain, sahriak hai le nin sâ vâi le belra pâl laia suak masa tak, nin chonginkungnaa, ngaihoi thilinhlan hai, hruaithe irthârna thilinhlan hai kha fa thei no chin ni;

DÂN INHNINA 12:11

Rengpa nin Pathianin a’rhming omna hrang hmun a inthanga khan, nangni ki ihril murdi kha, nin hong ilâk hrang a ni. Nin hâlirvôm thilinhlan hai, nin irbôlna hai, nin sôma inkhathai, nin thilpêkhai, Rengpa kuang nin inkung takna thilinhlan hai kha hong chôi ngai roi.

DÂN INHNINA 12:6

Kha khan nin hâlirvôm thilinhlan hai le nin thilinhlan danghai nin hong inhlan hrang a ni; nin sôma inkhathai, nin thilpêk hai, nin inkung chumna thilinhlan hai, nin nuam thilinhlan hai, nin sâ a tê suak masa takhai, nin hong ichôi ngai hrang a ni.

NAMBAR 29:8

Rengpa kuang mirimhoi pum hâlirvôm thilinhlan, hiang hin inhlan roi. Sehrâtchal tuai inkhat, belrachal inkhat le belratechal kum khata sari inhlan nin ta, an rêngin demnaboi an ini hrang a ni.

LEVI DÂN 10:13

Hmun irthianga khan fa unglân, Rengpa kuang fâk hrang inhlan ata nin nâihai leh nin dongtum a ni. Hi hi Rengpa thupêk a ni.

LEVI DÂN 7:16

Irpôlkhôm thilinhlan chu chonginkung hlochukna sika mani, mâni nuam thua thilinhlan rêng rêng mani chu, a hme kha an hlan nia fa zit ual hrang ni ma, a tûka khom la fa thei a ni.

FESUAKNA 29:41

Belrate inhnina kha chu khohloi tiang inhlan nôkin lân, ama leh khan baidi oliv hriak le uain khom zîng tianga dôr kha inhlan nôk roh. Hi hi keima Rengpa kuanga fâk nêk thilinhlan chu a nia, a mirimhai hin a ni inlômtir ngai a ni.

FESUAKNA 29:25

An kuta irthokin la’nlân, maichâma hâlirvôm thilinhlan chunga khan sia’n lân, ki ta hrangin thilinhlanna nei roh. Ni thilinhlan mirimhai hin a ni inlômtir ngai a ni.

2 KORINTH 2:15

Keini chu Krista’n mirimhoi hâl Pathian kuang a inhlan, saninhring thiaihai le ar hmang thiaihai laia inthekindarh ang kha kin ni.

2 KORINTH 2:16

A’rhmang thiaihai ta hrangin chu thina hrang mirimsia a nia; saninhring thiaihai ta hrangin chu hringna hrang mirimhoi a ni. Khante, tu mo kha sin hranga a chuk hrang tâk?

INPÂKNA HLAHAI 54:6

Mâni nuama irchamin thilinhlanin ni kuang irbôl ki ti; O Rengpa, nir hming chu inpâk ki ti, a sa sikin.

NAMBAR 6:15

Khabana bai chol pol loi khamphulu khat; baidi le oliv hriak leh siam baitiam le oliv hriak pol baitiam irphân ni a ta, khanchu buhûm le uain thilinhlana inhlan sa a ti.

EZRA 7:17

khasikin hi tangka hin sehrâtchal, kêlbelrachal, kêlbelrate, fâk le nêk hrang thilinhlan hrang leh irchôkin lân, Jerusalema nin Pathian ina maichâma ni inhlan hrang a ni.