NAMBAR 10:1 - PATHIAN LEKHABU IRTHIANG C.L. Bible (BSI)

¹ Khan Rengpa’n Mosia a chongpuia,

NAMBAR 10:1 ပူးပေါင်းရင်းမြစ်များ

IRPHUTNA 42:13

“Keini urêng hi Kanaan rama om mi inkhat nâi sômhleihni kin ni; kin sangpa mitumtak chu atûn hin kin pa kuang a lei oma, inkhat chu om ta ma,” an tia.

IRPHUTNA 46:15

Hihai murdi hi Leaii nâipa, a nâinu Dinaii le Padan-aram rama Jakoba a ineipuihai chu an ni: a nâi nupang le pasal, an rêngin sômthum inthum an ni.

2 SAMUELA 6:15

Khaang khan Davida le Israel mihai kha râifâna pâi pumin le bekul tum irhâi inring du durin Rengpa Thuthung Bôm kha Jerusalema an hong ichôi a ni.

2 RÊNGHAI 11:14

Reng thar chu rênghai ngîrna hmun hranga inkungna tempil lûtna bang bula khan a lei ngîra. Sipai hruaitu le bekul tum theihaiin an le’rhuala, mipuihai chu raifân takin an len nui dur dura. Bekul an tuma. Athali chardongin, a puan an potthêra, “An ni ihuang kêng a ni hi te,” a tia.

2 THURCHI SUINA 23:13

Reng thar chu rêng ngîrna hranga an indang, tempil sûng lûtna kôl bang kôla ngîr kha a hong hmua, sipai hruaituhai le bekul irputhaiin an irhuala. Mipuihai chu raifân takin an khêk dur dura, bekul an tuma, tempila zaipôlhaiin an thil tum irhâi leh hla an hruaia. Annihai kha a hong hmuin chu ningmurin a puan an pot thêra, “Nin ni ihuang a ni,” tiin a khêka.

2 THURCHI SUINA 5:12

Levi irchi hla sak mihai khom an rêngin, Asafa hai, Hemana hai, Jeduthuna hai, an nâipasalhai le nâinupanghai, puanchek sila irvôin têngrep hai, perkhuang hai, dâr hai le maichâm nisua tiang an ngîra, an laia ochai irzakhat sômhni bekul tumin an om a ni.)

2 THURCHI SUINA 7:6

Ochaihai chu an omna hrang hmun indanga khan an ngîra, Levi irchihai chu Davida ipêk thil tum inring theihai leh Rengpa inpâkna hla, Kumtuanga lung ni thungtu a nih ti hla, Davida’n sak hranga a iti ang ngêtin an sak tâka, ochaihai khomin mipui ngîrhai makunga bekul an tuma.

EZRA 3:10

Khan a sintuhaiin Rengpa in lung phûm an hor khamin chu ochaihai chu an tukrivo irbelin, bekul chôiin Levia irchi Asafa nâihai chu Israel rêng Davida’n tho hrang dân a lei inkung angin Rengpa inpâk hrangin an inngîrtirhaia.

INPÂKNA HLAHAI 47:5

Pathian chu khêk irhaiin a kâia, Rengpa chu bekul irhai leh a kâi tâka.

INPÂKNA HLAHAI 81:3

Tha thara chu bekul tum unglân, Tha rîlhai, ei kût nia khan.

INPÂKNA HLAHAI 98:6

Bekulhai le bekul bi nei irhâi leh, Inlaltak, Rengpa makunga khan, raifân takin khêk roi.

NAMBAR 1:52

Khanchu Israel mihaiin an omna hmun senga, a pa pâlin, an tam dân izirin riakbukhai chu siam an ti.

NAMBAR 10:2

“Tangkarua bekul inhni siamin lân, isuka sukin siam ro; mipui bukkhômna hrangin le riakbuk mâksanna hrangin ni ihmang ngai hrang a ni.

NAMBAR 29:1

Khanchu tha sarina sûn masa tak nia Pathian biak hrangin irbûm nin ta, sin rêng rêng nin izong hrang ni mah. Kha nî khan bekul chu tum ni a ti.

NAMBAR 7:2

Israel panam laia hruaitu, irtepna sinthoa hruaituhai ngêt khan,

NAMBAR 9:23

Rengpa thupêkin omhmun an khuar ngaia, Rengpa thupêkin an inzin suak ngai, Mosia hmanga Rengpa thupêkin Rengpa thucha an zôm ngai.

MATHAIA 24:31

Bekul inring tak tum ni a ta, khanchu, a vân vântîrtônhai kha rammual kil minlia tîr suakhai a ta, kôlkung rengata kiang tianga kôlkung dênin a mi inthanghai chu bukkhômhai an ti.

JOSUA 6:4

Sûn sari ni’n chu ochaihaiin belra chal irki bekul chôiin Thuthung Bôm irzôntuhai matona khan fe an ta, belra irki chu tum an ta, voisari an ivêl hrang a ni.

THUPHUANG 8:2

Khan, vântîrtôn sari Pathian makunga ngîr ngaihai kha ki hmua, an kuang bekul sari an pêka.

ROIRÊLTUHAI 7:20

Pâl danghai khomin an bekul chu an tuma, bêl chu an zêm khoia, meiser chu an vei kutin an intûka, bekul chu an chang kuta intûkin an tuma, “Khandai chu, Rengpa le Gideona ta hrangin!,” tiin an khêk tâka.