NAHUMA 3:5 - PATHIAN LEKHABU IRTHIANG C.L. Bible (BSI)

⁵ Sipaihai Rengpa khan hiang hin a ti: Irngai ta, nang ki idoi a ni; ni hmâi tiang ni puan lîm ki ta; ni bomboina namhai kuang le mualinphoina rêng ramhai kuang nang inentir ki ti.

NAHUMA 3:5 ပူးပေါင်းရင်းမြစ်များ

JEREMIA 13:22

I lo hranga hihai hi ki ituang mo a ini, ni lungrîlin ni ti’n chu, ni sual hrai sika a ni. Ni puanvêl nang an lîm pea, nuamningin nang an iloh a ni tâk.

JEREMIA 13:26

Ama ngêtin Rengpa’n ni puanhai hlîk ving a ta, inzak nang irhmutir a ti.

JEREMIA 50:31

“Babulon ram, nang chu irpâkna sip ni nia, khasika khan keima Rengpa Itinrêngthothei, Pathianin nang ki idoi a ni. Dûk nang tho zoro a hong itung a ni ta.

EZEKIELA 16:37

irngai ro, ni irditpuihai murdi chu koikhômhai ki ta, inhoitaka ni lei ilêngpuihai murdi le, ni lei irditpui tâkhai murdi le, ni ihmumâkhai murdi le kil tina mi, ni kuang hong hruaikhôm ki ta, ni korongna murdi an hmu theina hrangin ni korongna chu inlangtir ki ti.

EZEKIELA 21:3

Israel ram kuang khan hiang hin thu hril ro: Rengpa khan hiang hin a ti: Irngai ro, ni chunga ki ningmur insum ki ta, ki khandai chu irlek ki ta, nin laia mi sa khom, mi sual khom that zit ki ti.

EZEKIELA 23:25

Ni chunga ki ning an mur sikin, ningmurin ni chunga roi inrêltirhai ki ti. Ni hnâr le ni mikuar âtpai an ta, ni nâihai thathai an ti. A ni, ni pasalhai le ni nâinupanghai nang hruaipai pe an ta, a hring pumin hâlkhumhai an ti.

EZEKIELA 23:29

Ni sintho murdihai kha chôipai an ta, kut korongin nangni masan an ta, notizuar angin phoileng nang ni târ an ti. Hi thil hi ni taksa irzukna le ni notizuarnahai khan a intungtir a ni.

EZEKIELA 26:3

Khasikin atûn, kei Rengpa Pathian hin hiang hin ki iti a ni. O Tura khopui kei chu ni râl ki nia, nang a doi hrangin nam tamtakhai tuanghai ki ta, anni chu tuipui irsok angin hong suak an ti.

MIKA 1:11

O Safir hmuna omhaio, silkaiboi le inzak takin fe irhmang roi: Zanan hmuna omhai chu hong suak ngam no nihaia, Beth-ezel mihai chu kamangin an inhrûma, kha kha nin inhriatin chu zôk thei ual bîk chi ni mah ti inhria nin ti.

NAHUMA 2:13

Sipaihai Rengpa khan, “Irngai ta, nang ki doi a ni, a tâlihai kha hâl khu ûl ûl ki ta, ni kâmkeibaknei têhai kha khandaiin irhmangtir a ta: khan, irnênga ni sa sê hi inmongtir ki ta, ni palaihai irhâi kha inhriat ni ta no ni,” a tia.

HABAKUKA 2:16

Roiinpuina hranga inzaknaa sip ni ni tâka, Nang khomin inin lân, silkai boiin om sa chian ro; Rengpa kut chang tiang khilât kha ni kuang zuang irlet a ta, Ni roiinpuina chunga porinche inzakna intirom kha om a ti.