NAHUMA 2:2 - PATHIAN LEKHABU IRTHIANG C.L. Bible (BSI)

² Israelhai roiinpuina angin Jakoba-hai roiinpuina kha Rengpa khan an dingtir nôka: inrongtuhai khan anni kha an inrong zoi tâka, an Grep ônhai kha an insiat zoi tâk a ni.

NAHUMA 2:2 ပူးပေါင်းရင်းမြစ်များ

INPÂKNA HLAHAI 47:4

Ama khan ei irchon lua hrang chu nin thang pe a ti, A lungthung Jakoba isong tak ram chu.

ISAIA 60:15

Nang en nuam loiin, nang an rotsana, Tûte’n nang pan nuam ta mahai. Keima hin kho hoitak nan changtir ki ti. Kumtuanga râifânna hmunin nang siam ki ti.

JEREMIA 25:29

Ki khopui sûng ngêta hin insiat theina sin chu ki iphut hrang a ni. Dûk tuanga loia zôk hrangin an irtûng ma ni? Zôk no nihai, dengthei ngêt an ti, irnêng chunga mi tin laia irdoina ki tîr hrang sika khan, keima Rengpa itinrêng thotheiin ki iti a ni.

JEREMIA 48:11

Khan Rengpa’n hiang hin a hrila, “Moab chu inzôka lei hong om mai ngai angin sala intâng ngai maka. Moab chu uain, tui kha bêl tam dôrin sungirthâk ngai maka, inchâng loia omchian ngai a ni. A mirimhoinahai hek thei maka, ar hniknahai khom a pangai a ni mai ngai.

JEREMIA 49:9

Mi’n grep an irhmala, a rânga tômte chu an la hôi ngaia, inrûhai zâna an hongin an inuam kai an lâk ngai.

EZEKIELA 37:21

Khanchu Rengpa Pathianin hiang hin a ti, tiin hrilhai roh. Ki mipuihai chu, nam tinhai laia an lei fena hmunhai ata kha hruaisuakhai ki ta, bukhai ki ta, anni rama ngêt hong hruaihai ki ti.

EZEKIELA 37:23

Anni chu millim leh ite porinche ta no nihaia, sualhai tho’n mani le mâni porinchein om ta no nihai. An lei sualna lampui murdihai ata le an lei ihnôlnahai ata kha insuahai ki ta, anni chu ki mihai ni an ta, kei chu an Pathian ni ki ti.

HOSEA 10:1

Israel chu grep hrui hong indôn satak, ra nuam tak ang a nia; a ra a itam ang dênin a maichâmhai an pungtira; a ram satzia ang dênin lung incher (millim) phun satak tak a siama.

NAHUMA 2:10

Inrongtirin a oma, a rong chiana, a iram a ni: an milung kha a zôi tâka, an irkhûkhai kha a ngara, An konghai khom a na zit tâka, an hmêlhai khom a dông zoi zit tâka.

NAHUMA 3:14

Hi hual vêla ni om sûng hrangin tui chôiin lân, ni kulhai indet ro: irtung omnaa khan fe’n lân, lung inchârna kha chîlin inhminin lân, pilrôngarna lungthu kha indettir roh.

ZEFANIA 3:11

Kha nikhuaa khan ki chunga ni tho’nchâina thiltho sikhaia khan inzak ta no chi ni, kha tika chu ni sûng ata ni mi, lârirpâkna raiinfânpuituhai kha la pai ki ta, ki tâng irthianga hin lârirpâk hrangin om ta no chi ni.