NAHUMA 2:10 - PATHIAN LEKHABU IRTHIANG C.L. Bible (BSI)

¹⁰ Inrongtirin a oma, a rong chiana, a iram a ni: an milung kha a zôi tâka, an irkhûkhai kha a ngara, An konghai khom a na zit tâka, an hmêlhai khom a dông zoi zit tâka.

NAHUMA 2:10 ပူးပေါင်းရင်းမြစ်များ

IRPHUTNA 1:2

rammual hi mumalboi le a korong ringot a nia; tui inthûk tak chung khom an thim khaka; Pathian irtha khan tui chunghai chu a op maia.

INPÂKNA HLAHAI 22:14

Tui anga bunpaiin ki oma. Ki ru murdihai khom irphêtin a oma: Ki milung hi khuaihlu angin a zôi zoi ta.

ISAIA 14:23

“Phît insiat ving ki ta, sarku omna hmun le dialdôkin siam ki ti,” Itinrêng Rengpa thu suakin a ti.

ISAIA 21:3

Khasikin kin thinga nâiha isê angin ki konghai hi a na zoi ta, kûn pumin ki oma, ite inhre ta ma ung. A ni sirpha saa ite inhre thei ta ma ung.

ISAIA 24:1

Rengpa’n Irnêng hi inlet a ta, irhmangtir a ti. Kai illettir a ti.

JEREMIA 30:6

Thîrin irdonhai hi roi, pasalin nâiha an irvei ngai mo? Itina mo nupang nâiha isê angin, pasal ni pumin a pum ar dom lika, a hmêl a idang zoi tâk hi?

JEREMIA 49:23

Rengpa’n Damaska chungthua a iti chu hi hi a ni: “Hamath le Arpad kho mihai chu thurchi saloi an len hriat sikin, an lungrîl inhnângin an ibuai a ni. Lungkângna chu tuipui angin an chunga luangin an iom chian thei loi a ni.

JEREMIA 51:62

Khanchu chongchaiin lân, ‘Rengpa, hi hmun hi insiatchit ni itum thu ni len sîr tâka, khasikin thilhring ite mihriam mo, ramsa mo, om no nihaia, ramchâr angin ni mai ta a ti,’ ti roh.

JEREMIA 8:21

Ki mihai lungnatna’n ki khêkpuia, ki chapa, lungzîngin ki om tâka;

EZEKIELA 21:7

Khan, ‘Ithoa mo ni inrûm?’ an ti’n chu, ‘A thurchi chu a hong tung tâk sikin ki irzal a ni. Mi murdi lungrîl zâm irzal a ta, an kut sahai kim a ta, thâiindôpin om an ta, irlo’nthingin om an ti,’ ti roh. Irngai ro, a zoro a hong tung tâk a ni,” Rengpa pathian thusuakin a ti.

EZEKIELA 31:15

Khan, Rengpa Pathianin hiang hin a tia, “Thing kha mithi khua a fe tena chu a chûlpuina entîrna hrangin irnêng rîla tui leh inkhumpai ki ti. Tuidunghai chu khaphai ki ta, ivadung tam takhai khom inluangtir no ning, thing kha a thi tâk sikin, Lebanon tâng chunghaia inthimin sia ki ta, khan rama thing murdihai chu inthêmtirhai ki ti.

DANIELA 5:6

Rêng kha a hmêl a hong danglama, a lungrîl a buai pea, a ke kut irnak boiin a oma, a’rzalpui tâka.

JOELA 2:6

An matona mipuihai kha an kamanga: an hmêlhai kha a hong dông zita.

NAHUMA 2:2

Israelhai roiinpuina angin Jakoba-hai roiinpuina kha Rengpa khan an dingtir nôka: inrongtuhai khan anni kha an inrong zoi tâka, an Grep ônhai kha an insiat zoi tâk a ni.

NAHUMA 3:7

Khan, hiang hin ni a ta, nang a hmupu dôrin nangma sikin intân irhmang an ta, Ninevi khua kha a ihong ram tâk a ni: tu mo sûn hrang? kho tak ata mo ni ta hrangin irtharngamtuhai kin izong ta hrang? ti an ti.

ZEFANIA 3:6

Namhai kha kin boipaia, an kulhai ten khom kha a ram chit tâka; an kholai dunghai kha kin siatpai zita, tukhomin hro ta mahai; an khopuihai kha insiatin a oma, khanchu mi om ta mahaia, a luatu khom om ta mahai.

JOSUA 2:11

Kha kha kin inhriatin kin rot zoia, nangni chi sikin mi tin mumal nei loiin kin om ta. Nin Pathian Rengpa hi vân chung le hnuaia roirêltu a ni.

JOSUA 7:5

Ai khua mihaiin kul ata Sebarim dênin an irzûlhaia, an tânhai chu mi sômthum kiruk an thata. Israelhai milung chu a’rhniama, an chia an rot zit tâk.