NAHUMA 1:4 - PATHIAN LEKHABU IRTHIANG C.L. Bible (BSI)

⁴ Tuikhanglian kha a halirchua, an kang inchârtira, tuidung tinrênghai khom an kangtir zoia: Basan ram le Karmel tâng kha a châr zoia, Lebanon tâng pârhai kha a ichuai a ni.

NAHUMA 1:4 ပူးပေါင်းရင်းမြစ်များ

IRPHUTNA 8:1

Khanchu Pathianin Nova le irkuanga thilhringhai ramsa le sahai, bokvâka irvâk murdihai kha irnghilhai maka, Pathianin irnêng chunga phâivua an zâptira, tui lianpa kha a’rkai thiai tâka,

2 SAMUELA 22:16

Rengpa’n a râlhai a ngoa, anni kha ningmurin a râiin chu, tuikhanglian inli luang khom an langtira, irnêng irnghatna khom an lang ving ngai.

JOBA 38:11

“Hi ten vai hi hongin lân, khêl no roh, Hi ten hin tui irsôn hong irsokna khom irngam ri se,” ki tia.

INPÂKNA HLAHAI 104:7

Tuihai chu ni hala, laizâm an tho ngai; Ni thupêk inring tak an inhriat le chu an rot zôi zel tâka.

INPÂKNA HLAHAI 106:9

Tuikhanglian Sen kha a hala, Khanchu a kang ta: Khanchu anni kha muang inzena fe’n varâl an kâi ta.

INPÂKNA HLAHAI 114:3

Tuikhanglian khan kha kha a hmua, a rota; Jordan dung kha inkîrtirin a om tâka.

INPÂKNA HLAHAI 114:5

O nang tuikhanglian ithoa mo laizâm ni itho? Nang Jordan, ithoa mo ni ikîr nôk tâk?

INPÂKNA HLAHAI 18:16

Ama khan chung tiang ata a zuang inbana, a ni chela: Tui tamtak ata a ni hnûk suaka.

INPÂKNA HLAHAI 74:15

Nangma’n chu tuihnârhai le tuipûthai nin pût suaktira; Nangma’n chu tuipuihai nin kangtira.

ISAIA 33:9

Ram chu a’rzalin a iram zoi a ni ta. Lebanon rampui a ngûi zoi tâka, Saron phâi khan ramchâr angin a om ta, Basan le Karmel tânga thing hnâ a chil zoi ta.

ISAIA 42:15

Tâng le mualhai insiathai ki ta, sûlhring inchâr ki ta, lungpuihai chu insimhai ki ta, dîlhai khom inkangtir ki ti.

ISAIA 44:27

Tuikhanglian khom kangchat hrangin thu ki pêka, a tuihai a kang ta.

ISAIA 51:10

Tuipui inkanga, ni mi inthang saihai irkânna hrang, tuikhangliana lampui siamtu kha ni mak che mo?

EZEKIELA 30:12

Nail vadung chu inkangtir ki ta, mi pualoihai kuta Aigupta chu sia ki ti. Khan, ram dang mihaiin a ram murdi chu insiatpai chit an ti. Kei Rengpa Pathian hin ki iti a ni,” a tia.

EZEKIELA 38:20

Khanchu tuipuia nga murdihai, ramsa murdihai le mihriam murdihai, irnêng chunga omhai kai chu keima ni chipumin inthing an ta, tânghai chim a ta, bang murdihai khom chim ving a ti.

AMOSA 1:2

Khan, ama khan “Rengpa kha Zion tâng ata inrûm dur dur a ta, Jerusalem khua ata ar hâi suak a ta; belra enkoltuhai sâ lêngna hmunhai kha an char a idong a ni, Karmel tâng sîp kha châr a ta,” a tia.

AMOSA 5:8

Sîruk le sîvazûn siamtu le thina dâihlîm zînga inchangtirtu le sûn kha zân inthima siamtu, tuikhanglian tuihai koia, irnêng chunga inluangtirtu kha, ama kha zong unglân, ar hming chu Rengpa a ni,

MATHAIA 8:26

Jisua’n an kuang, “Itho mo ang dôra nin ichi? Iti hraia iamna tôm mo nin ini!” a tia. Khanchu, a thoia, phâivua le tui irsok kha irngam hrangin thu a pêka, kha hnung chu a dâi dup zôi zel tâka.

JOSUA 3:16

sak tiang ata tui zuang luang chu a chata, a hnâr tianga Zarethan bul Adama khopui dênin tui chu irbukkhômin a’rngama. Araba tianga tuipui thia luang lût ngai chu a kanga, a chat zita; mipuihai chu Jeriko khua kôl irdîn taka khan an irkân kâi tâka.