NAHUMA 1:2 - PATHIAN LEKHABU IRTHIANG C.L. Bible (BSI)

² Rengpa kha nunse Pathian le phuba lâk hmang mi a ni; Rengpa khan phuba a lâka, ninginmurna’n a isip a nih; Rengpa khan a doituhai chunga phuba a lâka, a râlhai ta hrangin ningmurna a irtingtir a ni.

NAHUMA 1:2 ပူးပေါင်းရင်းမြစ်များ

JOBA 20:23

Fâk nêkin mar zap khom sian Pathian ningmurna irkhêltak a chunga tung a ti. A phîng sûnga bit khakin om pe a ti.

INPÂKNA HLAHAI 94:1

O Rengpa, nang phuba lâkna ircham neitu Pathian, Nang phuba lâkna ircham neitu Pathian vâr suak roh.

FESUAKNA 20:5

Annihai kha chubai ni imûk hrang khom ni ma, an sin khom ni itho hrang ni mah. Keima Rengpa ni Pathian hi Pathian nunsetak ki nia, a ni hualtuhai chu an irchi khom irlo thum irlo minli dênin an pahai sualna sikin an nâihai deng kin theitir ngai.

FESUAKNA 34:14

“Pathian dang chubai nin imûk hrang ni ma, Rengpa, a’rhming khom “hnarsasia” chu Pathian hnarsasia tak a ni sikin.

FESUAKNA 34:7

Suanpâr dênin ki chonginkung tho ngaitu, pualoina le tehelna le sual ngaidam ngai; khan nu le pahai sualna sikin nâihai le tu le te irlo inthum le minli dên khomin dûk intongtirhai lêk no ning,” a tia.

ISAIA 42:13

Irdoi hranga mi hrâthai irdoipui thei dôrin Rengpa chu a hor thokin a hong khêka, a hnuk a suaka, a râlhai lai ata a hrât lam chu an langtir ta.

ISAIA 51:17

Harin lân, harin lân, Jerusalem thoi ro, Rengpa ningmurna uain chu ni in ta, inrui thei dôrin ni iin a ni ta.

ISAIA 51:20

Ni nâihai chu kholaidung hmun tina irzalin an irtet phura, Lên leh sa ai khum angin, Rengpa ningmurna an tuang ta, an Pathianin a ihnôl a ni.

ISAIA 66:15

Irngai ro, mei leh Rengpa chu zuar thok a ti, kêllaiher tâlia hong chuangin a ningmur chu meichok angin kângin innatirhai a ti.

JEREMIA 25:15

Rengpa Israelhai Pathianin a iti chu, “Hin uain khilât ki ningmurna sip chu a iom a ni. Nang ki itîrna nam tinhai kuang fe’n lân, hi khilât ata hi anni chu in intirhai roh.

JEREMIA 28:8

Tianlai ata nangma le keima suak nama irthokin deipuhaiin irdoina, châmna le hri le hrâi, nam tamtak le rêng ram roiinpui takhai chunga a itung hrang a ni, an ti ngaia.

JEREMIA 3:5

Ni ning chu inmur mai no nia, ni ningmur chu ki chunga kumtuangin om no nia, tiin Israel hiang hin ni iti a nia. Khanchu sual tinrêng ni tho thei dôr ni la itho mai a ni,” tiin.

JEREMIA 36:7

Rengpa’n a ningmur ichiom tak leh an sîhai sikin, an omdân saloihai ata irletin Rengpa kuang ngaidamna an zong duai khom a ni thei,” tiin.

JEREMIA 4:4

Nangni Judai rama mihai le Jerusalem mihai, keima nin Rengpa leh nin Thuthung kha vong indet roi, ki kuang inhlan roi. Nin inhlan no’n chu thil saloi nin ithohai sika khan ki ninginmur chu mei angin a ichok hrang a ni. Chok a ta, a that thei tûte om no nihai,” a tia.

JEREMIA 50:15

Khopui irhualin irdoi hrangin tânginsam roi. Babulon chu ar pêk tâka, a kulbang chu a koi tâka, a ichim a ni ta. Babulon-hai chunga phuba ki ilâk a ni. Khaangin an chunga hin phuba la unglân, mi danghai an isoisak lam ang takin anni khom soisakhai roi.

CHAP HLA 4:11

Rengpa’n a ningmur chu insum zoi loiin Zion khan a ningmurna mei an suaa; a lung phûmhai dênin a siat zoi ta.

EZEKIELA 36:6

“Khasikin Israel ram chungthua leihrilin lân, tânghai, mualhai, ivadunghai le irhôrhai kuang khan nam danghaiin hmusit tak le hmâimôk taka an lei ilonahai sika khan kei Rengpa Pathian hin hianga ningmura ki ihril a nih ti hril pehai roh.

EZEKIELA 38:18

Khan Rengpa Pathianin hiang hin a tia, “Goga’n Israel a doi nî sûna chu kei chu a sân ki ninginmur a ti.

EZEKIELA 38:19

Ki ninginmurna sikin ki lei hril tâka, kha nî sûn khan Israel rama hnîngnupui tho a ti.

EZEKIELA 39:25

Khan Rengpa Pathianin hiang hin a hrila, “Khannisian atûn chu Jakoba irchi suanpârhai tuanintungin khoza’rngâiin om ki ta, tuanintungin inomtirhai nôk ta ki ti, ki’rhming irthiang khom hi savingin hrung ki ti.

EZEKIELA 5:13

Khanchu, ki ninginmurna chu intungtir ki ta, an chunga ki ninginthikna kha indâi ta ki ta, a hoi ti ta ki ti. Kha zoia chu, kei Rengpa pathian hin sathnem irngaina sikin kha kha ki itho a nih ti inhre ta an ti.

EZEKIELA 6:12

Ram hlataka omhai chu hripuiin thi an ta, anai uala omhai chu khandaiin that ni an ti. Hitaka la omsun, hual sûnga omhai hi phîngchâmin thi an ti, khaang khan ki ninginmurna chu an chunga buak ki ti.

EZEKIELA 8:18

Khasikin, kei khomin ningmur takin ki itho hrang a ni; ki mitin irhmâi no ninga, inrenhai viat no ning; inring takin nin samhai khom sian irngai viat no ning,” a tia.

JOELA 2:18

Rengpa khan a ram kha a uksaka, a mihai lung a inkham a ni.

LEVI DÂN 26:28

ningmurin nin chunga insum ki ta, a bâk saria nain nangni hrem ki ti.

MIKA 5:15

Khan, thu irngailoi namhai chunga khan ninginmurna le milung kângna’n phuba lâkna puiinhlingtir ki ti.

MIKA 7:18

Nang anga pualoina ngaidamtu le irchon dongtum la omsun, tho’nsualna lôipaitu Pathian tu mo om? A ninginmurna kha vong mai ma, lungkhamnaa a lôm tak tak ngai sikin.

ZAKARIA 1:14

Khanchu vântîrtôn ni chongpuitu khan, ki kuang, “Hiang hin va insam ro,” a tia: sipaihai Rengpa khan hiang hin a iti a ni: Jerusalem le Zion hi irvei ta takin ki’rveia,

ZAKARIA 8:2

“A mipuihai ki lunginkhamna, an râlhai chunga ki ningmurna ten insum thei lungkhamna sika khan Jerusalem chu san ki nuama.

NAMBAR 25:11

“Ochai Arona nâi Eleazara nâipa Finehasa sintho sika hin Israelhai chunga hin ki ninginmur ta maka, ama’n chu keima ti bana pathian dang bîk chu irngai thei maka, khasika khan anni chu ki ningmurin inboipaihai ta ma ung.

ROM KHUAA MIHAI KUANGA TÎRTÔN PAULA LEKHATHON 12:19

Inditom takhaio, “Phuba la no unglân, Pathian ningmurna inkian ual roi; phuba rêng rêng keima lâk hrang a ni, keima’n thuan ki ti Rengpa’n a ti,” ti irziak a nia.

ROM KHUAA MIHAI KUANGA TÎRTÔN PAULA LEKHATHON 13:4

Ni satna hranga Pathian sinthopu a ni. Thil sual ni tho’n chu chi ro, khandai kha an ichôi pai pai ni ma. Pathian sinthotuhai an nia, thil sual thotuhai chunga Pathian hremna irlektuhai an ni.

DÂN INHNINA 4:24

Nin Pathian Rengpa hi kâng irhmang mei ang a ni, Pathian nunse tak a ni.

DÂN INHNINA 7:10

Ama khôkmâktuhai rêk chu anni ngei chunga thuana, inse ngaitu a ni; ama khôkmâktuhai chu hôi no ni, an dam sûng lele’n hrem a ti.

HEBRAI toc2 HEBRAI 10:30

“Phuba rêng rêng keima lâk hrang a ni, Keiin thuan ki ti,” ti le “Rengpa’n a mihai ngaitua a ti,” titu hi ei inhriata,

JOSUA 24:19

Josua’n mipuihai makunga, “Rengpa sin hi tho thei no chin ni: Ama chu mi irthiang a ni, pathian dang rêng rêng irngai thei maka, nin tho inchâinahai le nin sualhai ngaidam thei no ni.

2 PETERA toc2 2 PETERA 2:9

Rengpa khan ama chituhai chu tuangna ata sansuak lam le roirêl Ni a zuang tung mâna khom mi sual hrem lam an hriat;