MIKA 7:8 - PATHIAN LEKHABU IRTHIANG C.L. Bible (BSI)

⁸ O ki râl, ni manêp mai no ro: ki tûk tika khom thoi nôk ki ti: inthima ki toi khomin Rengpa kha ki ta hrangin vâr ni a ti.

MIKA 7:8 ပူးပေါင်းရင်းမြစ်များ

JOBA 31:29

A ni en nuam loitu siatna lômpui ki niin chu, Thil saloiin a ni hong de thut laia lôm ngai ki niin chu.

INPÂKNA HLAHAI 112:4

Mi dikhai hrangin inthima khan vâr a hong suak ngaia, Rengpa chu mi lunginkham thei tak, inrennaa sip le fel tak a ni.

INPÂKNA HLAHAI 143:3

Râlhai khan an ni’rzûla, Ki hringna hi irnênga an sirphaa; Mithi tâkhai angin hmun inthim taka an ni khuma.

INPÂKNA HLAHAI 20:8

Annihai kha an kûna, an tûk tâka: Eini rêk chu ei thoia, ei ingîr intuan tâk a ni.

INPÂKNA HLAHAI 27:1

Rengpa chu ki vârna le ni saninhringtu a ni; tu mo ki ichi hrang? Rengpa chu ki hringna kulpui a ni; tu mo ki ichi hrang?

INPÂKNA HLAHAI 35:19

Ki râlhai khan dikloi takin nin riam no ri sehai: Ite ni loia ni khôkmâktuhai chu an mitin irbiak no ri sehai.

INPÂKNA HLAHAI 37:21

Mi sia’n chu pûk ata pe nôk ta ngai maka: Mi fel chu mi lung an khama a pêk lem ngai.

INPÂKNA HLAHAI 37:24

Tûk khomhai sianlân, tûk thengthai no nihai: Rengpa’n a kutin a chel mai sikin.

INPÂKNA HLAHAI 38:16

“khano’nchu nin riam a ta, Ki kesir a châi le ki chunga lian irti an ti,” ki iti a ni.

INPÂKNA HLAHAI 84:11

Rengpa Pathian kha misa le phô a ni: Rengpa khan lungkhamna le roiinpuina nang pe a ta: Diktaka omhai ata chu thil sa rêng rêng inhnar no ni.

INPÂKNA HLAHAI 97:11

Mi felhai hrangin khua a zuang vâra, Milung dikhai hrangin lômna a zuang tung ta.

ISAIA 2:5

Jakoba irchihaio, Rengpa vâra om ta ei ti.

ISAIA 49:9

Intângna ina omhai chu, ‘Suak roi,’ ti ki ta. Inthima omhai chu, ‘A vâra hong suak roi,’ ti sa ki ti. Kêlbelra angin lampuia irtet an ta, mual sûl tam loina hmuna khom sûlhring hmu mai an ti.

ISAIA 50:10

Nangni laia Rengpa chi ngai mi, A siahlo a thu irngaituahai ngai, vâr nei loiin inthima om ngai khom unglân, Rengpa irhming iam mai unglân, Pathiana khan irnghat roi.

ISAIA 9:2

Inthim hnuaia omhai namin chu, vâr roiinpui tak an hmu tâka, raminthim taka omhai hrangin khua a hong vâr ta.

JEREMIA 48:27

Moab, Israel mihai ni inuiso dân kha inhre mai ro? Inru kâra chang mo an nia, an thurchi ni hril rikipin ni lu ni inthik ngai hi?

JEREMIA 50:11

Khan Rengpa’n, “Babulon rama mihai, ki nam nin insiata, lômna le râifânna’n nin sipa, sepui buchîl angin le sakor inhrâm angin nin irvêl thût thûta.

JEREMIA 8:4

Rengpa’n a mihai kuanga insîr hrangin a ni tîra, “Mi an irtetin an thoi nôk ngai mo ni ma? Mi’n lampui chaninvâi sianlân, a ikîr nôk ngai mo ni ma?

EZEKIELA 25:6

“Khan Rengpa Pathianin hiang hin a tia: Israel ram hmusitin, ni kut nin bêna râifânin ni le’rchôm tâka.

EZEKIELA 35:15

Seir tânghai a nia, Edom ram murdi chu ram inpona siamin a om tena chu, mi tinin Rengpa ki nih ti inhre ta an ti,” a tia.

EZEKIELA 36:5

Kei Rengpa Pathian hin ningmurin a kôlvêla namhai le a bîktakin Edom chu irkôkhai ki ti. Râifân le hmusit takin ki ram chu an lâka, hloi hring hmunhai chu an lei lua tâka.

AMOSA 9:11

Hi thil thotu Rengpa thu suak khan hiang hin a ti, “Kha nikhuaa khan Davida kairêng chim kha indingtir ki ta, a pophai kha tuam ki ta; a siathai kha irfûktir nôk ki ta, tianlaia a iom angin sin nôk ki ti.

OBADIA 1:12

Aniachu ni urêngpa siatna a tong nî khan thîr no’n lân, Juda nâihai chunga an irhmang ni khan râiinfân no’n lân; intak an tong ni’n lârirpâk takin chong ual no roh.

MIKA 4:10

O Zion nâinu nupang nâiha ise nâi nei hrang angin a na tuangin lân, irvei ro atûn khopui ata fe suak ni ta, rama om ni ta, Babulon ten khomin a ife hrang a nia; kha khan sansuakin om ni ta, kha khan ni râlhai kut ata Rengpa khan nang sansuak a ti.

MIKA 7:10

Khanchu ki râl kuang, khôn mo Rengpa ni Pathian, titu khan kha kha hmu a ta, mualinphoina’n ama kha irkhu a ti. Ki mithai hin ama kha en a ta; atûn chu kholai dialdôk anga sirbe ni ta a ti.

ZAKARIA 12:8

Kha tena chu Rengpa’n Jerusalema omhai chu hrunghai a ta, an laia hrât loi tak khom Davida angin la hrât a ti. Khanchu Rengpa vântirtôn, Pathian ang dên khan, Davida irchi suanpâra mihaiin anni chu la hruaihai an ti.

MALAKIA 4:2

Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

MATHAIA 4:16

Inthim hnuaia toihai khan vâr roiinpuitak an hmua, Thina ram inthim hnuaia toihai chunga a zuang vâr ta,” tia a lei insîr kha a hong tung indikna hrangin, kha kha a hong iom a ni.

JOHANA 16:20

Thudik tak nangni ki hril, nangni’n nin mit irthi tâkin chap nin ta, khannisianlân, nin chardong kha lômna la chang a ti.

JOHANA 8:12

Jisua’n Farisaihai kuang thu an sîr nôka, “Keima hi rammual êl invârpu ki ni. Tukhom a ni zuitu chu inthima lêng viat no nihaia, hringna vâr nei ual an ti,” a tia.

TÎRTÔNHAI SINTHO 26:18

Keima ni iam sika an sualhai ngaidam an nina hrangin mi irthianghai laia irchon dongtum an nei sa theina hrangin. An mit invâr hrangin, inthim ata vâr hong inkîrtir hrangin Setana thuhnuai ata Pathian tiang hong inkîrtirtu hrang ni ni,” a ni tia.

2 KORINTH 4:6

“Inthima irthokin vâr hong vâr suak a ti,” tihtu Pathian ngêt khan a ni, Krista hmêla Pathian roiinpuina vâr suak kin inhriatna hrangin kin lungrîl a ivâr tâk a ni.

2 KORINTH 4:9

Râl tamtak an oma, khannisian, rual nei loiin om ngai ma ung; pop chitin om ngai khom inlân, irhmang ripin chu om ma ung.

THUPHUANG 21:23

Khopui êl hrangin misa le tha nang ta mah, Rengpa roiinpuina khan a êla, Belrate kha a meiser a ni.

THUPHUANG 22:5

Zân om ta no nia, meiser le misa khom nang ta no ni; Rengpa Pathian khan êl invâr ta a ta, kumtuang kumtuangin rênghai angin roirêl ta an ti.