MIKA 7:7 - PATHIAN LEKHABU IRTHIANG C.L. Bible (BSI)

⁷ Keima rêkin chu Rengpa tiang en ki ta; ki saninhringna Pathian kha nghâk ki ta; ki Pathian khan a ni irngaitua hrang a ni.

MIKA 7:7 ပူးပေါင်းရင်းမြစ်များ

IRPHUTNA 49:18

Khasikin Rengpa ni saninzôkna ki nghâk mai. Gada hi râlin doi an ta.

INPÂKNA HLAHAI 109:4

Ki lungthungna sikin ki râl an hong chang tâka, Khannisianlân kei chu an ta hranga chongchai hrangin ki’rpêk ngita.

INPÂKNA HLAHAI 130:5

Rengpa chu ki nghâk maia, ki hringna hin a nghâk maia, A thu chu ki iam nasan a ni.

INPÂKNA HLAHAI 25:5

Ni thutaka khan ni hruaiin lân, nir chutir roh, Nang chu a ni saninhringtu Pathian ni nia; Sûn sôt nang ki nghâk mai tâk hi.

INPÂKNA HLAHAI 37:7

Rengpaa khan irngamin lân, ama chu nghâk zâm zâm roh; Ni om lama vânneina dongtu sikin beiindong no roh. Ngaituana sualhai puiinhlingtu sika khan.

INPÂKNA HLAHAI 38:15

O Rengpa, nang ki sabeia: O Rengpa ki Pathian, nangin ni sâm ni ti.

INPÂKNA HLAHAI 50:15

Khan, lungzîng nia chu ni koiin lân; Nang saninzôk ki ti, khanchu nangin ni ni ichôiindôm hrang a ni,” a tia.

INPÂKNA HLAHAI 65:2

O chongchaina irngaituatu, Ni kuang taksa murdi chu hong an ti.

INPÂKNA HLAHAI 85:5

Kin chunga kumkhua’n ni ning ni inmurtir hrang ma ni? Ni ninginmurna chu irlo tin tin dênin ni inlangtir mai hrang ma ni?

ISAIA 12:2

Pathian chu a ni saninhringtu a ni, Ama iam ki ta, chi ta no ning. Rengpa ki Pathian chu, a nin hrâttu, ki hla a ni. A ni saninhringtu a ni.

ISAIA 17:7

Kha ni tena chu mihaiin a siamtu hon hria an ta, Israel mi irthiang chu thîr an ti.

ISAIA 25:9

Kha zoro tena chu, “En ro, ama hi kin Pathian chu a ni. Ama kin iama, a ni zuang isan a ni ta. Ama hi Rengpa chu a nia, ama kin iama, a ni saninhring sikin lôm ei ti,” la ti an ti.

ISAIA 45:22

Rammuala mi murdihaio, keima tiang hor hei unglân, keima vai hi Pathian ki ni, tûte a dang om mahai.

ISAIA 8:17

Keima’n chu Rengpa hi ki nghâk maia, Jakoba irchihai laia a ni la irbîk pe viat a ni hi; keima’n chu ki sabeina hi ama vai hin ki’rnghat maia.

CHAP HLA 3:24

Rengpa vai hi ki ineisun a ni, Ama kuanga hin irnghat mai ki ti.

DANIELA 3:17

Kin Pathian a sin kin itho pe khan hâlirvômna meipui ata ni sansuak thei a ni, ni kut ata, o inlaltak ni sansuak ngêt a ti, an tia.

HOSEA 12:6

Khanchu, nangin chu ni Pathian kuang tiang irheiin lân, lungkhamna le roirêlna hmangin lân, ni Pathiana khan irnghat mai roh.

JOELA 1:19

O, Rengpa, nang kin sama: mei khan ramchâr ram hloisûl hmun kha a kâng zit tâka, mei dôn khan rama thing murdi kha a kâng fâi zit tâka.

HABAKUKA 2:1

Khan, ki’rdîpnaa ngîr ki ta, kul chunga chuang ki ta, ki sêlna thua khan ki kuang imo a iti hranga, Keiin mo ki isâm hrang ti hmu hrangin thîr ki ti.

HABAKUKA 2:3

Inlârna hi zoro inkung sûng hrang vai a ni lelea, A king nikhua anai tîr tîra, mâkana ni no ni. Sôt viat khomsian nghâk ro; A zuang tung ngêt hrang sikin inhnung ual no ni.

NAMBAR 5:28

Khannisian a uire noa ni’n chu, ama chu insiattir no nia, nâi hong vong thei a ti.