MIKA 7:6 - PATHIAN LEKHABU IRTHIANG C.L. Bible (BSI)

⁶ Nâipa’n pa irhming an siattira, nâinu’n a nu a doia, moiin a pi a doia; mihriam râlhai kha ama in sûng mihai dên an ni.

MIKA 7:6 ပူးပေါင်းရင်းမြစ်များ

IRPHUTNA 49:4

Khannisianlân tui anga det loi ni ni sikin, a’rsângtak nina chu chang no chi ni. Ni pa zâlhmun ni kâi sikin, ni iporinchetir a ni kha.

2 SAMUELA 16:11

Davida khan Abisaia le a mi lianhai murdi kuang khan, “Irngai ta roi, ki nâipa, ki rîla ra ngêtin, ni that a itum a ni; khasikin hi Benjamina len vâng hin chu a itum irkhêl ual hrang a ni. Khasikin ite lôhai no roi, khomâk kha ni sâm ri sehai; Rengpa’n khomâk a ni isâm a ni.

INPÂKNA HLAHAI 41:9

A ni, ki rual lunginkham, ki iiam tak, ki bai fâkpui ngei khan a ke ârtui ki chunga an lek tâka.

THUVÂRHAI 30:11

Mi senkhat an pahai khua sâla an nuhai ngaisak loi an om.

THUVÂRHAI 30:17

A pa hmusittu le a nu êrotu mit chu phâi vaâkin kêlsua an ta, raikosohaiin fa an ti.

ISAIA 3:5

Mipui ir-ep sup sup an ta, pasal le pasal irsual an ta, rual le rual irdoi an ti. Ruatharhaiin an ulianhai chitna nei no nihaia, mi chîntehaiin mi inzakomhai ite bêin bê no nihai.

ISAIA 9:19

Itinrêng Rengpa ningmurna khan, ram chu an kângtira, mihriamhai chu hâl hranga irtikkhôm mai mai an ni. Tûte mâni urênghai khom san thei loiin;

JEREMIA 12:6

Ni irzirpui ni in mihaiin nang an phiara, nang doi hrangin an irrual a ni. Satakin nang an chongpui khomin, anni chu iamhai no ro,” a tia.

JEREMIA 20:10

Mihai chong set sat kin hriata, “Hmun tina ichi zât irkhêla om ngai! Tho thuneituhai kuang la va hnôl ta rei,” tiin ki rual sahai lua’n kin rîl zoro an inghâk chian a ni; “huang thei duai an ni itinin, khanchu chel ei ta, phuba la ei ta,” an tia.

JEREMIA 9:4

A tu mi khomin rualsa ata a irvêng ngêt hrang a ni. Tu mi khomin a urêngpa iam zoi no ni; a san chu tu urêngpa khom ni sian, Jakoba anga minlak a nia, tu mi khomin rualsa a hril insiat ngai.

EZEKIELA 22:7

Khopui mihai kha tukhom mâni nu le pa mahrip tho om ta mahaia, ram dang mihai hrangin, meithâi le farahai nuamningin an lohaia.

OBADIA 1:7

Nangma tianga kophai murdi’n ramri dênin nang an hong intunga; mi irngei taka ni iompuihai khan nang an hmanga, nang an inhnê tâk a ni! ni bai fâktuhai khan ni hnuaia châng an kama; amaa khan inhriat thiamna zel a iom loi a ni.

MATHAIA 10:21

“Urêng khomin that hrangin a urêngpa lan cheltir a ta, pa khomin a nâihai lan cheltir sa ta, nâihai khomin an nu le pahai doi an ta, that an ti.

MATHAIA 26:23

Jisua’n an kuang, “Khalai ni otpuipu ngêt hin nin cheltir a ti.

LUKA 12:53

Pa’n a nâipa doi a ta, nâipa’n a pa; nu’n a nâinu doi a ta, nâinu’n a nu; a tarpiin a moinu doi a ti, moinu’n a tarpi doi a ti,” a tia.

LUKA 21:16

Nin nu le nin pahai, nin urênghai, nin sûngsuakhai le nin rualhai dên khomin nangni incheltir an ta, senkhat vâng chu nangni thatpai an ti.

JOHANA 13:18

Nin rênga thu insîr ma ung; ki inthanghai chu keima’n kin hriat, khannisian: ‘Ki bai fâktu’n a kuttum a nir hmua,’ ti Pathian lekha thu kha a zuang tung theina hrangin.