MIKA 7:3 - PATHIAN LEKHABU IRTHIANG C.L. Bible (BSI)

³ thil saloi thôna hrangin an kut kha a theithiama, hruaituhaiin inphût an neia, roirêltuhaiin fâkinrûkna an ngêna, mi lianhaiin an inuam tak sual an hrila, an inthurual irhlôm a ni.

MIKA 7:3 ပူးပေါင်းရင်းမြစ်များ

MIKA 3:11

Khataka hruaituhai khan fâkinrûkna sabeiin roi an rêla, khataka ochaihai khan hlo sabeiin an irchûtira, khataka deipuhai khan sum sabeiin pânzia an ena: khaang dôr khom khan Rengpa kha ei laia a iom loi ma ni? Thil saloi ei chunga zuang tung no ni tiin Rengpa chunga nin irnghat a ni.

AMOSA 5:12

Nin sualnahai a tamzia le nin sualnahai a’rkhêlzia kin hriata; mi felhai dengintheitira, fâkinrûkna lâka, kul mikota mi irsamhai dongtum ngei khom pêk phal loihai.

JEREMIA 8:10

Khasikin an loihai chu a chongpu thar kuang pe ki ta, an dôngmahai chu pasal danghai pehai ki ti. Mi tukhom, a chîn, a lianin dik loi taka sum lâklût an itum a ni. Deipuhai le ochaihai ten luan mipui an ihuanghai a ni.

1 KORINTH 4:5

Khanchu Rengpa zuang nôk mâka chu a zoro loia tûte insîr insiat no roi. Rengpa zuang mâka chu, ama’n inthima thup irhmanghai chu ivâra hong inlang an ta, lungrîla tumna irthuphai khom inlang sa a ti. Khanchu, mi tinin mâni irphu tôka Pathian inpâk hlo seng an ti.

MATHAIA 26:15

“Ama kha nangni incheltir ki ti, imo nin ni ipêk hrang?” a tia. Sum sômthum an tepa, an pêk tâka.

HOSEA 4:18

An zu in kha an chîna, nôtizuara an irsiama, an roiinpuina nêkin inzakpuiom kha an irngaiinhlu uala.

EZEKIELA 22:27

Sorkâr roirêltuhai khom chu inê, an sa fâk irchu irthêr ang an ni. Irchongna irzûlin mi an thathai ngai.

EZEKIELA 22:6

Israel hruaituhai lak chu, an hrâtna irnghatin, mi an thata.

JEREMIA 3:5

Ni ning chu inmur mai no nia, ni ningmur chu ki chunga kumtuangin om no nia, tiin Israel hiang hin ni iti a nia. Khanchu sual tinrêng ni tho thei dôr ni la itho mai a ni,” tiin.

ISAIA 26:21

A omna irvân ata Rengpa chu zuang a ta. an sual sikin hnuai mihriamhai hremhai a ti. Inrûka mi thathai irphuang an ta, an ruakhai khom pil irkhu zoi ta no nihai.

ISAIA 1:23

Nin hruaituhai chu nakhrâtsong an nia, Inruhai rualsa an ni; mi huang hrang an zonga sum irzûlin an om zoi ta, Farahai diktakin roirêl pehai loiin, meithâihai enkolna khom nin irsama.

THUVÂRHAI 17:23

Roirêltu dik loiin dâihrekin fâk inrûk an lâka, khanchu roirêlna dik hmang nuam ngai ma.

ISAIA 3:5

Mipui ir-ep sup sup an ta, pasal le pasal irsual an ta, rual le rual irdoi an ti. Ruatharhaiin an ulianhai chitna nei no nihaia, mi chîntehaiin mi inzakomhai ite bêin bê no nihai.

ISAIA 5:23

Fâkinrûk lâkin mi sual a sa inchangtir nuamhai ngai, mi sahai chu saloi an inchangtir ngai.

ISAIA 32:7

Mi huatirhamhai huatirhamna chu an thûk bâka! Thil sual tho an tum maia, minlakin inrianghai insiathaia, invâihai dika omhai khom insiat an tum ngai.

EZEKIELA 9:9

Khanchu ama’n ki kuang, “Israel le Juda in sûngkuahai sualna chu a sân a lûminna tak taka, ram chu thisenin a sipa, khopui sûng chu roirêlna uksak loina’n a sipa, Rengpa’n ram chu a mâksan ta, Rengpa’n ite hmu ta ma, an tia.

EZEKIELA 22:12

Ni mi senkhathai khan mi thatna hrangin tangka sumhai an lâka, senkhatin an Israel chanpuihai kuang a pung omin sum an inpûktirhaia, nuamninga lohaiin irchon an bûma. Keima an ni’rnghil tâka,” Rengpa Pathianin a ti.

HOSEA 7:3

An sualna’n inlaltak an lômtira, an milak thu khan mi lianhai an lômtira.

MIKA 2:8

Khannisianlân, ki mihai kha atûn laia, râl angin an hong inding suak a ni: irdoi nuam loia lungthi taka chai irvâkhai ata an silkai songkol irfualhai an hlîk pea.

MIKA 3:2

Thil sa nin khôkmâka, thil saloi nin irngai poimoa, an vun nin hlîkpaia, an ru ata taksa nin khok thâka;

THUVÂRHAI 16:30

An irkamnôia, nang inmitkhum mihai ata irdîn ro, a hmûr phong loi mi khan thil saloi an tungtir ngai.

JEREMIA 4:22

Rengpa’n a tia, “Ki mihai chu an into ba bâka, An ni inhriat loi a ni. Nâipang into angin an oma; Inhriatthiamna nei mahai. Thil saloi tho chu an thei zapa, thil sa tho hrangin chu an hlosamna korong a ni,” tiin.

EZEKIELA 34:21

A dam loihai chu nin naminzuanhai ngaia, a pâl lai ata a bingin nin siahai ngai.