MIKA 7:2 - PATHIAN LEKHABU IRTHIANG C.L. Bible (BSI)

² Pathian uksak mi chu irnêng ata ar hmanga, mihriam laia mi diktak zel om mahai: thisen insua hrangin an inchân zita; mi tinin mâni urêng kha lênin an ivôr a ni.

MIKA 7:2 ပူးပေါင်းရင်းမြစ်များ

INPÂKNA HLAHAI 10:9

Kâmkeibakneiin a pûka a inruang angin ama khan fianriala an ruanghai mai ngai: Mi inriang chel hrangin an ruang ngai: Mi inriang chu a chel ngeia, khanchu a lên khan a hnûk irhmang ngai.

INPÂKNA HLAHAI 12:1

Rengpa, ni changpui roh; Pathian ngaisak mi om ta mahaia; Mihriam nâihai ata hi mi iamom chu an boi tâka.

INPÂKNA HLAHAI 12:2

Mi tinin an bômhai kuang thu ite ni loi mai mai an insîr ngai: Mi inpâk pai pai hmûr le huangna milung irputin thu an insîr ngai.

INPÂKNA HLAHAI 57:6

Ki ke in-ôkna hrangin lên an dâpa; Ki hringna hi a kûn chian chiana: ki matona khurpadop an choia; Anni ngei a laitaka an tâk tâka.

THUVÂRHAI 1:11

“Tho ba, mi that hrang lei zong rei! A bi om loiin mi poi tholoihai len ruang hi rei!

THUVÂRHAI 12:6

Mi siahai chong chu thisen insua hranga inruangna a nia, mi felhai chongbâi suak rêkin chu irlo inthinghai a sansuak ngai.

ISAIA 3:5

Mipui ir-ep sup sup an ta, pasal le pasal irsual an ta, rual le rual irdoi an ti. Ruatharhaiin an ulianhai chitna nei no nihaia, mi chîntehaiin mi inzakomhai ite bêin bê no nihai.

ISAIA 57:1

Pathian chi mi, mi dik an thia hin an hriatthiam zel om mahai, anni a thihai khan hnuai chung intaknahai an mâksan ta, ti ngaitua thei tûte zel om mahai.

ISAIA 59:7

Sual sin hrangin a sân an hrât ngaia, mi dik thisen insuak hrangin an irhnot ngai. An thil irngaituana a koi zoia, an fena hmun tina thil a siat zoi ngai.

ISAIA 9:19

Itinrêng Rengpa ningmurna khan, ram chu an kângtira, mihriamhai chu hâl hranga irtikkhôm mai mai an ni. Tûte mâni urênghai khom san thei loiin;

JEREMIA 16:16

Khan Rengpa’n, “Nga chel ngaihai tamtak hong hi mihriam chel hranga ki ikoihai an ni. Kha hnung chu sa kâp ngaihai tamtak mual le tânghai le rôl le lungpui kârhaia annihai irdîp hrangin koihai ki ti.

JEREMIA 5:16

An thal kâp thei mihai chu mi hrât le khonzâna nei loia mi that ngai an ni.

JEREMIA 5:26

Ki mihai laia mi sual an om; vatehai chel hranga lên pharhai angin ki mihai irdîpin an enhai ngai, an chângkama khit theina hrangin.

JEREMIA 8:6

Nangni ki irngai chiana, tûte thu dik hril zel om mak chêi. Tu mi khom ni unglân, a thil tho’nsual sikin a poi ti maka, tu mi khomin, thil dik loi ki isin ma nih ta o! tiin irdonna siam ma, sakor irdoina hmun pana intân angin mi tin mâni lampui nin ipan chit a ni ta.

CHAP HLA 4:18

Râlhai lakin kin hnung an ni’rzûl maia kholaidunga khom chai ngam ma ung, kin irhmang zoi hrang a ni, kin zoro a hek tâka, kin ithi zoi hrang ni a ti.

EZEKIELA 22:12

Ni mi senkhathai khan mi thatna hrangin tangka sumhai an lâka, senkhatin an Israel chanpuihai kuang a pung omin sum an inpûktirhaia, nuamninga lohaiin irchon an bûma. Keima an ni’rnghil tâka,” Rengpa Pathianin a ti.

EZEKIELA 24:6

Khan, Rengpa’n hiang hin a tia, “Thisen insuak ngai khopui lu chung chu a rik e! Tuiêka sip itiklaia khom infâi ngai loi ang kha a ni, a sûng rengata hme kha a tin tinin a oma, inkhat lua mâksanin om mah.

HOSEA 5:1

O nangni, ochaihaio, hi hi inhre unglân, nangni Israel sûngkuahaio, irngai unglân, o inlaltak sûngkuahaio, mikuar sung roi, roirêlna kha nin ta hrangin a nia; Mizpa châng le Tabor tânga lên inzar nin ni sikin.

HOSEA 6:9

Hrâtlâksong pâlin mi an irdîp ngai angin ochai pôlhai khan Sekem lampuia mi an that ngai a ni, thil sual an tho tâk a ni.

MIKA 2:8

Khannisianlân, ki mihai kha atûn laia, râl angin an hong inding suak a ni: irdoi nuam loia lungthi taka chai irvâkhai ata an silkai songkol irfualhai an hlîk pea.

MIKA 3:10

Zion kha thisenin an sina, Jerusalem kha siat zoina’n.

MIKA 3:2

Thil sa nin khôkmâka, thil saloi nin irngai poimoa, an vun nin hlîkpaia, an ru ata taksa nin khok thâka;

ZAKARIA 11:6

(Khan Rengpa’n hiang hin a hrila, “Irnêng chunga mihai khu inkhat lua inrenhai ta no ning. Mi tin chu an roirêltuhai kuta pehai ki ta, kha roirêltuhai khan irnêng khu lan ram an ta; khanchu keiin anni chu an kut ata saninzôkhai no ning,” a tia).

TÎRTÔNHAI SINTHO 24:9

Judahai khomin a hnôlna kha an lei thopa, khaang kha a ni an lei tia.

1 SAMUELA 24:11

Kha vai kha ni loiin, ka pa en ro, hi ni puanhmor ki ichôi chian a ni. Nang ki ithat thei a nia, khannisianlân, hi nêka hin ni puanhmor ki i-ât a ni. Hi hin thil saloi le tho’nchâina om mah ti le ki hringna la hrangin ni zong mai khomin lân, ni chunga ite sual ma ung ti hi inhre suak ngêt ro.

1 SAMUELA 26:20

Khasikin ki thisen chu Rengpa hmu phâk loina ram dang irnênga luang no ri se. I lo hrang mo Israel rêng kha keima anga uihrikte that hrangin a ihong? I lo hrang mo varungtehai chel hrang anga tâng sîphai hin a hong irvâk hi?,” a tia.