MIKA 7:19 - PATHIAN LEKHABU IRTHIANG C.L. Bible (BSI)

¹⁹ Irhei kîr nôk a ta, ei chunga lungkhamna nei a ti; ei pualoinahai kha a ke hnuaia sirpha a ti: nangin an sualna murdihai kha tuikhanglian mong inthûk takhaia khan pai lût ni ti.

MIKA 7:19 ပူးပေါင်းရင်းမြစ်များ

2 SAMUELA 24:14

Davida khan Gada kuang, “Ki milung kêng a zîng khak! I khom ni sian, mihriamhai kuttum ni tho chu nuam ma unga; Rengpa kuta irpe ki ta, a lunginkhamna a liana,” a tia.

INPÂKNA HLAHAI 103:12

Sak le thang a irhla ang hin, Ei pualoinahai ei kuang ata ar sonpai pat tâka.

INPÂKNA HLAHAI 130:8

Khanchu ama khan Israelhai chu, an sualna murdi ata irtan a ti.

INPÂKNA HLAHAI 85:3

Ni ningmurna murdi chu ni lâkpaia; A satêna ni ningmurna kha nir heisan tâka.

ISAIA 33:24

Kho sûnga omhai khomin, “Dam ma unga” ti ngai no nihai, an sualhai ngaidam ni an ti.

ISAIA 38:17

Ki ituangnahai hih ki satna hrang a lei ni, A nin rena, siatna khur ata a ni kêlsuaa, ki sual murdi a ni ngaidam ta.

ISAIA 43:25

Keima hi ki nih nin sual ngaidam theitu chu, keima sikin kêng nangni ki ingaidam, Nin sualnahai inhre mai loia ki iom a ni.

JEREMIA 31:20

Efraima chu ki nâipa indit tak, ki inhlu ngôi ngôi a ini loi ma ni? Hnôl ki tum khomin ki milunga a om maia, ama chu kin hriat maia lung ki inkham sabak a ni.

JEREMIA 31:34

Rengpa chu inhre mai roi, ti’n tûte’n an rualhai le an urênghai irchutir no nihai. A chîn ata a lian dênin nin hre mai an tah ti hi Rengpa thu suak a ni. Khanchu an sin insiatnahai ngaidam ki ta, an sualnahai inhre ta no ning,” a tia.

JEREMIA 33:8

Ki chunga an lei insualna ata kha thârhai ki ta, an sualhai le an tehelzong ngai kha inzâhai ta ki ti.

JEREMIA 50:20

Kha zoro kha a hong tungin chu, Israel rama sual sin hmu ni ta no nia, Judai rama tho’nchâina hmu ni ta no ni, an hringna ki inzôk pehai kha ki ngaidam hrang tâk sikin, keima Rengpa’n ki iti a ni,” a tia.

CHAP HLA 3:22

Rengpa nunhoi le inrenna hi chu chuai ngai maka.

CHAP HLA 3:32

A nin renin lung a ni ithung ngêt hrang a ni.

EZEKIELA 18:22

A sin sual tho tâkhai chu inhriat mai ni ta no nia, sin sa a ithônaa khan hring a ti.

EZEKIELA 39:29

Israel mihai chunga ki’rtha chu buak ki ta, anni lai ata itiklai khom a dang tiang irheisanhai ta no ning, kei Rengpa Pathian hin ki iti a ni,” a tia.

DANIELA 9:24

“An insiatnahai irhîptir le, sualna inhek hrang le, dik loina inboi hrang le, kumtuanga felna hrang le, inlârna le lei hrilna irsinsia hrang, hmun irthiangtak chu sahriak inthek hranghaiin, ni mi le khopui irthiang hrang, hapta sômsari inkung a ni.

HOSEA 14:2

Rengpa kuanga khan kîr nôk unglân, a kuanga khan hiang hin insîr ro: a tho’nsualna murdi kha la paiin lan a sa ka kai kha pom ro; khanchu ei hmûr rahai kha sehrât chalpa irthûlin ki hong inhlan e.

HOSEA 14:4

An hnungtôlna hi indam ki ta, Anni ata ki ninginmurna kha ar kiang tâk sikin, anni kha lung ki ithung hrang rêng rêng a ni.

ZAKARIA 3:4

Khan, a makunga ngîrhai kha a hong chongpuia, “A sil le kai porinche kha hlîk pe roi,” tiin. Khan, ama kuang khan, “Irngai ta, ni tho’nsualnahai kha kin boipai tâka; khanchu silkai hlutakin nang irbeltir ki ti,” a tia.

ROM KHUAA MIHAI KUANGA TÎRTÔN PAULA LEKHATHON 6:14

Sual khan nin chunga ircham nei ta no nia; Dân hnuaia om maka, lungkhamna thuhnuaia nin om ual tâk sikin.

ROM KHUAA MIHAI KUANGA TÎRTÔN PAULA LEKHATHON 8:13

Taksa dâna nin omin chu nin ithi ngêt hrang a ni: aniachu, nin taksa irzuk lam thil sual thohai Irthaa nin thatpaiin chu hring nin ti.

DÂN INHNINA 30:3

Rengpa nin Pathian khan nin chunga satna nei nôk a ta, nam dang dang laia nangni a indartirna ram ata nangni hong hruai kîr nôk a ta, nangni irhniangtir nôk a ti.

DÂN INHNINA 30:6

Rengpa nin Pathian khan nin irchihai leh thu zôm theina milung nangni pe a ta; khanchu, ama kha a sân lungthung nin ta, kha rama khan nin iom mai thei hrang a ni.

DÂN INHNINA 32:36

Rengpa khan a mihai san a ta, a siahlohai dongtum siatzia hai, mi ngar khom ngar loi khom a thi ban tômzia a hmuin inren nôk a ti.

TITA toc2 TITA 2:14

Ama ngei chu ei ta hrangin a’rpêka, tho’nsualna tinrêng ata a nir tan suaka, ama mi hrangin a ni’rthiangtira, thil sa tho nuamna a ni ipêk a ni.

HEBRAI toc2 HEBRAI 8:12

An sualhai ngaidam ki ta, an inchâinahai inhre mai ta no ning, Rengpa’n a ti,” tiin.

1 JOHANA 3:8

Thil sual thotu chu Diabola ata suak a ni; a phut rengata Diabola khan thil sual a thoa. Pathian Nâipa a zuang inlangna san chu, Diabola sinthohai inboi hranga a ni.