MIKA 7:18 - PATHIAN LEKHABU IRTHIANG C.L. Bible (BSI)

¹⁸ Nang anga pualoina ngaidamtu le irchon dongtum la omsun, tho’nsualna lôipaitu Pathian tu mo om? A ninginmurna kha vong mai ma, lungkhamnaa a lôm tak tak ngai sikin.

MIKA 7:18 ပူးပေါင်းရင်းမြစ်များ

IRPHUTNA 4:7

Thil ni tho insa’n chu lôm ni ihlo hrang mo ni ma? Ni tho’n sa no’n chu sual chu mikot kôla a iom chian a ni: a nuam lam chu nangma nang inhnê hi a nia, a chunga thu ni inei hrang a ni,” a tia.

1 RÊNGHAI 8:23

a chongchaia, “O Rengpa Israelhai Pathian, chung vânhai le, hnuai rama khom, nangma anga Pathian dang rêng om mahai. Ni mihai le nin thuthung chu nin hriat maia; a dik takin ni thupêk an zôm photin chu, ni lungkhamna nin langtir ngaia.

2 THURCHI SUINA 30:9

Rengpa tiang nin hor hei photin chu nin râlhaiin sala an ichel nin rual lungthunghai kha, len renhai an ta, hong hruaihai an ti. Rengpa nin Pathian hi Pathian khonzâna nei a nia, ama tiang nin hor heia niin chu nangni irheisan no ni, ti irziak a ni.

2 THURCHI SUINA 6:21

Khan, ni siahlo le ni mi Israelhai hin hi hmun tianga irheia an chongchai sûn hin an izonghai lei ngaitua pehaiin lân, a ni, ni omna hmun irvâna lei irngai pehaiin lân; irngaitua pehaiin ngaidamhai ro.

NEHEMIA 9:17

zôm khom zôm nuam mahai, an laia ni thil irkhêl thohai khom irngai nuam ta loiin; an tukullian songin, tehelzongin, an sal changna tianga kîr hrangin hruaitu an irthang ual a ni: khannisianlân, nang chu ngaidam hranga irsiam sai Pathian, mi lunginkham thei, Inrennaa sip, mi ingam, annihai khom irnghil nuamhai mak chea.

INPÂKNA HLAHAI 103:13

Pa’n a nâihai lung a inkham angin, Rengpa khan ama chituhai kha lung an kham ngai.

INPÂKNA HLAHAI 130:4

Khannisianlân, ni ni ngaidama, Nang ki chi theina hrangin.

INPÂKNA HLAHAI 35:10

Ki ru murdi hin, “Rengpa, mi’nriang, a doi inhnê loi ata saninzôktu, A ni, inriang le invâia, ama insiat ngaitu ata saninzôktu, nangma ang hi tu mo an om?” ti an ti.

INPÂKNA HLAHAI 65:3

Tho’nchâinahai khan a nin hnê ngai nâkin: Kin porinchenahai murdi nangin ni’rsunfâi ni ta;

INPÂKNA HLAHAI 65:4

Mi, ni biak in hual sûng kholaihaia om thei hranga, Ni thâna nangma tianga ni inpantir kha, a vân a sa: Ni in satna khan khop kin ti, Ni biak in hmun irthiang satna khan.

INPÂKNA HLAHAI 71:19

O Pathian, ni felna khom ar sâng tak tak a ni; O Pathian, nang thil roiinpui takhai thotu, Nangma ang hi tu mo om?

INPÂKNA HLAHAI 86:15

Khannisianlân, O Rengpa, nang chu Pathian, inrennaa sip, lung nin kham theitak, milung ir-ial, lungkhamna le thutaka sip ni ni.

INPÂKNA HLAHAI 86:5

Rengpa, nang chu ni saa, ngaidam ni nuama, Nang a koitu murdi chunga lungkhamna ni sip ngai a ni.

INPÂKNA HLAHAI 89:6

Irvân dumhai khin Rengpa kuang chongirkhek thei tu mo om ni? Mi sinthotheitak nâihai laia khin Rengpa ang,

INPÂKNA HLAHAI 89:8

O Rengpa sipaihai Pathian, O Rengpa nangma anga mi hrât tu mo an om? Ni iamomna chu ni kôl vêla a om.

FESUAKNA 15:11

“O Rengpa nangma anga Pathianhai laia tu mo a om? Tu mo nangma anga irthiangna tianga roiinpui? Tu mo sinirkhêl le sin roiinpui ni isin anga sin thei?

FESUAKNA 34:9

“Rengpa ni milung ki chuk tak takin chu kin kuanga fe sa hrangin nang ki ngên. Hi mihai hin an tukullian bâk khomsian, kin pualoina le sualnahai nin za’n lân, ni mi ni hrangin ni pom ro,” a tia.

ISAIA 1:18

Rengpa khan, “Thoi hong roi lei ngaitua irhlôm rei! Nin sualhai kha seninlâr angin om ta khomsian, ivur angin la vâr a ta; senduk angin sen ta khom sianlân, belra mul angin om ta a ti.

ISAIA 33:24

Kho sûnga omhai khomin, “Dam ma unga” ti ngai no nihai, an sualhai ngaidam ni an ti.

ISAIA 38:17

Ki ituangnahai hih ki satna hrang a lei ni, A nin rena, siatna khur ata a ni kêlsuaa, ki sual murdi a ni ngaidam ta.

ISAIA 40:18

Pathian chu tu leh moh nin itetûk hrang? I hai leh mo nin hrilirkhi ta hrang?

ISAIA 40:25

Khanchu tuhai leh hin mo a ni itetûk hrang, tuhai ang dôr hi mo ei ini? Mi irthiang khan a ti.

ISAIA 43:25

Keima hi ki nih nin sual ngaidam theitu chu, keima sikin kêng nangni ki ingaidam, Nin sualnahai inhre mai loia ki iom a ni.

ISAIA 44:22

Phâivua’n sûm a isêmpai angin ni sin insiatna ki’rnghila, phâivua’n sûm a isêm irhmang angin nin sualnahai ki sêm irhmangtir ta, khasikin ki kuang hong kîr ta roi, nang a’rtantu ki ni.

ISAIA 55:7

Mi sualhaiin an omdân chu masanhai sian, mi tukhomin an ngaituana sual mâksanin, Rengpa tiang hong kîrhai sian, len renhai mai a ti; ei Pathian hi mi ngaidam nuam tak a ni.

ISAIA 57:10

A biak hrang zongin nin sôla, ‘Beidong a om ta,’ khom ti ual mak chêi. Sabeina thar nin nei maia, sôl ual loiin.

ISAIA 57:16

Ki mihai chu demhai mai ta no ninga, ki ning khom inmur mai ta no ni. Ki kuang chu sôlhraiin om an ti, keima isiam an ni sikin.

ISAIA 62:5

Dôngmate irthiang ruathar inlâr takin a ilua ang hin, a siamtu khan nang pom a ti. Moineitu’n a moi a ilôm ang hin, ni Pathianin nang lôm a ti.

ISAIA 64:9

Rengpa kin chunga hin ni ninginmurtir ta no’n lan, kin tho insualnahai inhre mai ta no ro; ni en mai ta no’n lân, ni mihriam inzen kin ni.

ISAIA 65:19

Jerusalem chunga lôm mai ki ta, ki mihaiin nin lômtir an ti. Chap irhâi inhriat hrang om ta no nia, chardonga khêk irhâi khom om ta no ni.

JEREMIA 3:12

Israel kuang fe hrangin a nin hrila, keima kuang, “Iamom loi Israel ki kuang hong kîr nôk roh. Kei chu khonzâna sip ki nia, ki ninginmur no ni, kumtuangin ninginmurtir mai no ning.

JEREMIA 3:5

Ni ning chu inmur mai no nia, ni ningmur chu ki chunga kumtuangin om no nia, tiin Israel hiang hin ni iti a nia. Khanchu sual tinrêng ni tho thei dôr ni la itho mai a ni,” tiin.

JEREMIA 31:20

Efraima chu ki nâipa indit tak, ki inhlu ngôi ngôi a ini loi ma ni? Hnôl ki tum khomin ki milunga a om maia, ama chu kin hriat maia lung ki inkham sabak a ni.

JEREMIA 31:34

Rengpa chu inhre mai roi, ti’n tûte’n an rualhai le an urênghai irchutir no nihai. A chîn ata a lian dênin nin hre mai an tah ti hi Rengpa thu suak a ni. Khanchu an sin insiatnahai ngaidam ki ta, an sualnahai inhre ta no ning,” a tia.

JEREMIA 32:41

Thil sa an ta hranga tho chu raifân om sinin nei ki ta, hi rama hin det mai hrangin indinghai ki ti.

JEREMIA 33:8

Ki chunga an lei insualna ata kha thârhai ki ta, an sualhai le an tehelzong ngai kha inzâhai ta ki ti.

JEREMIA 38:8

Khaang khan, Ebedmeleka chu kha khan a fea, rêng kuang a ti pea,

JEREMIA 50:20

Kha zoro kha a hong tungin chu, Israel rama sual sin hmu ni ta no nia, Judai rama tho’nchâina hmu ni ta no ni, an hringna ki inzôk pehai kha ki ngaidam hrang tâk sikin, keima Rengpa’n ki iti a ni,” a tia.

JEREMIA 9:24

Mi tukhom irpâk a nuamin chu, mi’n hrilin nin hril infelin inpâk ri se, ki lungthungna chu a det a ni sikin, thildik le thil fel tho ngaitu ki ni. Hi thilhai hin a nin lômtir ngai a ni,” ti hi keima Rengpa hin ki iti a ni.

EZEKIELA 18:23

Mi sual an thia hin ki ilôm hrang ma ni? an nun hong irleta, nun thara an iom hi ki ilôm ual loi hrang mo?” ti hi Rengpa pathian thusuak a ni.

EZEKIELA 33:11

Khan an kuang khan Rengpa Pathian hring ki ini ang hin hiang hin ki iti a nih ti pehai roh. Mi sual thina hin lômna zel nei ma unga, kha nêkin chu a sual sinhai mâka, a ihring hi ki ilôm ual a ni. O Israel ni thilsual thohai kha ma ta ro: Itho sika thi ni inuam mai ma ni?

EZEKIELA 33:16

A sual thohai chu ngaidam ki ta, ama chu thil sa le thildik a thôna sikin hring a ti.

DANIELA 9:9

Za’rngaina le ngaidamna chu Rengpa kin Pathianin a nei, a chunga irhel pe khom inlân;

HOSEA 14:2

Rengpa kuanga khan kîr nôk unglân, a kuanga khan hiang hin insîr ro: a tho’nsualna murdi kha la paiin lan a sa ka kai kha pom ro; khanchu ei hmûr rahai kha sehrât chalpa irthûlin ki hong inhlan e.

HOSEA 14:5

Israel hrang khan irdorfîm ang ni ki ta, ama kha lili angin sa a ta, Lebanon tâng thing irzung angin a’rzung thâk irzar a ta.

JOELA 2:32

Khan, hiang hin ni a ta, tukhom Rengpa irhming irlam murdi chu saninzôk ni an ta: Rengpa’n a insîr angin intân suakhai kha Zion tânga le Jerusalem khuaa om an ta, a la om sunhai laia khan Rengpa’n a ikoihai chu om an ti.

AMOSA 1:11

Rengpa’n hiang hin a ti, “Edom mihai tho’nchâina inthum sikin, a ni, minli sikin, a hremna kha inboi no ning; a urêng kha khandaiin a’rzûla, a lungkhamna murdi a pai irhmanga, a ninginmurna khan an potthêr mai hena, kumkhuaa a ninginmurna kha a vong chian sikin;

AMOSA 7:8

Khan, ki kuang Rengpa khan, “Amosa, imo ni ihmu?” a tia. Khan, keiin, “Enirmîlna,” ki tia. Khan, Rengpa khan, “Irngai ta, ki mi Israelhai laia enirmîlna sia ki ta; anni khêlhai ta no ninga.

AMOSA 8:2

Khan, ama’n, “Amosa, imo ni ihmu?” a tia. Keima’n “Kholum thei kok,” ki tia. Khan, Rengpa khan ki kuang, “Ki mi Israelhai mongna hrang a zuang tung ta; tehel zong ta no ning,” a tia.

JONA 4:2

Rengpa kuanga khan a chongchaia, “O Rengpa nang ki ngên, hi hi kin rama ki om laia ki insîr kha mo ni ma? Hi sika hin Tarsis tiang ki intânpat a ni kha te: nang chu lungkhamna sip, thil saloi tiang ata irheikîr ngai ni nih ti kin hriat.

MIKA 2:12

O Jakoba-hai, nin rêngin nangni koi buk ngêt ki ta; Israel mi la omsunhai kha hruai khôm ngêt ki ta; Bozra khuaa belra angin siakhôm ki ta: sa pâl an hloisûl hmuna om ang maiin, mipui an ni sikin irse mur mur an ti.

MIKA 4:7

Ke’nbâi chu a thi ban siam ki ta, hlataka inhnotpai kha nam hrât taka siam ki ti: atûn ata chu Zion tânga kumkhua’n Rengpa khan an chunga roirêl a ti.

MIKA 5:3

Khasikin nâiha irveitu khan a nei mâka chu anni kha irheisan a ti; khanchu a nâi la omsunhai kha Israela irchihai kuang kîr nôk an ti.

MIKA 7:14

Karmel tâng kâra ramhnuaia beidong taka om, nir chon dong belra pâl, ni mihai kha ni hêmvuak hmangin infa’n lân: tianlai ang khan Basan le Gilead infa’n om ri sehai.

ZEFANIA 3:17

RENGPA ni Pathian kha ni chunga a om e, Saninhringtu hrang mi hrât tak kha: Lômin ni chunga raiinfân a ta, a lungthungna inthartir a ta, hla sakin ni chunga lôm a ti.

NAMBAR 23:21

Israel sûnmatona hin vânsiatna le buaina ite om no nia; Rengpa an Pathian chu an kuang a om sikin, ama chu an rêng a nih tiin an chôiindôma.

LUKA 15:32

Hi ni sangpa thi tâk hi, a ihong hring nôk ta a ni, ar hmang tâk kha ei ihmu nôk ta a ni hi te,’ raifân taka om hrang kêng ei ini,” a tia.

LUKA 24:47

Ama irhmingin irletna le sual ngaidamna thu Jerusalem ata nam tin laia insîr la ni a ti.

ROM KHUAA MIHAI KUANGA TÎRTÔN PAULA LEKHATHON 11:4

Khannisianlân, Pathianin itin mo a sâm kha? “Baala makunga khûksadel ngai loi mi sângsari keima hrangin ki la hôi mai a ni,” tiin a isâm a ni khate.

DÂN INHNINA 33:26

Israelhaio, nin Pathian ang hi pathian dang om mahai, Nangni changpui hrangin roiinpui taka sûm chunga chuangin irvân khi a’rfang tuai tuai.

JAKOBA toc2 JAKOBA 2:13

Mi chunga za’rngaina nei loia thilthotu chu za’rngaina boiin a chunga roirêl pe ni a ti; khannisian, za’rngaina hin chu roirêlna an hnê ngai.

ROIRÊLTUHAI 10:16

Khanchu, an kôla pathian dang irlimhai chu an paia, Rengpa chu chubai an mûk tâka; Israelhai inriang zia a hmu’n chu a sân lung an khamhaia.