MIKA 7:16 - PATHIAN LEKHABU IRTHIANG C.L. Bible (BSI)

¹⁶ Nam tinin kha kha hmu an ta, an thilthotheina murdi kha inzakpui an ti: an hmûr hîp an ta, an mikuar sêt a ti.

MIKA 7:16 ပူးပေါင်းရင်းမြစ်များ

JOBA 21:5

Ni en unglân, ar khêl ti unglân, nin kutin nin hmûr chu hîp roi.

JOBA 40:4

keima mi chanlamboi hin, itin mo nang ki isâm thei hrang? Ki bâi ki inhruk a ni.

INPÂKNA HLAHAI 126:2

Kha laia khan ei bâi chu raifânna’n a sipa, Ei milei chu hla sakin; Kha laia khan nam tin khan, “Rengpa’n an hrang thil roiinpui takhai a itho pe a ni,” an tia.

THUVÂRHAI 30:32

Intô taka ni lei irpâk tâk mani, a ninole thil saloi ni lei ngaitua tâk mani a ni’n chu ni bâi hîpin lân, dâihrek roh.

ISAIA 26:11

Ni kut nir lek khomin hmu nuam ngai mahai, ni mihai ni inren lam hi irhmutirhai roh. Hmuhai sian mualphoi irla ri sehai, ni râlhai hranga meiri-al laia khan, kâng irhmang ri sehai.

ISAIA 52:15

Nam tamtak chu a thisenin a’rsûkinfâia, Renghai khomin ar khêl ti pumin an bâi phong ngam no nihai; an la ihril ngai loi thil hmu an ta, an la inhriat ngai loi thil lan hre thei an ti.

ISAIA 66:18

An sinthohai le an irngaituanahai kin hriat; nam tinrêng le chong chi tinrêng hmanghai chu hruai khômhai ki ta, hong an ta, ki roiinpuina hmu an ti.

EZEKIELA 38:23

Khaang khan nam tinhai kuang ki sinthotheina le ki’rthiangna chu inlangtir ki ti. Kha tena chu Rengpa ki nih ti inhre thei ta an ti,” a tia.

MIKA 3:7

Hmutheituhai kha inzak an ta, pânzia entheihai kha mualinphoi an ti; a ni, an rêngin an bâi hîp an ta, Pathian sâmna om maka.

MIKA 5:8

Jakoba-hai mi la omsunhai kha namhai laia le chi tamtakhai laia khan ramhnuai sahai laia kâmkeibaknei ang le belra pâl laia kâmkeibaknei vânglai angin om a ta; kha khan a fe theng photin chu, a sirphaa, an pot thêra, a santu hrang khom tûte om mahai.

HAGAIA 2:22

tâlihai le a chunga chuanghai kha irtettir ki ta, sakorhai le a chung chuanghai kha mi tin mâni urênghai khandaiin tûk an ti.

ZAKARIA 12:9

Kha tena chu Jerusalem doi tumtu nam tinhai chu lan boipaihai ki ti.

ROM KHUAA MIHAI KUANGA TÎRTÔN PAULA LEKHATHON 3:19

Dân thuhai chu Dân hnuaia omhai chunga hmang hrang a nih ti ei inhriat; tûte’n ite an insîr thei loina hrang le rammual hi Pathian roirêla a omna hrangin.

THUPHUANG 11:18

Jentailhai khan ningmurna an sip ta, Ni ningmurna zoro khom a hong tung tâk sikin, Mithihai roirêl pe zoro hai, Ni suakhai, deipuhai, ni mi irthianghai, Mi lian mi chîn nir hming chituhai, Lômman ni pêk zoro le irnêng insiattuhai kha insiat sa hrang zoro a tung ta!” tiin Pathian chubai an mûka.