MIKA 7:1 - PATHIAN LEKHABU IRTHIANG C.L. Bible (BSI)

¹ Ki chung a zîng bâka! fûrpui thei an irhmal khôm zoro laia om ang le grep lâk zoro laia grep irhmal la hrang ang ki nia: a ra irku fâk hrang om ma; ki hringna’n theipui hmin masa a irzuk a ni.

MIKA 7:1 ပူးပေါင်းရင်းမြစ်များ

INPÂKNA HLAHAI 120:5

Mesek-hai ram ki om le Kedarhai puan in laia ki om hi, Ki chung a rik vang na!

THUVÂRHAI 20:6

Mi tamtak iamom irti inzen ni an ta, khannisianlân, mi iamom tak tak nangma’n hmu’nfel tum roh.

ISAIA 17:6

Oliv ra tâk zoi sai, a rêla la om ta thei loi, a vîk irsânga minli ringa la om ang hi la ni an ta, Israelhai Pathian Rengpa thusuakin a ti.

ISAIA 24:13

A ra an inok thâk Oliv kunghai khom, Grep râng an inot phiar sai tâk ang hin rammuala nam tin la hong ni an ti.

ISAIA 24:16

“Kôlkil ata, mi dikhai chu chôiindômhai roi,” tia hlasak irhâi inhria ei ti. Ki’rzal ta, ki’rzal ta, ki lu chung a rik! a ni hnôltu’n a ni hnôl maia, a ni ihnôl dân khom a irkhêl a ni.

ISAIA 28:4

Ram hmun hoitaka om roiinpuinahai chu chûl an ta, fûrpui misa hong luma theipui ra irhmal anga, a hmin masataka irlem ang hih ni a ti.

ISAIA 6:5

Keima’n chu, “E hei! ki ithi a ni ta! hmûr saloia sip, hmûr porinchea siphai laia om, Anchungtak itinrêng Rengpa chu ki mitin ki hmu ta,” ki tia.

JEREMIA 15:10

Itina inren om mo ki ini tâk hi! I lo hrangin mo rammuala ki zuang irzir hi? Ram sûnga mi tin le irngoa irkhal a nang tâka. Intângtirhaiin mani, intângtirhai loi khomin, mi tinin khomâk an ni sâma.

JEREMIA 24:2

Matona bêma khan theipui ra sa hmin masahai an oma; a danga khan theipui ra saloi fâk thei ni ta loi a oma.

JEREMIA 4:31

Khêk irhâi, nupang nâiha isêa khêk irhâi angin kin hriata, Nupang nâi nei masa taka khêk irhâi ang khan, Kha kha Jerusalem phûk irsam khêk irhâi a nia, A kut pharin, “Ki isiatchit tâk a ni! Ni that hrangin an hong tâk!” a tia.

JEREMIA 45:3

nangma’n ‘Ki chung a rik vang na! fiana ki itonghai chunga Rengpa’n beidongna a ni zuang bôk pe nôka. Lungzîng takin kin runga, sôl irngamna zel hmu thei ta ma ung!’ ni tia.

JEREMIA 5:1

Jerusalem mihai, in kongkâr tina intân unglân, Thîr unglân, nin bingin en roi! Bazârhaia zong unglân, thil diktak thoa, Pathian ta hranga iamom tum inkhat lua nin hmu thei ngân mo? Nin hmu theia ni’n chu, Rengpa’n Jerusalem hi lan zôk a ti.

HOSEA 9:10

Israel kha ramchâra grep ra ang maiin ki hmua. Nin pahai kha theipui, zoro masaa a ihmin masa angin ki hmu; khannisian anni kha peor tânga Baal chu an pana, thil inzakom taka khan an irpumpêk tâka, an irngaiinhlu tak millimhai ang dên khan an iporinche a ni.

NAMBAR 18:13

Khahai murdi kha ni ta an nia, ni in sûnga mi murdi, Pathian dâna irthiangtu kaiin chu fa thei an ti.